Journals
Wednesday,Sep 27 2006, 05:08:36 PM運動週
呢個禮拜好健康, 因為我好耐冇試過o係一星期內去打兩次波. 今個星期一去左打壁球, 今日星期三去左打羽毛球, 真係覺得好滿足. 感覺上對自己有返個交代.
我記得一個月前倒, 我定下左個目標去減肥, 去join健身, 可惜到而家我都仲未決定倒去join邊間... Physical, Waterfall, 同事介紹的健體.... 真係有少少心大心細, 唔知揀邊間好... 或者只係自己仲未真係想去做gym... 此終打波好玩好多, 開心好多.
今日好搞笑, 真係笑到我肚痛.. 阿雞借返o黎o既羽毛球拍真係唔掂, 用過o既, 隻手一定黑晒... 就係因為咁, 阿雞撩事鬥非, 搞到Bobby最後整到阿雞塊面同條頸o既位置黑晒... 哈哈.. 真係好好笑....
仲有, 唔明小學生, 點解打打下波會仆親... 仲luck埋隻鞋.... 不過佢今日去球場主要目的, 似乎係做model多過去打波...
Monday,Sep 25 2006, 04:28:06 PM暫別香港迪士尼
o係呢兩個月暑假入面, 我買左香港disneyland summer pass, 都算好抵玩, HK$450 蚊無限去. 我總共去左三次. 我去o既目的以影相為主, 其次就係去參觀下個樂園. 有好多人都話香港 disneyland冇野行, 冇野玩, 好快行完, 唔值得去. 香港呢個disneyland 真係冇乜野玩, 只有得幾個機動遊戲吸引, 例如 Space Mountain, 巴斯光年, 坐winnie the pooh 蜜糖車, 馳車天地. 不過場內o既show就非常之好睇呀, 有3D show, 米奇老鼠金馬獎, 獅子王, 史迪仔, 呢d show真係好正好正呀... 好好睇...
 |
 |
~~~~上面d show o既相, 真係好靚啊~~~~
我地除左睇show之外, 仲有同左d 卡通人物影相, 佢地真係好得意架~
~~呢位小朋友好明顯好鍾意入鏡~~
@@ Winnie the Pooh @@
@@ 高飛 @@
佢好明顯好鍾意我 !!!
跟住就係Chip & Dale 啦 !! 你睇下佢地幾可愛...
~~~ 等我攬住佢地先 ~~~
我地當日去食lunch果陣, 我食左件覺得好好味o既芝士餅呀... 真係好正架.. 係朱古力味, 好想再食~~ 你地望下下面
係咪好想食呢?? 哈哈... YUMMY YUMMY ~~~~
食完野之後, 我地去左玩無敵咖啡杯, 冇錯, 又係無敵咖啡杯, 哈哈... 今次我仲將部份過程用相機拍攝低, 佢地人人都好投入呢, 哈哈, 比你地睇下先>>>>
呢張係大家玩之前o既樣, 係咪好有興趣睇下佢地玩緊o既樣呢?? Let's go
 |
 |
 |
 |
 |
 |
咖啡杯真係可以令到人玩完之後作嘔o既機動遊戲, 千其唔好睇少, 哈哈 ~~ 真係好玩.
睇完咖啡杯, 仲有Space Mountain 呀, 去相 >>>>
下面呢兩張o既表情好搞笑 >>>>
 |
 |
我地總共玩幾次喇, 因為o係黑暗o既環境入面玩過山車都幾free ~~~~
總括來講, 都玩得幾開心, 有summer pass果陣, 得閒入去行下relax下都幾好, 入面都幾舒服, 缺點係食物同飲品果方面貴左少少. 唔知將來香港disneyland會擴張成點樣呢 !!
其實仲有好多張冇放出o黎呢度, 因為真係太多喇, 有成三百多張, 不過我都已經upload晒去個album度, 得閒可以去望望
再見喇, 迪士尼... 下次再會 ~~ 拜拜
~~~ >>>>~~Friday,Sep 22 2006, 06:20:38 PM大陸豬仔團
上星期六日, 我又再次上左番禺玩喇, 今次係同另一班人去玩. 雖然我之前已經去過一次, 但係今次都覺得好好玩. 去試左好多新野, 玩左d上次冇玩o既遊戲, 同埋o係酒店度感受倒上次冇o既體驗.
今次我地唔係答火車上去, 係去左答船. 當去到番禺o既時候, 我地好急咁搵車車我地去香江野生動物園, 因為當時已經差唔多四點, 我地得好少時間去行個動物園. 一到步, 我地就開始跑喇, 見親直路都想跑, 哈哈~~ 結果, 我地用左大概兩小時就行完個動物園喇. 用我地呢個方法去行動物園, 絕對唔需要一日時間. 之不過換來o既代價就係腳軟, 同埋成身濕晒.
然後我地就向另一個地方出發, 去睇大馬戲. 我上次睇完呢個馬戲已經讚不絕口. 無論燈光, 音響, 氣氛都一流. 真係好好睇. 一百多元o既入場費, 真係超值....
睇完之後, 我地就返酒店, 今次我地係住麗江明珠酒店, 呢間酒店靚過上次間麗都好多, 好正, 又有Disco, 係免費入場, 飲品就hk$160 一打, 都算過得去. 不過我地決定出外食完晚飯先去Disco玩. 我地今次去左食當地o既夜宵. 好好味, 又平又抵食. 埋單只需hk109. 串燒好正, 不過有d好辣. 我地仲多左一個遊戲, 名叫 "夏........" 玩法就係, 鬥快飲完兩啖, 要分開o既, 然後摟埋個蓋, 再夏..... 哈哈... 好正...
返到酒店放底d野, 我地就落左去Disco玩, 去果度聽下哥, 飲下野. 最初以為可以去跳下舞, 點知冇得跳, 淨係睇人跳, 所以玩左冇幾耐就走左, 自己上酒店玩. 上到酒店, 阿雞同小學珊就o黎料, 兩個埋身肉搏. 內容簡直係18禁. 呢場埋身肉捕就為粗口團展開序幕, 哈哈~~ 我地全部人沖完涼之後, 就去左玩, 小學珊玩到唔想去訓, 我地人人都已經好累, 又飲左少少酒, 真係想去訓~~ 哈哈~~ 最後聽阿pui講, 有人打電話來投訴叫我地快d搞掂o係走廊走來走去o既小學珊..
到左第二朝, 我地去歡樂世界. 小學珊唔願起身, 成朝呆下呆下, 我地食完個好唔掂o既早餐之後就出發喇. 今次好正, 因為人少, 唔駛點排隊就可以玩晒d機動遊戲, 好開心. 對上一次去玩, 每樣機動遊戲都要排個幾鐘..... 當玩完無敵咖啡杯之後, 阿雞同妮妮都覺得好累, 佢地決定去按摩, 只係淨番我同阿pui去玩埋餘下o既遊戲. 今次玩左水世界o既遊戲, 好正, d水到頭淋, 哈哈... 就算著左件雨衣都一樣濕晒.... 急流衝浪o既水花簡直一流, 好勁~~~~
之後我地join番埋一齊, 就答車去碼頭答船返香港, 上船前, 我地o係碼頭影埋相, 好好玩. 返到香港, 我地去食埋一個豐富o既晚餐. 呢個旅程咁就結束喇.
真係好好玩... 我地已經plan下次一旅行, 初步估計會係11月o既中山溫泉團...哈哈.. 你地係咪都好想同我地一齊玩呢????