今日系C小姐翻学校报道既日子～～以为佢个“开朗”性格可以好快同室友熟啦……点知佢就send短讯话我知，佢完全唔可以融入D室友到……事关班室友自己有自己D F可以倾计……完全冇人so佢……

C小姐……想不到你也会面临咁样既一日……好可怜吖……或者你净係可以同你只熊仔相依为命啦……

讲真，我都唔係甘识得同陌生人打交道……我都好惊到时我唔识得同D室友相处吖……不过C小姐你翻屋企系件多么容易既事吖……我呢……湛江吖……想翻都唔係甘容易吖……不过C小姐你都唔好甘担心啦……迟早都会同佢地熟伽啦～

谂翻起我地高一军训果时吖～我同你都唔係甘熟啦～～但系系宿舍聊起十八姐D事，跟住就因为大家系前后位，所以慢慢好倾咋嘛～～你唔好甘担心啦～～暂时仲有我同你send下短讯帮你解闷既～～记得加油啦～～

佢，有一块椭圆形既面；佢，有一把乌黑既秀发；佢，有一对清澈既眼睛。佢就係……（估唔到我高一果时居然咁样称赞你，欺骗读者添……）

“幻觉嚟伽姐～”哩个系佢个口头禅。虽然佢俾人一种阳光少女（明明就係auntie……）既感觉，但佢唱起粤曲《分飞燕》果时，就会俾周围既人一种不寒而栗既感觉。虽然系咁，但系系当今年轻人当中，识得唱粤曲既人已经所剩无几伽啦。我听佢讲，佢系自细跟佢老豆学伽～

佢中意结交朋友，班上面有大半既同学都同佢有一定既交情（你就发梦想有一段情啦～），或者系同佢个“开朗少女”既性格有关挂！次次做完早操，佢既身边总会有一班朋友，同佢一齐吹水行翻课室。佢都好中意同四围既同学讲笑。佢成日话：“我系将‘自己既快乐建筑系人地既痛苦’上伽！”记得有一次，佢既同位芬芬问佢一条E文题，佢竟然可以用国语讲：“我不告诉你～”（所以大家都知道其实佢系一个坏人auntie嚟伽～）

讲真果句，佢有好多爱好。佢好鬼中意唱歌，歌都唱得唔错（唱成咁样唔係你既错～），可以话系我地班既女歌手。（就係咁样，造就咗佢系K场上做咪霸！抵si……）佢仲话佢系一个怀旧既人……一次音乐课上，佢仲专登带咗邓丽君同埋许冠杰既karaoke翻学，可惜就冇一展歌喉。（好彩冇咋，有咪大锅！咪霸一唱，我地仲使落课～）佢又中意绘画，仲话自己最擅长山水画，系画上题字仲係佢花朵……比如佢画咗一座大山，佢会用佢丰富既想象力去联想，然后系画上题字——华山论剑……（就係金庸小说睇得太多啦……）仲有一次美术课，阿sir要求我地用圆形、三角形、正方形一齐组合去画画。点鬼知佢D想象力过剩，居然自创咗一个“打呔既稻草人”……搞到全班笑唔停……

不过，佢都系有缺点既。有时佢会唔认真听课，搞到期中考试衰咗，系佢认真既自我检讨后，佢居然仲可以讲：“我决定以后唔会再用3成既功力去考5成既分数伽啦！”（你睇D人……不知几鬼嚣张……有次英语分数系全级第一，仲话自己已经冇检查，仲训咗10分钟，点知仲係全级第一沃……话自己好鬼低调沃……大话！）但系，有时我觉得佢都似一个侠女。佢中意睇金庸小说（上文都提及过……），中意入面果D英俊潇洒、玉树临风既大侠，所以佢就希望自己可以集多位大侠既优点于一身。之不过，佢话佢想成为一个“锄弱扶强，劫贫济富”既女侠……（搞事既一个坏人auntie～）

其实，佢表面上虽然咁抵si，但系佢内里都系一个“善良”既女孩子～佢唔知几时中意养小动物，不过个天好似唔俾佢咁样做。佢可以一个星期养si咗7条金鱼！（一日早上si两条，下昼翻学归家见到又si多一条，然后再补给翻去……就咁日复一日，一个星期si咗7条……）之后既一个月，佢决定再养3条热带鱼，可惜都系si于非命……所以佢良心发现，同我讲：“为咗保护小动物，我决定唔再养佢地啦！费事又成日涂炭生灵，令佢地无辜咁si系我手上！”睇下，哩D就係佢既“善良”啦～

讲咗咁多，打字都打到手软啦，识得哩位auntie既人都应该估到佢系边个啦挂～（当事人记得嚟留言沃～）

好耐冇写文章啦～～都系因为自己懒啦～又唔多中意写野沃～开咗电脑就中意down野慢慢睇……唉，好鬼颓废吖～

仲有30几日就高考啦，真係唔知命运之轮会点样转呢？唔知我个未来系点样伽呢？其实读书真係……读高中系最辛苦伽，听讲高三辛苦完，去到大学就可以好轻松，但系一条拉得好紧既橡筋，一旦松咗手，佢会变成点吖？

好想快D考完高考，快D重获自由吖……虽然时间真係过得好快，但系我好似已经好难捱落去啦……好颓废……颓废……

大声同自己讲：“Kiko，がんばって！あきらめないで！Never Give Up！”