Journals
Wednesday,Aug 31 2005, 07:46:44 PM今日既主題: BLUE~
1. Zoie離開左我地, 已我竟然沒有送她最後一程....
2. 訓左半日, 但又訓得唔係好好
3. Miss 左deadline, 個網仲未出街
4. 秘密, 要什麼秘密....
5. 小肥豬冇乜進度.....
----
今日既主打歌: 都仲係聽住christian death先啦!
Tuesday,Aug 30 2005, 06:45:47 PM今日主題: 好煩~
我既五大怪癖:
1. "好憎講電話"
前朝加上我阿媽遺留俾我既職業病, 好憎好憎好憎好憎好憎好憎好好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎好憎講電話, 最好有咁短得咁短!!!!! yes, NO, 係, Bye. 最好唔駛講.
女仔打俾我都係咁話, 冇mood講 !!!! 呢, SMS就唔同勒!!!!
2. 情況失控
雖然好清醒好理智, 但係有時一想起D尷尬野, 就好想大叫....
3. 會不停咁聽同一隻歌, 到達強迫思想症的地步, 跟住忽然之間, 閃電之間就想嘔
4. 想喊
一諗起一D野, 就會好想喊, 係好感動那一種, 不是傷心那種.
5. 總之我總有D野好乞人憎, 而我自己又唔知, 有D合理, 有D就唔合理
-------------------------------------------------------------------------------------------
每個阿媽都好煩, 我了解.
但我同我阿媽既唔夾簡直係結構性.
星座好準, 我既月亮星座係天蠍, 我太陽星係獅子, 我阿媽係天秤. 識星座既人應該已經明哂....
一般父母同仔女既嘈交都係因為對一件事你有你立場, 我有我立場. 你講你意見, 我又講我意見, 咁樣拗落去.
而我就經已係不設防城市, 完完全全唔想加入同佢嘈. 完完全全諗緊唔同層次既野. 我估好多人都好似我咁, 呢個唔只係我問題.
佢既價值觀同我係完完全全唔同. 佢要求一個安定, 長久, 穩定, 踏實之中希望有驚喜.
而我, 我只會作短期計劃, 享受及時行樂, 但有著最佳的危機管理, 充滿控制性險精神.
最大的問題是: 我是不育主義者, 我沒有自己的家庭觀念, 因此我便更有權去個人主義.
我是不育主義者, 我這生就只會打算到我死為止. 我不必要為家族的下一代打算. 我只需要為我自己打算就是了. 我父親本事, 不必等著我去供養, 而我也絕對願意去供養父母, 這一點不是問題. 我和阿媽最大的分歧在於對人生的態度以及人生資本投資政策. 一言真真難盡!
我曾經, 都是一條無用的裙腳仔, 信奉我阿媽的人生宗教, 相信她定義為正義的看法, 相信只要跟著她那安定, 自保, 保守, 默守成規的做法, 人生就會有驚喜回報.
結果現實令我對她的人生宗教信仰破產, 我發現她天秤座的主觀自大, 片面之詞跟本沒有將很多事情的真相教育給我, 比 如很多事情的兩面性, 客觀性等, 這令我這個天真的獅子座碰了很多釘, 受到一些(我不敢說所以傷害都來自她的教育)心理上的傷害.
當然, 最後我當然發現了一套比較像樣的一套價值觀 (我不敢說我現在的就是對, 而她的就是錯, 但我只想說這是我從我接觸到的世界中學回來的)
到今時今日, 她依然無法比較中立地看事物, 我不怪她, 但不想去反駁她, 改變她. 我尊重她.
很簡單的一個例子: 就設假我會討論死, 我知道人生有生便有死, 而且更有可能隨時死, 為了值得的理想貢獻自己的生命也是值得的. 設假這是我的想法, 但我阿媽, 就會連這個討論都不可以開始. 當我和老爸的交談, 或者收音機又好, 電視機又好, 出現一些負面的東西, 我媽都會即時加以大量說教, 令到那東西變成反面教材. 我就是在這種學術氣氛下成長的. 而我現在連電視機都不會看.
我是受我媽的婦人之仁, 匹夫之勇薰陶而成長的. 她教我努力, 但又不要太努力. 她教我好大喜功, 但又教我安守本份. 在太平的時子她會叫我去練兵. 打仗的時候她卻叫讀書聖賢書.
到今時今日, 她依然無法比較中立地看事物, 我不怪她, 但不想去反駁她, 改變她. 我尊重她.
但是她想改變我, 同化我. 救命...
有個禪宗的故事是這樣的:
從前有兩個小和尚為了一件事而爭執起來. A小和尚說自己才對, 是B小和尚的錯. 相反, B小和尚說自己才是對, 是A小和尚的錯才真. 二人去找大和尚評理. 大和尚說: A小和尚沒有錯, B小和尚也沒有錯, 你們兩個都沒有錯.
我媽就是不會明白這個故事.....哎. 講完.
今日主打歌: Christian Death: Halos
一隻Rozz Williams 年代的bootleg歌....唔太Gothic味, 有DD post-punk, 但係非常精彩絕倫的一套歌.
Monday,Aug 29 2005, 05:04:21 PM今日既主題就係: 夏老威
好支力.
有幾支力? 滿分10粒星我俾12隻免仔......不過點都寫兩隻字.
由於琴日碧完波都冇時間返屋企訓...結果今日就一個夏威夷look去開工+行旺角+夾band. 果然俾我批中左, 呢個星期開始會忙到抽筋. 真係應. 好! 忙即有錢.....好呀, 忙丫唔該. 好在今日同聽日都係優差....後日到星期一都係一個死字.
今日同C去夾歌, 佢外形就非常討好喇, 歌藝都有D條件, 但要執執. 呢期佢個廣告仲周街見, 真係紅...記低先...佢個range係Eb去到A#....希望佢會投入到音樂既世界, 為我地UMUSIC打響頭炮啦!
今日竟然見到CP肥F, 哎....佢又肥左.....不過佢bf就好好仔, 感覺好好. 又見證左一樣野啦, CP冇好野囉, DA就好好多, 就算大陸既EA,SA都似非常唔錯. 不過點點點都好過鬼佬CA呀UA呀....真係全部係阿嬋....問佢有冇CP校服賣....原來係有咖, 不過成千蚊套.
今日開始個腦都諗住點整 "冰雪火海"....哎, 有得諗就冇得整, 心痕也....我是真心喜歡下廚呢 ~_~ 當然, 最重要的是...有 '知音食客' 嘛~~~~~
今日主打歌: 青山散步-Stephy
呢隻歌好野當然係要講Stephy既唱功, 以為好易唱咩, 其實一D都唔係. 其次就要講編曲啦, 完全執唔到. JAZZ呀.....聽呢隻歌, 好有消暑既感覺~另外一隻有消暑感覺的歌就係Bee Gee's how deep is your love喇!
Monday,Aug 29 2005, 10:50:35 AM今日既主題: 寫番琴日既日記先
琴日碧波.
一個字: 謝~
去玩浪, 足足有隻大笨象咁高, 將個人彈開成丈高.....
之後去左Duck Duck度食韓燒, S中段加入. H話:佢靚左喎~ 真係? 咁即係話佢以前......
之後, 番左公司, 一放低D野就....死左.
食飯既時候, I問咩叫全球經濟一體化....我就用左一個比喻: 假設大澳有自己一套經濟體系, 而中環,灣仔,銅鑼灣...全香港島就係一個大既體系. 本來各不相干, 但如果中環既老闆打開大澳既市場....咁就出現好多問題喇....其實大市場本身不是問題, 而是大資本有機心地打開新市場, 咁先會出事, 所以反對的不一定是國與國之間的貿易, 而是不公平的貿易!
全卷完.
Saturday,Aug 27 2005, 02:14:41 PM今日既主題:科學館
今日好開心地同S同T同埋成班公司人去唱K-Lunch. F放飛機......殺~
玩得幾開心, 不過都冇認真唱過一隻歌 (除左大半首國際歌) 估唔到T唱歌都唔錯, 可以搵下佢夾野.
之後好神奇地進行左一件事: 去遊科學館. 講都唔信, 由入去到出來我都以為係第一次入科學館. 但係到家下我先真正記起其實我之前是去過科學館的!!!!!!!! -_- 失憶....點解呢, 因為世界上面好多呢類科學館我都去過好多個, 一時搞亂, 原來香港呢個我係去過咖~~~講都唔信, 係自己一個人去的.
如果你未去過, 真係, 20蚊去科學館認認真真行一日, 同埋去香港歷史博物館行一日, 真係100000000個推介, 真係好有意思, 好值得去睇!!!!! 之唯一問題就係香港歷史博物館將鴉片戰爭輕描淡寫化, 但三年八個月就大字標題....好似唔係好岩喎.
日本仔, 日本妹, 日本文化, 日本既音樂, 日本既產品, 日本既玩具, 日本既卡通, 經已成為我成長的一部份. 但始終心裡面是仇恨日本的. 日本人做事投入認真, 手工好, 上心, 有誠意, 創意都強, 是一個素質好高的民族. 佢竟然可以接受將兩個原子彈投到自己土地上的國家的援助, 之後幾十年半點仇恨之心都冇, 反之前戰勝國中國等......呢種祟拜強者的心態...真令人害怕. 什麼中日友好, 呸. 如果日本冇發展軍國主義, 你話幾好. 以前有個historian朋友話, 納粹黨殺猶太人的數量都不及一次南京大屠殺. 到底有冇咁誇張? Auswhich已經好似工廠咁日殺夜殺咖啦....南京大屠係冇工業性質的屠城, 真係可以比納粹殺更多人? 有冇人知兩者的數字呢?
琴日睇番lord or the rings, 好正. 個故仔將一個quest分成三條線, 一齊進行, 大家都有大家的重要性, 最大的武器其實係自己既貪念, 而不是什麼suron, suramen. 都幾有意思. Frodo同Sam一段戲最感人, 尤其最後sam將Frodo搬上山一段...."If I can't carry the burden, then I'll carry you" 好鬼無名英雄.
聽日就係一年一度既碧波. 快D訓......快D訓.....