Thursday,Apr 2 2009, 10:55:55 AMئاجايىپ خەۋەر _غەربنىڭ گاز....

ش ئۇ ئا ر ۋەكىللىرى غەربنىڭ گازىنى چەكلىمىسىز ھالدا سىرتقا يۆتكەۋېرىشكە قارشى تۇردى

تەبىئىي گازغا باي رايوندا گاز قىس، ش ئۇ ئا ر ۋەكىللىرى غەربنىڭ گازىنى چەكلىمىسىز ھالدا سىرتقا يۆتكەۋېرىشكە قارشى تۇردى
ئۆز خەۋىرىمىز. ئۇيغۇر ئاپتونوم رايونى جۇڭگودىكى تەبىئىي گاز چوڭ ئۆلكە-رايونى، ئەمما بۇ رايوننىڭ شىمالىدىكى بىرقىسىم شەھەرلەردە گاز قىس بولۇش مەسىلىسى ئىزچىل ئۈنۈملۈك ھەل بولماي كەلمەكتە. بۇ مەزگىلدە ئۈرۈمچىدە ئۆتكۈزۈلگەن ئۇيغۇر ئاپتونوم رايونى 11-نۆۋەتلىك خەلق قۇرۇلتىيىنىڭ 1-ئومۇمىي يىغىنىدا، خەلق قۇرۇلتىيى ۋەكىللىرى ئاپتونوم رايوندا خەلق تۇرمۇشىغا ئىشلىتىلىدىغان تەبىئىي گاز قىس بولۇش مەسىلىسىنى جىددىي تۇتۇپ ھەل قىلىش توغرىسىدا تەكلىپ بەردى.

خەلق قۇرۇلتىيى ۋەكىلى شۈئەن گوجۈن مۇنداق دېدى: قىش كىرگەندىن بۇيان، بولۇپمۇ ئۈرۈمچى، تاشئېرىق (شىخەنزە)تا خەلق تۇرمۇشىغا ئىشلىتىلىدىغان تەبىئىي گاز بىلەن تەمىنلەش جىددىيلىكى كۈنسېرى ئېغىرلاشتى، گاز قاچىلاشنى كۈتۈۋاتقان ئاپتوموبىللارنىڭ ئۆچرېتى بىر كىلومېتىردىن ئېشىپ كەتمەكتە، تاكسى شوپۇرلىرىنىڭ 2-3 سائەتتىمۇ ماشىنىسىغا گاز قاچىلىيالماسلىقى ئادەتتىكى ئىشقا ئايلاندى. خەلق تۇرمۇشىغا ئىشلىتىلىدىغان تەبىئىي گاز جىددىيچىلىكى شىنجاڭدىكى، بولۇپمۇ شىمالىي شىنجاڭدىكى پۇقرالار ئورتاق كۆڭۈل بۆلىدىغان مەسىلە بولۇپ قالدى.

كەسىپ ساھەسىدىكى ئەربابلارنىڭ ئاشكارىلىشىچە، يېقىنقى يىللاردىن بۇيان  ش ئۇ ئا رنىڭ نېفىت تەبىئىي گاز ئېچىش ئىشلىرى "فونتانسىمان" ئاشقان بولۇپ، تارىم ئويمانلىقىدا ئىلگىرى-كېيىن بولۇپ بىر تۈركۈم چوڭ ۋە ئوتتۇرا تىپتىكى گازلىقلار بايقالغان، تەكشۈرۈپ ئېنىقلانغان گاز زاپىسى 724 مىليارد 134 مىليون كۇپمېتىر بولۇپ، "غەربنىڭ گازىنى شەرققە يەتكۈزۈش" تۇرۇبا لىنىيىسىنى يىلىغا 20 مىليارد كۇپمېتىردىن 20 يىل مۇقىم تەمىنلەشكە يېتىدىكەن. 2007-يىلى، تارىم يېڭىمەھەللە گازلىقى ئىشقا كىرىشتۈرۈلۈپ، "غەربنىڭ گازىنى شەرققە يەتكۈزۈش" قۇرۇلۇشىغا يەنە 2-چوڭ گازلىق قوشۇلدى، شۇڭا  ش ئۇ ئا رنىڭ 2007-يىلقى تەبىئىي گاز ئىشلەپچىقىرىش مىقدارى 21 مىليارد كۇپمېتىر بولغان. 

ئۈرۈمچىدىكى كۆپلىگەن شەھەر ئاھالىلىرى: شىنجاڭدىن شۇنچە كۆپ تەبىئىي گاز چىقىۋاتقان تۇرسا، نېمىشقا پۇقرالار گاز ئىشلىتەلمايدۇ؟ ئاشۇ گازلار نەگە كەتتى؟ دەپ سوئال قويۇشماقتا. ئەگەر شىنجاڭدىكى خەلق تۇرمۇشىغا ئىشلىتىلىدىغان گاز جىددىي بولۇش مەسىلىسى ۋاقتىدا ھەل قىلىنمىسا، بۇ رايوندىكى بىرقىسىم شەھەر ئاھالىلىرىنىڭ نورمال خىزمەت ۋە تۇرمۇشىغا تەسىر يېتىدۇ.
ئىگىلىنىشىچە، ھازىر ئۈرۈمچى شەھەر ئاھالىلىرى ۋە شەھەردىكى گاز ئىشلىتىدىغان ئاپتوموبىللار كۈندە تەمىنلىنىدىغان گاز پەقەتلا 860--870 مىڭ كۇپمېتىر ئەتراپىدا بولۇپ، مۆلچەرلىنىشىچە بۇ يىل ۋە كېلەر يىل بۇ شەھەرنىڭ كۈندىلىك گاز بىلەن تەمىنلەش مىقدارى بىر مىليون 300 مىڭدىن بىر مىليون 500 مىڭ كۇپمېتىرغىچە بولىدىكەن، 500 مىڭدىن 700 مىڭ كۇپمېتىرغىچە گاز كەملەيدىكەن.

شۈئەن گوجۈن مۇنداق دەيدۇ: بەزى پۇخراۋىي كارخانىلارنىڭ پايدا قوغلىشىپ، تەبىئىي گازنى چەكسىز ھالدا سىرتقا يۆتكىشى، رايونىمىزدىكى خەلق تۇمۇشىدا ئىشلىتىلىدىغان گازنىڭ قىس بولۇشىدىكى سەۋەبلەرنىڭ بىرى، ئاپتونوم رايونلۇق خەلق ھۆكۈمىتى بۇنىڭغا چەك قويۇشى كېرەك.
خەلق قۇرۇلتىيى ۋەكىلى لۇ شياڭباۋ مۇنداق دەيدۇ: غەربنىڭ گازىنى شەرققە يەتكۈزۈشتە ئالدى بىلەن مۇشۇ رايوننىڭ تەمىنلىنىشىنى كاپالەتكە ئىگە قىلىش كېرەك، بولۇپمۇ خەلق تۇرمۇشىدا تەبىئىي گاز ئىشلىتىش سالمىقىنى ئاشۇرۇش لازىم.

ئامما ئومۇميۈزلۈك مۇنداق ئىنكاس قىلىشماقتا: شاڭخەيدىكى تەبىئىي گاز باھاسى شىنجاڭدىكىدىنمۇ ئەرزان ئىكەن، بۇ نېمىشقا مۇشۇنداق بولىدۇ؟ بۇ شاڭخەيدە خەلق تۇرمۇشىغا ئىشلىتىلىدىغان تەبىئىي گاز تولۇقلىما پۇلى بېرىلگەنلىكتىنلا ئەمەس، بەلكى شىنجاڭنىڭ شەرققە يوللىنىۋاتقان گازىنىڭ باھاسىنىڭ روشەن تۆۋەنلىكىنى بىلدۈرىدۇ.
بايلىق بېجى تۆۋەن بولۇۋاتىدۇ، تەبىئىي گاز ئېچىشتا زۆرۈر بولغان تەرەققىيات خىراجىتى كەم بولماقتا، بۇ مەلۇم مەنىدىن تەبىئىي گاز ئېچىش تەرەققىياتىنى چەكلىمىگە ئۇچراتماقتا، شۇڭا بايلىق بېجىنى ئۆستۈرۈشمۇ شىنجاڭدا تەبىئىي گاز قىس بولۇش مەسىلىنى ھەل قىلىشتىكى ئۈنۈملۈك يوللارنىڭ بىرى. كۆچۈرۈلگەن مەنبەسى؛ ئاققۇش مۇنبىرى AQQUSH دىگەن باشقۇرغۇچىنىڭ تېمىسى.(پايدىلىنىش قىممىتى باربولغانلىقى ئۈچۈن كۆچۈرۈپ ئەكەلدىم توغرا چۈشىنىڭلار)
ئەسلى مەنبە:ئۇيغۇربىزتور بېتىنىڭ خەنزۇچىسى

http://www.uighurbiz.cn/news/2009/0301/article_9622.html QQrn
بۇ مەزمۇن دىيارىم خەۋەر قانىلىدىن ئېلىنغان، ئەسلى ئادىرسى:http://diyarim.com/hawar/content.asp?id=1069

114 Views | Post Comments | Share with Friends | Recommend

Friday,Feb 6 2009, 10:24:36 AM学习雅思英语词汇的十个实用技巧

学习雅思英语词汇的十个实用技巧

我这篇文章不是针对六级或雅思词汇，而是针对所有的英文词汇学习，因为其实学习方法是一致的。虽然我自己相当讨厌把语言当考试工具，但既然大家还是得考试，只好也说一些准备考试的方法。

不过我还是提倡稳扎稳打的基本功夫。 ...

Read More...

Category: English Test | 50 Views | Post Comments | Share with Friends | Recommend