Sunday,Jul 1 2007, 05:02:35 PMMalaysia Trip (Jun 23 - 27)

Wednesday,Jun 6 2007, 03:11:13 PMEVENT後感

今日叫做完成左個event, 不過一d都唔smooth, 我諗今次真係the worst expreience, 我從未試過咁惡鬧supplier, 平日的儀態去哂邊~~

星期一我在公司用電話鬧佢地鬧到我都覺得太大聲, 同事大家好驚訝咁望住我, 我一收電話, 大家問我有冇事, 我自己都feel到我耳仔紅哂

一間只係識吹水同馬後炮的公司, 究竟可以點生存落去, 尤其果個所謂producer, 即係呢間公司個老細, 我想去"聲"佢兩把, 佢叫我亞姐being professional, sit down and see the show.....我都不禁講一句...shit!!! 如果係professional就唔駛我地勞氣, 唔駛我地擔心, 今日我地去幫手的同事就真係professional了, 無左我地, 我諗個show根本開始唔到 !! 反而間production house請番來的同事個個都唔知自己岡位係乜!? 亂到爆炸!!!

永不錄用

Sunday,May 20 2007, 01:49:20 PMMake up - 重要性

呢排個樣真係殘左好多, 個個見到我都是這樣說, 琴日終於發覺...樣殘一定要化妝遮黑眼圈, 一遮左個黑眼圈, 大家就會忘記左我個殘樣, 雖然較為自欺欺人, 不過女人就是這樣!!

明天又繼續開工........遮瑕膏又要出動了!!

Wednesday,May 16 2007, 04:35:54 PM偷得浮生半日閒

今日在公司開盡turbo, 希望快d收工, 事關約左兩個同事放工行街街, 已經日日放九點幾的我, 竟然大膽提議去shopping, 為了要兌現自己的大計, 開行turbo....本來target可以六點走人, 最終都要七點鐘

不過呢種忙裡偷閒感覺好開心, 食左打冷菜, 然後就去行街, 行到十一點幾先捨得回家, 總算有點收獲....買左三件衫! 哈哈

Thursday,May 3 2007, 02:16:32 PM晨早起床 清新開朗?????

由五月二日開始, 公司實行嘟咭制度, 換句話說就要control各同事的返工時間, 由於我的部門一向習慣夜收工, 所以自然地我地各同事一向返工時間都永無跟足標準, 我地通常都會比正常返工時間遲四十五分鐘度啦, 呢兩日開始被迫調較上班時間為早上八點四十五分前, 我卻要比平常早一個鐘出門口, 亦即係話我比平時訓少左一個鐘!

呢兩日我覺得特別累, 雖然準時返到公司, 但整個人卻空盪盪, 完全減低efficiency

我真係不適宜早上班的 ~~