Journal
Saturday,Aug 28 2004, 08:05:30 PM嗚嗚．．嗚嗚嗚．．依家好感動．．好想喊呀！！
嗚嗚．．嗚嗚嗚．．依家好感動．．好想喊呀！！！
中國今日拎左3面金牌呀！其中一面係屬於中國女排架～！失去左廿幾年既女子排球金牌．．終於都拎番返黎喇！！！好感動呀！！！佢地真係打得好好呀！呢廿幾年黎．．佢地付出左咁多汗水．淚水．．今日終於都有回報喇！！！
呢場比賽真係打得好精彩好緊張呀！一開場果陣．．中國女排連輸兩局喎！本來諗住佢地會就咁就冇晒信心架啦．．點知佢地反而愈打愈勁．．連追兩局．．最後仲以15：12Win左佢地既對手－俄羅斯女排添呀！佢地唔單只冇因為落後左兩局而放棄．．反而愈打愈好．愈打愈精彩．．相信呢D就係佢地可以致勝既其中一個主要原因．．中國女排．中國女排既教練．．你地好勁呀！值得鼓掌！好！
睇返成個比賽啦．．其實兩隊都打得好好呀！雖然最後俄羅斯都係以3分之差輸左比中國．．但係響呢埸比賽中．．可以睇倒佢地真係好有實力．．相信佢地同中國女排一樣為左呢一埸比賽而付出左好多好多．．我響度向佢地致敬！好！
至於另外既一面金牌係由胡佳響男子10米高台度拎倒架！佢都好叻叻呀！真係跳好精彩！交代得好清楚！不過．．今年田亮就只可以響呢個項目拎倒一面銅牌渣．．不過唔緊要！2008年既北京奧運會！我知道你一定可以突破自己！再創佳績架！加油！
8/29/2004 4:57 PM
冇左你地．．我又點會成為學校既萬人迷吖～～～
依家呢一刻．．我只係想同朱朱你講．．．
唔．．．唔．．．．唔．．．（面紅中）．．．唔．．．唔．．．．你咬我食呀！哈哈！