Journals
Sunday,Jan 22 2006, 05:21:45 AM錶
昨晚,拿著安安的手錶,仍然很新,錶面沒有花.這錶錶我送給他有5年多了...是他臨別去澳洲讀書時送給他的...至今我仍很喜歡這只錶,我曾經帶過上班,男同事們都說這只錶(ii na ~),我就是喜歡它閃閃令....現在諗完書將回港,依舊是這錶...
我的那只酒紅色手錶,跟婷婷一起買,原來都有4年了,它真是身經百戰,整過2次~我亦將它粗帶,到現在都不是很殘...
Citizen這個牌子,我真的很喜歡,很實用
唔知下次買錶,婷婷會唔會同我買同一個牌子?
Wednesday,Jan 18 2006, 02:01:25 AM睇牙醫
因為上星期六及日,隻牙好痛的關係,原本上星期六看牙醫,話不太嚴重,我還是再次去把它們補了好了
昨天去見的是另位牙醫,我告訴了他我的情況後,他就用幾確定的語氣說:你的牙是壞到了神經~
然後他介便說了很恐怖的後果及補救方法~我真的嚇呆了
我說不如照x-ray確認一下~
幸好照出來發現沒有傷及神經...
後來醫生便拿出2大枝麻醉針...往我口腔裡面的2邊牙骹旁注入....
雖然不是第一次打麻醉針,但是真的好很害怕,令我想起拔智慧齒的時候....
20分鐘,完成!
太好了
還是不要吃糖果...
Monday,Jan 16 2006, 05:14:57 AM學人整糯米糍
哈,安安話唔開心既時候要搵d野做來令自己開心, 所以我就食多d甜野,會開心d,點知,牙就駐牙,好痛.....唔方唔開心
話時話,呢期真係好鬼灰......我貪得意買左材料整糯米糍,無心機整,放左係度2日....
材料
糯米粉 600克)
糖 1/2杯
大椰漿 1罐
大花奶 1罐
荳沙 半斤
製作過程
1.
將半碗糯米粉用白鑊炒兩分鐘,備用。
2.
將剩餘的糯米粉,糖,大花奶,大椰漿攪拌,然後隔水蒸1小時。
3.
將蒸好的粉糰分30-35份,把小粉糰磋成球狀。
4.
將球狀的小粉糰壓成圓形,再把小量荳沙放入,然後封口。
5.
將糯米沾上已炒好的糯米粉即成。
安安叫我整,咁我就整,唔記得左我只用一半材料試整, 我隔水蒸,蒸左1小時(應該蒸30mins)
d粉硬左tim...
好啦,開始包糯米糍,原來好難封口......
包到好核突,wahaahahaaa,我都忌唔住爆笑
皮好厚,涵好少,個封口又好核突
wahhaaaaaaaaaaa
Friday,Jan 13 2006, 03:07:43 AM再見貓貓
昨天早上有人上來check屋,因為其他housemates搬走左,其實呢幾日我地都好小心,如果一有可疑人按門鐘就將貓貓收入衣櫃
點知昨日就check....我同安安仲係唔知佢走入來,佢11:00am敲我地房門..赫鬼死......貓貓都驚到走入來喵喵叫.....
好彩安安作大話同個staff解釋,唔係就唔洗再住...其實我9點左右已經起過身去餵貓貓,又餵我自己到10點先再瞓返,咁0岩,
我瞓著佢就入左屋真係好唔好彩....
無法子,貓貓一定要走,唔可以再住係度,好慘,佢主人昨晚就接走左佢lu ....平時開門一件事就係叫貓貓,搵貓貓係邊,唔開心同佢玩下,蝦下
佢都好開心.....衣家無得玩lu...
我問過我媽話想養貓,媽媽唔比....第時搬出去可能會養..
**********************************************************************************
我都記得上年我同大家定下的目標...好似沒有進步過......
真係遺憾....
希望今年會好d.....
**********************************************************************************
我地就快賣左架車,但係賣左後安安又要返學,唯有等佢讀完先去gold coast,所以我地會係新年既時候去,所以大約會係30/1先返香港~好想去goldcoast去耐d....可以係海中餵海豚,最遺憾係原來有得睇鯨魚,但係過左季節.....
睇下到時點安排啦~
Sunday,Jan 8 2006, 04:09:41 PM又來sunday market
依家係澳洲時間3點幾(am)....剛瞓醒一陣,仲係好神智不清....唔得想再瞓
因為屋企仲有好多d垃雜野,所以我地又出動,去SUNDAY MARKET 賣我地d野...
今次我地4點幾(am)去攞籌(因為無得book),比上次早左成個鐘,太好啦,我地係第5個..
到5點幾(am)我地已簽左waiting list 等叫名,好苛啦,可2去車度瞓2個鐘..
到7點(am),攞到個位,就開始擺檔,d野真係賤賣,2,3蚊..唔係要返香港,有d野都唔想賣咁平...
之後不時去其他檔口睇下野啦,有好靚既迷你玟瑰花,2蚊10枝,買左~
今日又哂又熱,好彩塊臉有用防曬,唔係死硬,因為我今日著背心...膊頭糟漾,紅哂,好痛
唔得,唔講住,瞓先~
*****************************************************
完左之後數過,賺左aud $66,哈,其實值唔值真係見仁見智,都係唔想掉d仲用得既野啫
返到屋企,好唔舒服,我仲抱住瞄貓玩轉轉轉,轉到我好暈,佢只係喵喵叫,都無咩事咁,我就頂唔順.
安安煮左面比我食好好多,原來我都係肚餓所以有暈又想吐咁,我瞓左既時候,安安將屋企拾整齊,
碗都洗埋,衫摺埋,好開心呀!