Monday,Feb 28 2005, 11:46:03 AM:: 28/2 :: ( MON ) 爆頭痛 好辛W先起到巡f�

:: 28/2 :: ( MON ) 爆頭痛 好辛苦先起到身番學... 但係響車度就係咁訓... 跟住個頭又痛到爆...頂唔順... 又咳到飛開... 食完Lunch就番屋企Lu... 番到黎一訓就訓到7點幾... 仲諗住 5~6 點起身落去借書做功課添... 但係冇辦法啦...都唔知呢排做乜... 咁病既....我早訓番架啦...?!?!??!... ----------------------------------------------------- 【等半天】 放假了 若你沒有伴侶歡聚 夜裡可掛念誰 卻怕你 盡慶後已倦透安睡 全不管我歎噓 想半天 咖啡也蒸發掉 等半天 困惑沒法消除 想按手電找你傾談 但我心虛 期望在某天與你相見 你要是原來還未發現 心內有了我 我亦沉迷你 將來能無限發展 期望在每天愛你一遍 愛那份猶疑能續次體驗 等著到那個節日能和你一同歡笑著 說以後不變 愛上你或進或退讓我考慮 才決心要伴隨 卻怕我未領會你熟那一類 是否等你進取 想半天 咖啡也蒸發掉 等半天 困惑沒法消除 想按手電找你傾談 但我心虛 期望在某天與你相見 你要是原來還未發現 心內有了我 我亦沉迷你 將來能無限發展 期望在每天愛你一遍 愛那份猶疑能續次體驗 等著到那個節日能和你一同歡笑著 說以後不變 一定要與你過著情人節 心動的說話 百次亦不厭 --------------------------------------------------- 好掛住你啊~~~ *v* --------------------------------------------------- 呢排唔知做乜好似心情唔係幾好咁... 好似好多野諗~但係又唔知諗乜野~ 乜都唔想做~又唔想見人~唔想講野~... 個人好懶....好想自閉... 淨係識得訓.... 個腦好似乜都唔記得哂咁...冇哂位去記得有用既野... 記記埋埋都係D唔等駛既野... D野好亂~成個人都好亂... 就算自己抄低左~~都好似冇左件事咁... 好想搞清楚...好想好想... 搞清楚自己點諗...而事實又係點... 究竟我想點...我應該點... 但係.....我根本乜都諗唔到.... 好累好累了..... 再者....一個同我本來好近既人... 而家唔知點解覺得佢好似好遠咁.... 另外....原來...我已經有15日冇見過你喇... 真係真係好掛住你... 我都唔知做乜呢排自己好似低低地咁.... 乜都唔想做...悶悶不樂咁.... Sigh********** 希望過一排....我會好番啦... 因為黎緊都有好多野做... 又有project...>.< 死喇...天氣又咁凍... 我依然對自己冇信心.... 係呢...我正籌備緊打番波... 其實冇咩都需要準備... 要準備既...係自己既心理... 希望打番波既我...會relax一D... 我承認我俾太大壓力自己... 一放鬆既時候就.....哼哼哼哼喇!!!! 唔想咁樣....亦唔可以咁樣... 再者...忙D既話... 可以冇咁時間俾我亂諗野....

I want these soooooooo much ar!!!! -------------------------------------------------- 仲有一個月咋~.............!!!>.< *v*

Sunday,Feb 27 2005, 01:39:59 PM:: 27/2 :: ( SUN ) 又去睇佢地男仔波... 訓

:: 27/2 :: ( SUN )

又去睇佢地男仔波...
訓得果3個鐘...都竟然唔眼訓喎...
點知落雨場波cancel左...
咁我地就去旺角食日本野...
十分難吃....>.<
之後LeGo,Choi Wing,青,SinE上黎我度打牌...
好耐好耐都冇打牌Lu...
真係好少打...
得閒玩下就好Lu...
如果你又打仲好Lu...

Sunday,Feb 27 2005, 01:36:21 PM:: 26/2 :: ( SAT ) 晨咁朽N過左長沙灣大雄

:: 26/2 :: ( SAT )

晨咁早就過左長沙灣大雄睇佢地打佛聯...
跟住就去body check...
好鬼肚餓Li...

跟住就番屋企訓覺...
訓醒食飯...

沖完涼佢打黎...*v*
佢...真係唔記得左我幾時生日囉... =(
佢個傻佬剪左頭髮呀....hahaa*
佢仲話...遲D會走....sigh*
so sad....>.<
好唔捨得囉...
點解佢唔識得珍惜一個愛佢對佢好既人架...

之後睇埋【吾妻16歲】先訓...
4點幾....=.=

Friday,Feb 25 2005, 02:24:57 PM:: 25/2 :: ( FRI ) 兩年前... 識左佢冇@...�

:: 25/2 :: ( FRI ) 兩年前... 識左佢冇耐...就知佢係個咩人... 於是乎就唔再同佢講自己既野...普通同學... o係我面前 *扮野* 充大頭鬼............ 一睇就知啦...咪當我傻啦...又會個個唔黑面淨係對你先黑面既... 結果...就係俾我棟佢兩棟...寸到聲都唔聲下... 原來..好多人都知道..佢既唔好... 兩年後...冇好過不特止...仲變本加厲... Oh...TOOOOOOO BAD.... Well...事不關己...己不勞心... 老早我都唔理佢啦... 真係...【人在做~天在看】 < A1頭條 > ....【有因..必有果】......Oh.... 今日冇番學Li...費事俾Woody省... 又未做哂D功課... 醒左...阿Be就打黎話過黎搵我... 食完野...佢就上黎... 佢個傻婆仲訓著左添wo...hahaa* 之後我就同Choi Wing出MK... 佢要去MUJI ma... 我地仲撞到Yan & Angel添...好耐冇見... 之後搵唔到cheese cake食... 就食班�x...都係第一次食果間野咋... 我仲見到cheese火鍋添喎....正呀>.< 流哂口水添!!!!hehee* Choi姐應承我禮拜日去食Sushi呀~正!!! 跟住回家吃飯... 冇碟睇...so boring...如果有得食宵夜就好喇!!!

Thursday,Feb 24 2005, 03:15:47 PM:: 24/2 :: ( THU ) 明明可以訓到好晏... 但

:: 24/2 :: ( THU ) 明明可以訓到好晏... 但係..又要晨咁早落葵芳飲苦茶..食藥... 嘩 >.< 真係苦到想嘔呀... 仲要戒口添呀....慘慘... 之後就番學... 禮拜4既堂係最o徒我時間... 兩個廢拉教書...訓又訓唔著...Shit!!! 天氣好濕呀...好唔鍾意... 下個禮拜又凍番...麻煩!! 放學撞到阿信...諗住一齊去hi T... 點知....打烊Lu... 跟住就同阿Be一齊搭車...番到青衣搵阿窿... 要幫Choi Wing大姐拎波衫嘛... 無事不登三寶殿...我就黎打死佢架喇....hahaa* 夜晚想食魚香茄子煲...就同左哥哥去食喇... 佢冇人陪佢食飯嘛...我抵諗D啦...hahaa* 食完講左陣電話....冷淡....>.< lemon + honey...?!?!?即係熱檸蜜啦... 阿晨大夫話得...咁就試下啦..hehee* *v* 番到黎...呆... 諗番起果兩晚D野... 記得我望住佢訓覺個樣... 除左由個心度笑出黎之外... 仲有D酸既感覺....有點想哭... 但係到最後我都冇咁做... 等到佢訓左先..偷偷地.... 見到佢咁累...我真係唔忍心...再煩住佢... 係我太過討厭...??!係我太過煩...??! 算啦...我早就唔應該再...... 再者...你的確冷淡左好多..好多好多... 唔再同我講【掛住你所以打俾你囉】... 點解...D人...永遠唔識得珍惜身邊既一切... 往往到冇左先黎後悔... 唔記得響邊度睇過一段文字... 話兩夫妻每一次出門..每一次分開.. 都會kiss..都會互相擁抱... 因為佢地唔知道將會發生乜事... 因此佢地好珍惜對方... 唔知會唔會再有機會kiss到對方... ................... 但係.... 我地好少好少會對身邊最親既人咁做... 點解呢...!? 今日...終於都同細佬講和... 大家都有錯... 我想俾佢知..我真係好錫佢... 今晚...唔知點解... 好掛住你...好想咬你...好想好想攬住你...