Journals
Sunday,Apr 10 2005, 02:35:58 PM09/04/05 - 朋友離開！ 今日阿鏗就由輕
09/04/05 - 朋友離開！
今日阿鏗就由香港國際機場入左 J 閘口，去左澳洲既墨爾本讀書，要讀成四至五年，雖然會間中返下黎，但係都幾唔捨得佢，佢真係我既好朋友黎，起馬...有時我好唔開心，好夜去搵佢，佢都會黎陪下我，同我傾下計，真係好多謝你呀！阿鏗，你走左之後，我地毅進同學既活動，可能會更加小啦，唉...！
香港國際機場，這個地方，真係幾靚，但係...這個地方比我既感覺，好傷感，好多人係度，分開！...唉...!!
好似無咁個朋友咁，但係又唔係無左，只係...小d見...小d玩，無得見無得玩...短期耐，阿鏗...走左，但係我地又多左個朋友...就係...阿欣啦，希望同佢可以做個朋友啦！...heheee ~!!
阿鏗...努力讀書呀！
Monday,Apr 4 2005, 05:28:23 PM4/4/05 - 兒童節 - 與金堅同桌！[IMAGE]><[I
4/4/05 - 兒童節 - 與金堅同桌！
><
今日放學陪女友去買野，買完食小小野，就送左佢去撘車啦，之後我約左阿鏗同佢女友家欣啦, mane, ray, winnie, ning, crystal同佢細路駿仔啦，原因係阿鏗九號就要走啦，去澳洲既墨爾本讀書喎，好似讀四五年咁，所以...今日同左佢食飯，星期三又會同佢去唱k，同會約佢食多餐飯我估，嗯...今晚多左個朋友啦，就係_家欣_就係...阿鏗既女朋友啦，係一個幾得意既小妹妹啦，細我地...兩年度啦，但係都係小妹妹，哈哈，見到佢地一齊好開心呀，同佢地食飯又好開心，講下笑...食下野咁，食完...唔想走住，所以去左尖沙咀碼頭坐下影下相咁，過左陣...都走啦，同阿鏗...佢女友...同winnie一齊坐車，返屋企咯！
感想：真係好唔捨得阿鏗喎...我發覺，可能真係算係幾好既朋友啦，雖然...我真係唔係幾好，好懶好小打比佢，到佢就走，就好想多些見下佢，唉...死火啦...九號送機，我本來覺得應該無野，唔會太唔捨得，點知...今日食完飯影相撘車，到我落車既時候，真係覺得好唔捨得！...諗番係車度，見到佢攬住女友坐，聽到阿鏗講既小小野，覺得好心痛，好唔舒服，有小小熱淚盈眶，唉！我好眼淺ga渣！...真係唔捨得佢！...但係回想...之前...又咁小約佢去街去玩，到人地要走啦，先咁唔捨得，覺得自己好衰，唉...五? ~!!...話長唔長...話短唔短！...但係佢無電腦用咯，或者寄下信比佢啦！...heheee ~!!
Tuesday,Mar 29 2005, 03:16:56 PM我好@好@無打過日記啦，忙到死，宜家
我好耐好耐無打過日記啦，忙到死，宜家...真係好多功課我覺得，但係又好多都未攪掂...咁多科之中....最好玩係影相，可能本身平時都鍾意影下，同見到身邊既同學...都好有熱誠咁，我又同alice小妹妹...一組...佢好得意咯...哈哈(多謝你帶來的歡笑)，個日又同...mike, vin, 勤, 朗, 蚊, alice, 美鈴, 柳, 一齊影下喎，所以...特別專心同開心，哈哈...
嗯嗯...係咁先啦！...........下次再黎！
Wednesday,Feb 16 2005, 05:13:52 PM瞻繕瞻矇瞻S��罈瞼穠瞻@礎繡癒m�
今日又睇左一次《魔間行者》，其實我睇左一次覺得唔係咁好睇ga，但係佢地個個都好想睇，咁我又無咩所為，咁咪陪下佢地咯，但係可能真係太攰啦，睇到中途訓著左喎，唔夠訓呀，本來BBQ GA但係些人唔知去晒邊，點知ALICE打比我話得番五個人，其實我本來想講唔去GA，但係得番五個人，我又唔去咁好似好衰咁，所以咪即刻換衫出門口咯，最後因為太多人啦，所以改為睇戲咯。不過見下佢地都幾開心既。
Saturday,Jan 15 2005, 02:34:30 AM14/1 - 瞼V礎繙瞻H 瞻繕瞻矇簡��穢籀
14/1 - 冬死人
今日終於都到左啦，色彩學既work，dead line，我用左昨日黎做番五份arts work，做死人，計計下...連續二十四個鐘無訓覺，基本上全個星期加埋都訓唔夠二十個鐘，好攰好攰，累死人，尋晚四點幾個陣，差唔到凍死左，全身打晒冷"陣"咁，手腳冰冷，好彩無死到姐，交晒功課真係舒服晒，下個星期有考試，兩日咁多，快些過埋，真係開心啦。
近幾日又凍番，所有朋友，小心身體呀！