Friday,Nov 26 2004, 03:20:07 PM今日...返學無遲到...應該啦...上完堂..

今日...返學無遲到...應該啦...上完堂...就走啦...，同rachel食完野，咁就一齊撘車走啦，返到屋企...諗住訓覺，點知...家姐又叫我陪佢返中大交野，咁佢叫到...唔通唔陪咩，咁撘車去...交完就去左沙田食野....好開心...有壽司食，食完陪佢行左一陣就...走啦....因為我真係好累啦，撘車...我同家姐都訓著左...攪到過晒站，最後去到總站...又再撘番車...返屋企，我又約左阿ray係尖沙咀食飯，難得佢咁遠係屯門出黎，咁咪陪下佢啦，雖然...近期真係好無錢呀，約左佢七點...但係因為要返一返屋企，所以要攪到七點幾先出到去，又遲到左，食完飯，同佢同mane上左一間...唔知咩...咩公司，講到好勁...但係...我無興趣，所以聽左一半就走啦，自己走...又唔想返屋企住，所以咪...行下先咯...先行左HMV...再行左去海旁...，係海旁見到一個人...拉小提琴...都幾好聽...係個度坐左一陣，一路坐一路同好耐無見既阿鏗講電話，講完聽完...就走咯...去撘車，坐坐下...eric打比我，話聽日...下午出去...講完，...就無無聊聊咁講好多野啦...傾傾下都返到屋企樓下，咁再係...個度講左一陣就返屋企啦，.......好累啦........!!

和平

53 Views | Post Comments | Share with Friends | Recommend

Wednesday,Nov 24 2004, 02:43:42 PM九點幾...係電視...聽到黃霑...已經過�

九點幾...係電視...聽到黃霑...已經過世，唔知...真係有些唔知點咁，突然真係覺得佢好勁，好有才華，人稱「鬼才」，真係唔係咁簡單既，睇到有線播番之前些訪問，睇左一陣...重覺得佢勁...若有所失咁。....

今日...九點半先出門口，好彩...掃瞄堂...一返到去阿sir又係度自己畫緊，未點名好似，所以...應該無遲到，有時都唔明睇住阿sir畫做咩，我地睇下就識咩，又唔係...可能係我foolish啦，可能有些人係一睇就識，天才呀!!痴線!!...，上完堂...同對戀人加leo食野，好耐都無食過咁難食既拉麵啦，浪費金錢，...唉!!....，同佢地食飯都幾唔知點咁，尤其是對住戀人們，佢地既動作唔算係好親密，但係...對唔住...我真係唔係幾想見到(有時都幾辛苦)，希望佢地見唔到我咁寫啦，但係我真係咁覺得咯，食完野...佢地又去左打機，我就去左...撘車又撘船咁去中央圖書館，搵左一些豹紋既資料，搵左好耐先搵到，都唔知有咩咁難，影印埋...再睇下書咁，都成五點幾，再行番去絧纙灣撘車番屋企，番到屋企都六點幾咯，食完飯...就做art history個個大綱，聽日唔知點比阿壹呢，睇下點啦...

唉...近幾日好疲勞呀....好想早些訓呀，...聽日又要上英文course...九點先放....十點幾十一點先返到屋企，重有畫要畫...又要好夜先訓啦.......唉...!!!!......。

44 Views | Post Comments | Share with Friends | Recommend

Tuesday,Nov 23 2004, 02:58:21 AM礎��簧a竄Y職��簧��癒A穢瞼穢�

而家係學校，岩岩做完份英文功課，但係做完都唔知係咪咁做既，希望做得岩啦，因為佔成20%，所以...希望啦，LASTNIGHT去左比賽，三人籃球賽，打左兩場，...WIN OR LOSE唔講啦，唔講大家都知結果啦，打完波返屋企都成十一點，食埋飯沖埋涼都十二點一點幾咯，之後諗住做功課，點知...實在太疲勞了，訓下醒下咁，三點幾醒左五點醒左，最後差唔多六點先上床訓覺，但係都好似無咩點做功課咁咯，唉!!...訓到成九點半先起身，攪到又要撘MTR，撘左幾日MTR返學啦又，好唔舒服，咁遲起身...代表又會遲到啦，果然...返到課室都成十點十分咯，好彩miss都係計我小遲到姐，我唔可以再遲啦，成日都遲到咁好似唔係幾好咁。

今朝起身既時候真係好唔想返學呀，真係好攰呀，打左兩日波，係修x打波真係...，覺得所有人都好勁咯。好攰好攰呀...!!

65 Views | Post Comments | Share with Friends | Recommend

Thursday,Nov 18 2004, 06:54:43 PM而家係十一月十八號，零晨四點半左�

而家係十一月十八號，零晨四點半左右，係度做緊上個星期五就應該交左既B/W poster colour應用之類既artwork，岩岩油好個女仔張臉，但係...油得好核突，一來我唔識二來阿sir又好似無咩教，我好似搵緊借口咁，但係又比我搵到喎，唉...頭髮都未開始，我諗都真係唔洗訓啦，今日十點幾先返到屋企，咪又係個個死人英文course咯，...，講番色彩學先，都唔知做咩，無啦啦叫我地做fashion，咁下年fashion又會唔會做番色彩學既野呀，咩都無教就叫人做，點畫我都未知，開頭聽到同學話阿sir唔係咁好，我都係度諗，咁佢都係為我地好姐，或者諗其他原因，但係我而家都開始覺得佢唔好啦，...唉...fashion...我做好我個part啦，但係...我覺得聽日都難逃一"鬧"啦，唔知啦...畫都唔知點咁，阿sir可能要睇下我地程度呱...唔知啦我，鬧咪鬧咯怕你呀，又唔係未鬧過...。

我諗都真係唔洗訓啦。

戰爭 發生!!
和平 喪生!!

57 Views | Post Comments | Share with Friends | Recommend

Wednesday,Nov 17 2004, 03:14:25 PMHELLO:... 死啦我，上茯P期丰躐rtwork仲未

HELLO:...

死啦我，上個星期五份artwork仲未攪掂，留意!!係上個星期五個份喎，今個星期五又有一份，係設計非洲既服飾，這個係同同學幾個一齊做ga，我諗住做好這個先啦，因為同同學一組，費事累到人啦，唔係咁好既，但係自己個份又未攪掂，唉...努力啦...同學，但係仲未咳好，咳到我死...。

和平!!

63 Views | Post Comments | Share with Friends | Recommend