قول فيتو قول ارهاب .... قول كله اصبح حلم
حلم وضاع فى الاوهام.... وقلو بنا شبعت غم
ضيعتوا الحلم العربى.... حلم وبنيناه لسنين
غنينه وقلنا ياربى .. تحمى ارض فلسطين
من غدر عدو متربص.. وقدرنا عليه ف سبعين
عيدنا نسينا الحلم... ضاعت عروبتنا فى ارض
بتدوس فيها الدبابه... على طفل عربى الاصل
ويقول الااه مش لاقى .. ولا رد ولا امل فى النصر
لكن بنقول يا اخونا ... فى ناس هنا قاعدين
بيحاولوا ينموا بلادهم.. بالعلم سلاح منصور
بيحاولوا يعلوا فى رايه... وبيبنوا ليكوا قصور 
بمهندس او فلاح.. مصرى مشهور بكفاح
وحانوصل ليكوا اكيد.. ونحقق حلم بعيد

يا زمن انت المعين
على ظلم حبيب لقلبى
انت القريب لحبى
فمهما عانيت يا زمنى فانت القرين
اكتب يا زمن اشهد على حبى
ضاع ام ضعت انا وبلا رشد
غرقت فى وهم حبيب ينسانى
وتمر انت وبمرورك تعصف وجدانى
تعصف وجدانى لبعد حبيب
يزاد البعد وانت قريب
يا زمن مثلناك جدار
بل اصلب من ذالك فانت كالتيار
تنسى الاحبه القسوه والحزن والاحسار
فانت تمر عليان بساعات
تمر علينا تداوى الاهات
تداوى احزان من قسوه حب
كتبه عليك وعلى جبيننا الاقدار
فيا جدار زمنى كم اتمنى تحطيمك
فى هجر حبيب فتموت النار
فنار بعد حبيب اقوى منك ومن اى تيار
احييك ابنيك اعليك اكتب عليك الاستمرار
ان كان حبيبى قرينا لى ليلا ونهار
فبقرب حبيبى فلتبقى ولبعد حبيى مثلى .فانهار

يوم من ايام شهر يناير

 قريه من قرى مصر

 صعيد فلاحين مش حا تفرق كتير

 المهم فلاحه شقيانه

 تعبانه غلابانه ويمكن كمان منضانه

 شايله على راسها زلعه مليانه

 ميه او غيره المهم تقلانه

 فى الارض بتغرس فى الطينه حفيانه

 والدنيا بتشتى وهيا سقعانه

 ماشيه ساكته ولا هيا فاهمه ولا حتى دريانه

 بحاور بيدور وحديث بيطول

 بين زلعتها وطينه على الارض تحت رجليها على طول

 الطينه فى الارض تحت رجليها بتسال

 بتسال الزلعه على الراس متشاله وهيا فى الارض منداسه

 بتسال الطينه الزلعه وهيا بتتحسر وبتبكى

 يا زلعه اشمعنى : اشمعنى يا زلعه اشمعنى انتى فوق الراس وانا تحت بنداس بالمداس

 ضحكت الزلعه ضحكه جميله ضحكه فرح ضحكه نصر ضحكه وصول

 وردت الزلعه وقالت : يااه يا طينه ده موضوع كفاح بس حا احكيهولك

 انا كنت زيك فى الاول طينه طينه فى الارض بنداس بمداس اللى يسوى واللى ما يسواش

 لكن عرفت قيمتى واخدنى الصانع بتاع الفخار

 اخدنى عمل فيا الهوايل وسوى فيا المحال

 حطنى فى الميه اربع ايام لحد ما عفنت كمان

 وبعد كده فضل يعجن فيا يعجن فيا بعد كده حطنى فى الشمس اربعه كمان

 بعد كده حط ميه كمان وكمان بعد كده جطنى فى دوراه بتدور شكلنى على قد المقدور

 ومسكتش على كده لا ده حطنى فى فرن يوم بحاله

 وطلعت من الفرن ملكه قمر بدر فجماله

 تعبت قوى يا طينه بس فى الاخر شالتنى الفلاحه فوق راسها

عملت اللى عليا بس متغيرتش عن اصلى طينه

 ردت الطينه تحت رجل الفلاحه وقالت : فهمتك يا زلعه فهمتك خلاص

 انتى اتحديتى وتعبتى ووصلتى وبقيتى زلعه تتشال فوق الراس

وفضلت انا زى ما انا اتداس بالمداس