Thursday,Mar 31 2005, 04:45:00 PM

今日係4月1日,即係愚人節喇~但係都好似平常咁過,無咩特別事情發生,沒有幾年前像一代巨星張國榮墮樓身亡既新聞出現~總之就非常平淡~不過平淡都有平淡的好~唔駛面對任何煩惱的事情ma~總括而言,4個字~'簡單是美'----對任何事情包括感情或事業都可以用這4字解決的~好喇~廢話講完喇~

今日早上就繼續做份死人essay喇~但係都仲未做完,因為自己太懶喇~之後就係咁上網睇漫畫~發覺拳皇既漫畫實在太好睇喇~令我愛不釋手~~係咁睇,因為都好多單元呢~所以都要抽些時間去睇~而且本漫畫既主角草薙京,8神等又好型喎~故事都好緊湊呢~搞到我下午都用黎睇漫畫~

晚上就去補econ,今堂都學到野,同埋kelvin co終於開始教cost喇~真係好喇~等左佢教好耐喇~咁可以追番女王而家既進度ma~補完之後就同ar光行番去觀塘打機喇~但係因為太多人既關係,無得打,咁咪企係到睇囉~可以慳番d錢ma~睇多一陣就回家喇~

P.S.1:我發覺今日補習班勁多女仔ar~差唔多成班都係女仔,得5,6個男仔ja~而且d女仔個樣都唔差呢~hehe~

P.S.2:今日睇人打機個時有D搞笑野呢~話說有條友係到打SVC,個條友唔算勁個隻,咁佢後面就有個男仔跟佢機既~個部機唔係對機,即係一部機有晒1P,2P個隻~因為個條友唔係勁個隻,但係成日好幸運咁過左關,可能跟佢機既男仔見佢幸運咁過關唔係幾順眼~表現出一副不耐煩既樣子~但係個條友就係咁過關,仲打到去大佬tim~咁佢都吹個條友唔漲呢~不過當個條友一失手被電腦狂抽之際,我見到個位男仔既動作異常大~好似好高興佢就黎輸咁~但係我就覺得人地都係打機姐,駛唔駛下下都想人輸ar~我覺得咁樣好無機品呢~如果掉換角色的話,唔知他會點諗呢~

24 Views | Post Comments | Share with Friends | Recommend

Wednesday,Mar 30 2005, 10:06:00 AM

                                       March,29,2005
因為個死人電腦唔知點解無喇喇上唔到網,搞到我又無得打日記~真衰~
今日都好平常咁過ar~早上因為上唔到網,所以就去左做文化專題喇~好彩都有好處既~就係清左少少功課喇~而家只係剩餘geog呢樣功課ja~要努力ar~Eric~

下午就約左nothing,琴姐,wing,盧治同埋佢大佬,ar文去又一城開營商喇~不過講真,都唔係好覺有開會咁~因為可能自己既野已經做晒喇~至於盧治個d野又未做晒喎~條友仔仲特登唔做,帶埋份野黎問我地意見tim~正一死仔黎ga~之後又係吹水中,好快又傾好個營商喇~

之後nothing佢地要去買野,但係自己要慳錢ar~所以就無跟埋佢地去喇~原本諗住搵ar光ga~因為佢係觀塘打緊機~當我到左觀塘之後,就行下個apm喇~但係俾我既感覺係無特別,同普通既商場無分別~我覺得朗毫坊好d~不過可能言之尚早喇~因為間野仲未開晒d商鋪~希望開晒之後有另一番境象喇~但係ar光又要出mk,咁我就返家喇~

之後又要回到無得上網既家喇~好灰呢~因為無野做既關係,加上又有d累喎~所以就索性去訓覺喇~但係訓覺途中,成日都有d電話打黎嘈住本大爺訓覺~佢地真想死喇~

不過竟然有個電話係天恩打黎,仲叫我落去吹水tim~咁好朋友叫到既當然即刻落去喇~唔訓都無所謂呢~之後就咩都吹一餐喇~例如學校,兒女私情,朋友ar~總之吹左好多野喇~真係好喇~期待下次再傾喇~[不過都吹左差唔多2粒鐘呢~]

P.S.:又一城超多靚女呢~
P.S.1:Ar文,你要努力ar~佢聽到電話就應該成功ga喇~hehe~
心情不太好[因為無得上網ma~],唔打喇~

24 Views | Post Comments | Share with Friends | Recommend

Wednesday,Mar 30 2005, 05:43:00 AM

                                  March,31,2005

由於琴晚先有得上網既關係,所以就係咁上網,因為驚唔知幾時又會無得上網ma~既然有得上網,當然唔會放過呢個機會上網睇漫畫喇~一睇就睇到4點到先訓,唔知點解唔眼訓ga喎~而且仲好精神呢~一路睇漫畫,一路chat icq,一路upload d相~就係咁用左差唔多成個晚上喇~

雖然好晚才訓覺~但係今朝就好早起身喇~都唔知係什麼構造喇~其實主要原因係對面間屋裝修,d電鑽係咁鑽,嘈到他媽的咁~痴根ga~晨早流流就係到裝修,係咁鑽野,完全無諗過其他人既感受~正一他媽的~shxt~

下午就同nothing,盧治,d.d.duck,wing去九龍灣既匯豐銀行既office開營商會~不過都開左好耐呢~開得耐唔係因為好多野未做,而係分配工作個方面有d難度,成日都有d限制,搞到我地要係咁諗俾邊個做係最好~結果我地就係咁傾到差唔多5點幾先走得~現在很累呢~什麼都唔想做ar~

P.S.1:突然間好想用英文打日記tim~因為一來訓練下自己既英文,二來打既速度會快d ma~唯一唔好既就係有d字唔知個英文點打,要用拼音先得~不過我諗一星期中會抽其中一日用英文打下喇~希望你們唔會介意呢~~

26 Views | Post Comments | Share with Friends | Recommend

Tuesday,Mar 29 2005, 04:16:00 AM

                                       March,30,2005

好喇~打番今日既日記喇~

由於今日無得上網既關係,所以早上就做左少少功課喇~希望係4月之前做晒佢,之後就開始溫書喇~

雖然今日無得上網,但係電腦就照開,因為開黎聽歌打機都好ar~早上就咁過左喇~

下午就拎番d好耐之前買既電腦game黎玩~三國立志傳2又真係幾好玩既~因為一來係關於三國喇~二來佢d對白好正ga~唔同一般既三國game呢~就係因為這樣,三國立志傳二就陪左我整個下午喇~

晚上我家姐就打電話問番上網既問題~而家你見我打左日記,即係已經搞點左喇~真係好開心ar~因為我發覺自己已經不能擺脫上網喇~日日都要上網先得~

今日既產出取向好低呢~明天要努力d lu~

P.S.1:上左網既第一件事當然係打番d日記喇~不過係打日記之前,又看一看朋友們的日記,看看大家在這幾天做了什麼事呢~一看之下,發覺都有好多人生日呢~佢地都有一個共通之處,就是他們的生日都好開心~不知為何看見他們開心,自己就很開心,現在的心情非常好呢~

現在再借我日記到如你們說聲'生日快樂!'------To Karman,OC,聰仔[講多次喇]同埋以前5A的朋友~希望自己今年都有一個難忘的生日喇~

P.S.2:Ka yan:看完你的日記,你好似有些煩惱~我呢個朋友一定會支持你既~堅持自己的信念就會成功~有煩惱可以搵我傾傾ga^.^

22 Views | Post Comments | Share with Friends | Recommend

Sunday,Mar 27 2005, 11:20:00 PM

今日都無聊ar~成日都係咁hae~功課只係郁左少少~唉~煩喇~明天搵D.D.duck,琴姐求助喇~明天又可以同ar文暢談一番喇~真好~

24 Views | Post Comments | Share with Friends | Recommend