Journals
Friday,Jan 4 2008, 01:37:36 AM聖誕 & 新年
我都好耐冇打zorpia喇~~ 今朝心血來潮, 突然間想記低最近聖誕同埋除夕我係點渡過. 今年兩個大節日, 相對比起上年氣氛少左, 無大型party 活動. 不過都冇所為, 在聖誕, 仍然有少不了o既交換禮物, 只有我同cman兩位小伙子互相交換禮物. 兩人之前定下要買唔可以超過hk$200 o既禮物, 但最後都超標了, 不過唔緊要, 一年一次, 最緊買到心頭好 (講到, 好似係買自己鍾意o既禮物去交換咁, 哈哈)
交換完禮物, 我地冇去食dinner, 因為lunch果餐食得太飽, 所以就去食我地想食好耐o既 哈勁達s 雪糕, 今次我地唔係食雪糕火鍋, 係食火焰雪糕, 同埋一個雪糕餐, 真係超級好食呀~~ 其中有一張相, cman影得好好架.. .有火架... 比大家睇下先~~
我記得上年係同過佢地去CWB 食雪糕火鍋, 諗起都想食...
今年因為我d 一眾好友都入晒camp, 但基, joe就冇入, 所以我地夜晚就相約o係TST 會合喇, 但今年實在人太多了, 我地好唔容易先o係sogo 對出會合, 不過果陣已經時間唔早了, 好似九點幾, 定十點, 行左去半島酒店果邊, 影下相, 之後cman想答船去中環, 然後返坪洲.. 但無奈... 太多人, 封左路... 警察要我地 dull 大圈... (當時我地身處文化中心... 警察要我地掉頭行... 去到新世界百貨, 過對面馬路, 再行番轉頭去番海港城果邊....真痴線).. 所以最後我同cman都o係中途地鐵站離開左TST, 過左中環, 送埋cman上船, 我就自己返屋企, 平安夜就咁過左喇~~~
除夕當日~~ 本身我想出去睇國金倒數.. 但一來冇乜人去.. 二來應該會好迫, 所以決定轉plan, 咁o岩我泰國親戚來左香港~~ 我就帶cman上左我屋企, 食我親戚親自下廚煮o既泰國餐... (真係好好味啊!~~~) 不過可能cman食唔慣... 因為實在太辣了... 我當晚食到個咀都紅晒... 哈哈.. 又出晒汗... 當晚溫度只有11-12度左右... 竟然可以出汗.. 食完飯之後, 我就上左cman屋企睇碟迎新年, 套碟好好睇架,,. 係 "我們這一家" 呀, 睇到咁上下... 佢細妹就煮左碗拉麵.. 就係咁樣... 食住拉麵, 睇碟, 倒數過左個大除夕喇~~ 哈哈.. 簡簡單單, 幾好~~
今年兩個大節日, 同往年好唔同, 不過都唔錯, 各有各好~~ o係度補祝一句 新年快樂, 祝各位身體健康~~
Sunday,May 27 2007, 05:46:15 PM"回歸" 後第一個生日
今年個生日好特別, 好開心. 因為除左有一大班認識了十幾年o既兄弟姊妹之外, 仲有一個好細心o既女朋友幫我慶祝. 我知道佢地為左幫我搞呢個生日出左唔少力, 因為佢地想我第一個 "回歸生日會" 過得轟轟烈烈. 在此要同佢地講聲多謝先.
今年個生日好特別地分開左兩Part.
Part 1: 23/05/2007
你地以往會o係咩時候先會倒數? 聖誕節? 元旦? 農歷新年? 有冇試過生日倒數? 我咁大個仔真係第一次. o係呢日夜晚, 我食完飯之後就出左荃灣搵cman, 佢約左我出去, 想比d 驚喜我, 同埋幫我倒數. 當我見倒佢果陣, 佢就拎住好多野, 第一時間就送上佢精心製做o既芝士蛋糕. 因為天氣酷熱關係, 我地要盡快搵個有冷氣o既地方, 坐低, 然後慢慢品嘗呢個蛋糕 (見倒佢果刻真係好開心架, 天氣咁熱, 佢又出晒汗, 又拎住咁多野, 一抽二 lun). 我地最後去左吉之島坐低, 就急不及待咁打開個蛋糕盒, 拎出o黎品嘗喇~~ 係一個朱古力吉多bea梨芝士蛋糕o黎架 (我最鍾意朱古力架). 我估計size有成一磅重架. 跟住好快就開始食呀, 食呀, 食呀. 食到最後, 雖然覺得有少少濟同埋飽. 但好正, 好好味~~~ (食蛋糕o既開頭部份係有movie的, 哈哈)
食完蛋糕之後, 我就開我呢個生日第一份禮物喇~~ 登登登登~~ 就係一個灰色背包. YEAH, 好好, 我好鍾意. 夠實用, 夠大個 (o岩晒我呢個熊背熊腰o既人). 之後我地就離開吉之島, 行左去海濱花園, 沿住荃灣碼頭果條路行, 中途路經唔知點形容o既地方, 好臭... 臭渠味, 當堂影嚮晒環境氣氛!!! 行多一陣, 就夠鐘了~~~ 要倒數喇~~ 10, 9, 8, .... , 3, 2, 1 生日快樂 哈哈, 就係咁, 完成左我人生第一個生日倒數~~~ 之後因為第二日要早起, 所以行多一陣就返屋企了~~~ (生日倒數 good idea)
Part 2: 24/05/2007
今年正日生日, 天氣好好, 好靚o既太陽. 當我正感受緊咁正o既又氣o既時候, 突然間收倒一個好surprise o既消息. 就係 Cman 突然間出現o係我屋企樓下. 哈哈.. 真係勁呀, 我點估都估唔倒~~ 我果陣仲心諗, 要提佢起身tim, 驚佢唔知醒. 佢仲叫我快少少, 因為帶左d野比我, 驚天氣太熱, 會溶. 之後我同媽媽講, 我媽媽就叫左佢上o黎屋企坐喇 (第一次見家長 XD). 我自己本身心情都既緊張又興奮~~ 呵呵. 逗留左一陣, 我準備好晒d野, 就出門口了~ 我地一齊向赤柱出發.
因為天氣實在太好, 太熱, 所以我地行左一陣就已經面紅耳熱, 出晒汗~~ 我地亦有欣賞龍舟比賽, 都幾精彩~~ 沿途, 我地每人都帶左隻朋友仔出街, 做我地o既影相伴侶. 之後就去左燒烤場, 我地去果度唔係燒烤, 而係野餐. 我地o係惠康買左零食, 飲品坐o係燒烤爐面前開餐, 哈哈~~ 係咪好搞笑呢??!!~~
之後honey話晚餐已經幫我準備好, 咁我地就答車出尖沙咀喇~~ 可惜答錯車, 答左一架超級 "dull" 路巴士, 答左成粒幾鐘~~ 不過都冇所為, 好彩有時間. 我地落車果陣, 仲要由海運果邊慢慢行過去尖東, 都幾遠下. 不過唔緊要喇, 慢慢行. 中途時間o岩o岩好, 可以欣賞埋幻彩詠香江. d 射燈射來射去, 感覺上好似同我慶祝緊咁, 哈哈~~ o係果一刻, 我亦問過honey幾次, 究竟去邊度食飯, 同食d乜野, 佢話 "佢叫朋友訂左位, 陣間你咪知囉", 哈哈~~ 真係古靈精怪. 行下行下, 就行到去尖東果邊, 佢話差唔多喇, 可以去果間餐廳喇~~ o係果一刻我都仲未諗倒究竟尖東有咩特別餐廳, 當我望見 Neway CEO, 我就微笑了, 哈哈~~ 再聽見honey同人講 2 號房, 我就心情緊張了, 因為我已經知道個事實, 但我事前係估唔倒的, 我一大班兄弟姊妹已經o係房入面恭候我, 咪住, 唔可以用恭候, 因為我同cman比左個surprise佢地, 哈哈, 佢地唔suppose我咁早到的. 原來cman帶我去前, 唔記得比電話阿佩, 呵呵~~ 不過 Cman全日都已經做得好好架, 你地唔好怪佢失職喇, 佢又怕我估倒, 所以先唔會夠膽打咁多電話~~~ 之後佢地想重演番原定o既計劃, 所以就叫左我同cman出番去, 哈哈.
當我再次入番去, 個氣氛好好呀. 暗暗地, 背景唱著生日歌, 場中間有張好大o既生日咭, 真係好大, 好靚, 我從未收過咁大o既生日咭. 係我honey親手做架, 多謝晒呀 ~~ 隔多一陣, 佢地全班人就由個唔知咩地方走出o黎 (後來先知原來係廁所, 哈哈) 據聞入面有人放屁, 諗起都好好笑~~ 果一刻真係好感動的, 佢地事後問我, 點解唔喊, 交唔足戲. 哈哈~~ 其實我係笑在表面, 喊在裏面. 係開心到喊. 真係多謝晒各位.~~
今年生日收倒好幾份禮物, 女友送o既袋, 親手做o既蛋糕同埋生日咭, 眾人送o既b.ball鞋 (唔知包括咩人tim, hehe), 佩送o既大size版本o既熊膠公仔, LWS送o既朱古力. 真係多謝多謝晒咁多位. 今年生日過得好開心好開心.~~ 如果當晚活動時間能夠再長就好了~~ 我真貪心, 得一想二, 哈哈~~
Wednesday,Mar 28 2007, 05:37:16 AM新公司
尋日第一日返新公司, 第一個感覺好新鮮, 做o既野, 人, 工作環境都係新. 第二個感覺就係悶 & 寂寞感覺 (特別lunch 時候). 或者係初相識吧, 超級難搵話題同佢地講, 佢地年紀又唔細, 我估最細o既都大我幾年, 有d就大我十幾廿年. 成餐lunch, 只講左幾句野, 一路行, 又好似自己 "on 車車" 咁行, 表面上就一齊行. 感覺有少少難受. 同以前舊公司相比, 真係相差好遠. 以前我會好想快d lunch, 咁可以同d 同事輕鬆下, 傾下計, 討論下, 睇下集誌. 而家就... 希望冇lunch吧.
舊公司last day果日, 我自己都冇乜唔捨得o既感覺, 但呢兩日, 就好懷念舊公司, 嘻嘻哈哈o既日子. 朋友 & 同事o既分別真係可以好大........ 希望自己可以盡快溶入新環境.....~~~
另外... 屋企要面對冇得上網o既日子... 好煩好煩.... 要叫裝機師父上門整.. 唔知幾時先約o岩時間...
Thursday,Mar 15 2007, 10:01:56 AM不快樂的時候
今天很不快樂..... 做咩事都提唔起勁, 連平時最鍾意食o既朱古力, 今日都冇興趣. 總之就好唔開心喇.... 但係咩原因呢... 你, 我, 他, 她, 牠, 它, 各樣都有d喇.....
我今日好想搵人同我傾下計, 但冇lor..... 好像人人都很忙的, 或者只係我太過得閒吧. 身邊的同事都問我咩事, 但我都同佢地講 "無野了", "無野呀". 真係好矛盾. 明明有野, 但我又唔想講佢地知, 但我又想搵人傾下計咁.... 真白痴...
唉, 我變了... 我之前唔會咁樣架..~~~~ 或者我o係度等待緊我想要o既野..... 究竟係咩呢... 真低b, 我自己都唔知..~~~ 可能當果樣野o黎到o既時候, 我就會斷定倒.. 係喇.. 我就係要呢樣野喇..... 幾時先至到 "雨後陽光"...
Monday,Mar 12 2007, 02:40:44 AM建立與破壞
近排好少上o黎打野. 之前o既農歷新年同埋澳門之旅, 都冇打到~~ 之不過今年農歷新年都過得ok特別架.好多時都出左去同師姐high tea 同埋睇戲, 仲有shopping tim. 到左初六初七, 我, 師姐, 基仔, joe, 一行四個人仲去左澳門旅行tim. 中間去過好多地方, 食左好多野, 當中玩公園o既建身設施較為特別, 哈哈, 好好玩~~ 有機會真係想再去旅行~~
好, 講番今次呢篇野o既正題先. 尋晚訓覺突然間諗倒一樣野, 就係建立與破壞o既關係. 好多時, 好多野都係, "破壞容易, 建立難". 我諗o黎諗去, 都仲未諗倒有d乜野係掉番轉.
起樓 : 起就要好耐, 拆o既話就真係話咁快...
做功課 : 寫字要寫好耐, 但刪除就her her聲就搞掂
寫程式 : 打數百行coding要打好耐諗好耐, ctrl-A, delete, save, 冇晒
人門心目中o既形象 : 要日積月累先可以build得好, 做一件壞事就已經足夠破壞晒形象喇
一對情侶 : 由相識到拍拖係需要好多心機同埋時間, 但分手, 可以係好突然同埋好快
友誼 : 一d十幾年o既朋友, 可以係因為某d 原因, 佢地之間就有條刺相連住.
以上只係好幾個例子, 我相信仲有好多好多野都有呢種關係 (建立難, 破壞易)
有d 野, 希望只係我想得太多了 ~~~~