Journals
Saturday,Oct 1 2005, 01:53:00 PM
同林權、PAT達一齊食飯，果種感覺好奇怪。
雖然我地識o左咁耐，但係原來我地三個從來都未試過一齊食同一餐飯，真係非常神奇既事……….
點講呢，我地三個都算係好奇怪o既組合。我地三個性格上完全唔同，亦講唔上有共同既嗜好，係觀瑪咁多年黎只係中一試過同一班咁大把。到底維繫我地之間「Friend」既感覺係乜野？
唔通就係感覺？Wakakaka！唔通因為我地係「同類」？如果咁計既話都應該預埋Samsung佢果份。
一個自小失去父親，一個自小討厭父親，一個有父親等於冇父親，如果加埋我地身邊一堆二堆識既人真係可以組隊問題少年團….( 你都十到旻啦……仲扮細！)
雖然係咁，但係呢餐「遲來的午宴」起碼俾到小小鼓勵我。起碼當我離開觀瑪，我仲知道自己帶走o左 D 野。