كل الهلا بيك عزيزي
تحياتي الك بالأول
ما اعرف شنو الي يضوج أو بيه عيب اذا لبست علم امريكا براسي
امريكا رمز للحرية والديمقراطية .... قهل هذا الشي مزعج أو معيب ؟
ما أعرف انتو تمنعون هذي الاشياء من يا باب يعني
مثلا من باب الوطنية او غير شي
بالنسبة النا بشمال العراق كل أنسان يكدر يعبر عن نفسه ويلبس كل شي يحبه
فأني ألبس علم أمريكا دائماً تعبيراً عن حبي لهذا البلد وما يوم واحد كالي عيب هذا الشي
فأعتقد اكو عيب بفكر العراقي الي يعتبر أي أنسان يحب بلد غير بلده هو شي معيب

تحياتي الك مرة ثانية

اهلا بيك اكثر مصطفى , وتحياتي الك . امريكا رمز الحرية والديمقراطية !!! هههههههه هاي صعبة حيل لان اولا الي يؤمن بهذا الكلام مااعتقد انسان واقعي ابداً لان الحرية الامريكية الي شفناها ودنشوفهة صار خمس سنوات كارثية وكل الناس والعالم شاهدوا ماحصل بالعراق من ورة (الديمقراطية الامريكية) وثانياً انت تكول ((انتوا)) مااعرف منو تقصد بكلامك ؟؟؟!!! المهم اني ترة عايش بشمال العراق واشتغل هناك واعرف شنو الي ديصير ومو جديدة علينا احنا العراقيين هذه الشغلات فما كو داعي تصور الي وللناس - الي ميعرفون سكو هناك - بان شمال العراق شئ اخر وعالم ثاني . وشئ اخر بعد عزيزي -العراقي- الوطنية الي تستهزء بيها هي اساس لكل انسان بغض النظر عن انتمائه العرقي او المذهبي وامريكا الي تعتبرها ام الحرية لولا اعتزازها بالوطنية وتمسكها بارضها وخوفها على دولتها ماتجي من ورة سبع بحار لعيونكم انتوا --- وتحررك --- من النظام الطاغي السابق ولا راح تهتم بمشاعركم انتوا الي تحبون بس تقليد المظهر وبعيدين جدا عن الجوهر , اذا تريد ان تقلد امريكا مو بالملابس واللامور الثانوية الاخرى لالالالالا لكن قلد امريكا بالعلم والتقدم والتكنلوجيا والتطور وهذا اخر شئ --- انتوا ---- تفكرون بي .


واخيراً ماكو داعي تسوي نفسك عايش باروبا لان ماتلووووك عليكم هذه الاشياء وشوف نفسك وعيش بواقعية اكثر ولو انت بعدك صغير وراح تعرف ان كلامي كله صحيح وواقعي ومو عايش باوهام ,,, لاتزعل من كلامي ولكن اريدك تفكر بي زين وتشوف انه لاجل العراق ولو ماكو عراق جان انت هسه عايش لاجئ وذليل بدولة من دول الجوار - اذا حصلتها - وحتى تتاكد من كلامي اسال اي واحد عاني من الغربة والذل وروح شوف - العراقيين الاكراد - واللاجئين الموجودين باوربا وخصوصا بالمانيا شلون يذلوهم على كم فلس ماتكفب بس اكلهم وباي لحظة ينطردون برة .


اتمنى الك الموفقية


اللورد العراقي

مساء الخير
أخي العزيز الي يسمعك تكول الي شفناه ودنشوفهة صار خمس سنين من امريكا يأخذ نظرة وكأنما أمريكا هي مسؤولة عن كل الذي يحصل في
العراق
وكأنما امريكا هي الي ترسل أشخاص لتفجير أنفسهم وسط شعبنا العراقي
يعني الى متى تتهربون من حقيقة الواقع ... تتصورن وتتخيلون أنو أمريكا هي سبب كل الي يحصل
كل ما يحصل من تخريب سببه دول الجوار من ايران وسوريا والسعودية

لماذا لم يحصل في شمال العراق كما حدث في باقي العراق ؟
أخي تخلف الشعب العراقي وجوعه من النظام البائد أوقعه في كل ما يحصل وليس أمريكا المسؤولة
أنا متأكد انه في يوم من الأيام راح تقتنع بأن أمريكا هي فعلاً دولة الحرية والديمقراطية وراح تعرف فضل أمريكا بتحرير العراق

ثانياً أعتقد بأن الشعب العراقي نسى مجزرة الأنفال وحرب ايران والكويت والتي خسر العراق أعداد لا تحصى من الشباب ولم يستطيع أحد أن ينتقد كل هذه الجرائم
والأن في كل يوم ترى مظاهرة ضد فلان وينتقدون ما يريدون ويجدون حل لكل مشكلة
الأ تعتقد بأن هذه الحرية جاءت بها أمريكا ؟

ثانياً أنا لم ولن أصور لك ما يحصل في شمال العراق ولا تهمني وجهة نظرك لما يحصل بل كنت أوضح حقيقة فقط
أنا فعلاً أقول بأن شمال العراق شي أخر عن باقي العراق فهل تختلف معي في هذه النقطة ؟

أخي الأعتزار بالوطنية على عيني وراسي وكل أنسان يعتز بوطنيته ولكن لا يجب ان تصل الى درجة بأن تنتقد كل من يلبس علم دولة أخرى !!

نعم أمريكا عبرت البحار ووصلت وحررتني وحررت العراق من مرض خبيث بالتأكيد ولن أنسى فضل أمريكا وجورج بوش علية وعلى العراق
أمريكا جاءت لتحرير العراق من ظالم ... ظلم كل عائلة .. وقتل من كل عائلة ... وأعدم شباب ونساء وشيوخ
ولكن لقى مصيره حتى الأقدام يداس
وهذا مصير كل ظالم

أخي انا ألبس علم أمريكا تعبيراً لحبي لهذه الدولة وليس لتقليدها وللمرة الثانية أعيدها لك فلا أفهم لماذا تقول لتقليد أمريكا !!!

أخي هل تريد أن تصل الى مستوى أمريكا في العلم والتكنلوجيا ببين ليلة وضحاها
مسحيل !!
بالنسبة لي أتعلم ومجتهد في دراستي وهذا يكفيني ولا تهمني وجهة نظرك عن الجميع وتحرق اليابس مع الأخضر فأنا مجتهد عن نفسي
فأذا كل أنسان أصبح مسؤول عن نفسه وأجتهد راح نكون أحسن من امريكا


أخي أنا اعتز بأني عراقي وفضل بلدي علية لن انساه ولن ينساه كل انسان شريف
وانا عايش الواقع بذاته ولم اتخيل نفسي عايش في اوربا كما تقول

أتمنالك الموفقية أخوية

مساء النور مصطفى ....

اولا الاشخاص الي يفجرون انفسهم والناس الي تخرب البلد وتدمر كل ماهو جميل هذولة امريكا جابتهم ولاتعيش بوهم واحلام اليقظة الله يخليك والله دمرتونة - انتوا - ومااريد اطول بالكلام على هذه النقطة لان بيها تفاصيل هواية واذا تريد تتاكد من كلامي وتشوف الحقيقة روح وشوف بالانترنيت فضائح الجيش الامريكي وجرائمه البشعة بحق المدنين العزل واغتصاب العراقيين رجال ونساء وغيرها من الجرائم الي حتى اليهود واسرائيل استنكرتها وانت تكوووووول امريكا حررتنا ؟؟؟ لو بس اعرف انتوا شوكت تشوفون العالم صح وتعيشون الواقع .

ثانياً من تذكر الحرب العراقية الايرانية لازم تعرف انها حرب شرف وهي فعلا ملحمة واكيد ابوك او اخوك الكبير شارك بيها لان كانت حرب مقدسة للدفاع عن الارض والعرض والعدو الايراني هو الي اعتدى علينا وبالنسبة لمجازر الانفال فهي وحداة من جرائم النظام السابق واكيد كل انسان غيور يتالم من يشوف الي صار بيهة , بس بالمقابل لاتنسى الانفال الجديدة الي حصدت ومازالت تحصد ارواح ملايين من شعب العراق على يد ابطال الديمقراطية - الامريكان - واحتلال الكويت كان اكبر جريمة ارتكبها صدام بحق الانسانية وماكو واحد عاقل ينكر هذا الشئ بس بالمقابل كون منصف وحقاني وباوع على الكفة الاخرى راح تشوف الاف الاف العوائل النازحة وملايين المشردين خارج البلد وملايين الشباب الي عاطلين عن العمل ونهب وسلب علني باموال ودماء هذا الشعب المسكين وكل هذه مو جرائم تستحق ان تذكر .. ؟؟ ومنو سواهة ومن مسؤل عنها برأيك ؟


ثالثاً اسمحلي اضحك ههههههههههه اني عكسك يهمني رايك لان انت عراقي ومهما كانت فكرتك - صح او غلط - بس تبقى عراقي , شمال العراق يختلف عن بقية المناطق بشئ واحد فقط وهو الامان ... صحيح لو لا ؟ لان مثل ماكلت الك اني اعرف شكو هناك والكهرباء والخدمات الرديئة والبطالة وغيرها من المشاكل الي يعيشها كل عراقي , بس لاتنسى يامصطفى ان شمال العراق الي تكول انه شئ مختلف لايختلف من الداخل هواية عن بقية مناطق العراق بالعكس لان التفرد بالسلطة والديكتاتورية موجودة بالشمال والي يحكم هناك شخص واحد ومستولي على كل السلطة واذا اي حزب او جهة حاولت ان تبدي رايها راح يكون مصيرها الزوال والدليل على كلامي اضطهاد وقمع بقية الاحزاب الكردية - بكل افكارها - من قبل السلطة بشمال العراق ولازم تتذكر زين من صارت الانتخابات الماضية بشمال العراق وخصوصاً باربيل شلون حرقوا مقرات الحزب الاسلامي الكردي والحزب الشيوعي الكردي وغيرها من ممارسات القمع والارهاب والتهميش الي تمارسه السلطات الحالية هناك ,,, وهذا جزء بسيط من اختلافي وياك بهذه النقطة .


رابعا يسلم راسك وراس كل عراقي , اخوية مصطفى اني احب امريكا بس مو بطريقتك .... يعني اني احب كل انسان بغض النظر عن هويته يحاول ان يصل الى هدفه ويحقق طموحه مثلا اليابان او الصين او فنزويلا كل شعب وكل دولة الها طريقة واسلوب للوصول الى اهدافها لكن (( نظام امريكا السياسي )) هم اعداء للشعب العراقي مو اصدقاء وانت تشوف المظاهرات الي تخرج ضد النظام الامريكي بامريكا نفسها وبكل العالم .... انت عراقي تكول امريكا حررتنا !!!!

ومثل ماذكرت الك اخوية امريكا ما اجت واحتلت العراق لسواد عيون الشعب المظلوم انت حيل متوهم وكلامك خيالي جدا وبعيد عن الواقعية ولو تقرا كتب السياسة وتتابع التحليلات لكبار الساسة بالعالم راح تشوف صدق كلامي لاتيقى نايم اخوية مصطفى واكعد وباوع بعيونك الاثنين وشوف شنو الي ديصير .


خامساً انت من حقك ان تحب او تنعجب باي شخص او نظام او دولة بس .... ضمن حدوك الشخصية , يعني انت تحب الفاصوليا او تحب تلبس بنطلون كاحت او تحب تسمع كاظم الساهر .... هذه شئ يخصك وحدك ومحد يكول لا , ولكن كونك عراقي وتمثل الشعب العراقي بمكان عام وتلبس علم امريكا على راسك ,,,, لالالالالا هذا مو من حقك لان انت تمثل هذا البلد الجريح ومهما كان رايك فهذا هو الواقع ... شفت امريكي لابس علم العراق ؟؟؟؟


واخيراً اتمنى ان تكون مجتهد فعلا واتمنى الك الموفقية والنجاح وان شاء الله تصل الى اعلى درجات العلم والتقدم حتى نفتخر بيك وترفع راس بلدك العراق عالي وانت شفت ابطال العراق يونس محمود وهوار ملا محمد شلون ضحوا ورفعوا راس بلدهم وانت ان شاء الله راح ترفع راس العراق بالعلم والتقدم , وعلى فكرة ترة اني طالب دراسات عليا - ماجستير وان شاء الله راح اكمل رسالتي قريباً .


تمنياتي الك اخوية مصطفى ولكل العراقيين بالموفقية ودوام النجاح وان شاء الله يتحرر العراق من الاحتلال ويرجع عراق الامجاد .
تحياتي

هايين
الحمد لله منيح انا كيفك انتي ؟
يسلموو انا مشتئلك كتيرر والله
شو اخبارك

تووووووووووووووووووووووووووفي شلونك اني دنوشه بس ايميلي انسرق وسويت واحد جديد dede.hony614 راسلني تةفي لآن ظل بالي عليك اوكي