Journals
Monday,Oct 9 2006, 04:27:52 PM大嶼山吊車徑
今個中秋節, 我同我的朋友去左行山, 今次呢個行程好特別, 係同剛開放冇幾耐o既吊車有關. 我地就係去左行大嶼山o既吊車徑.
果朝一早我就因為前一晚太夜訓, 所以訓過頭, 遲左起身, 搞到我遲左成半個鐘. 佢地人人都話, "之前又叫人唔好遲到, 點知自己最遲到".. 哈哈~~~ 除左呢樣野, 因為呢條路人人都係第一次行, 所以冇經驗, 我地又冇一份清楚o既地圖, 所以只係靠我上網印出o黎o既沿途境點作參考, 經過我地初頭問左幾個人之後, 我地終於搵倒條路去吊車徑o既起點喇... 佢地仲話, 呢個導遊唔駛指意收少費.. 哈哈~~
呢條徑, 總括來講都算難行, 好多樓梯級, 我地幾經辛苦先上到第一個目標 "吊車搭", 當上到去, 我地都不忙拍下好多張相來作為一個紀念, 果度景色真係一流, 好靚. 如果香港o既天色可以像外國咁籃, 咁純就好更加好喇. 我地經過一個又一個o既"吊車搭", 同埋望落好驚險o既木樓梯, 最後我地總共用左大約5-6個小時就行完全程到達昂平喇.
雖然今次我唔係第一次行山, 但係我覺得今次o既路程係最好行o既一次. 不論風景, 沿途o既"設施"都係非常之特別. 好不容易先安排倒咁多人一齊行山, 我將會再留意一下有冇一d既特別, 又比較容易行o既路程, 咁就可以多d人參與喇~~~ 真係好期待下一次行山...
唔好以為我地行完山好累, 到左夜晚, 還有四個人精力充沛咁o係機場裏面走來走去. 我地四個人玩一架行李車都玩左好耐, 哈哈, 真無聊, 但好好玩~~~ 以往我去機場, 唔係為左送機, 就係接機. 但係今次去機場就係為左食味千拉麵, 同埋玩加影相, 所以咪話 "時下o既年青人真得閒", haha~~ 總括來講, 今個中秋節過得好開心呢同埋好健康呢~~~ :)
Wednesday,Sep 27 2006, 05:08:36 PM運動週
呢個禮拜好健康, 因為我好耐冇試過o係一星期內去打兩次波. 今個星期一去左打壁球, 今日星期三去左打羽毛球, 真係覺得好滿足. 感覺上對自己有返個交代.
我記得一個月前倒, 我定下左個目標去減肥, 去join健身, 可惜到而家我都仲未決定倒去join邊間... Physical, Waterfall, 同事介紹的健體.... 真係有少少心大心細, 唔知揀邊間好... 或者只係自己仲未真係想去做gym... 此終打波好玩好多, 開心好多.
今日好搞笑, 真係笑到我肚痛.. ...
Read More...
Monday,Sep 25 2006, 04:28:06 PM暫別香港迪士尼
o係呢兩個月暑假入面, 我買左香港disneyland summer pass, 都算好抵玩, HK$450 蚊無限去. 我總共去左三次. 我去o既目的以影相為主, 其次就係去參觀下個樂園. 有好多人都話香港 disneyland冇野行, 冇野玩, 好快行完, 唔值得去. 香港呢個disneyland 真係冇乜野玩, 只有得幾個機動遊戲吸引, 例如 Space Mountain, 巴斯光年, 坐winnie the pooh 蜜糖車, 馳車天地. 不過場內o既show就非常之好睇呀, 有3D show, 米奇老鼠金馬獎, 獅子王, 史迪仔, 呢d show真係好 ...
Read More...
Friday,Sep 22 2006, 06:20:38 PM大陸豬仔團
上星期六日, 我又再次上左番禺玩喇, 今次係同另一班人去玩. 雖然我之前已經去過一次, 但係今次都覺得好好玩. 去試左好多新野, 玩左d上次冇玩o既遊戲, 同埋o係酒店度感受倒上次冇o既體驗.
今次我地唔係答火車上去, 係去左答船. 當去到番禺o既時候, 我地好急咁搵車車我地去香江野生動物園, 因為當時已經差唔多四點, 我地得好少時間去行個動物園. 一到步, 我地就開始跑喇, 見親直路都想跑, 哈哈~~ 結果, 我地用左大概兩 ...
Read More...