Tuesday,Nov 29 2005, 04:11:34 PM眼光..要看遠一點..

11月29日(二)

琴晚..忐忑咁訓左..
我係攬住左條頸巾黎訓.
直至爸爸拎個鬧鐘俾我...即係4點左右我先發現
跟住將條頸巾放返好

9點起左身~裝身~
好好咁沖涼洗頭, 好認真咁用左琴日body shop買o既野
換左套靚衫...仲化左少少妝...出發...

好緊張..由o係中環出左閘去到天星碼頭
開始唔係好認得路...上左22號van仔..
又唔識落車~好在同車有大學生..跟住左佢地落
又好好..落左車上左hku, 兩分鐘都唔夠馬騮就黎左接我
跟住..好緊張囉..帶左我上lecture hall度視察
睇完..落返黎..離開左座教學大樓..o係樓下坐
11:40, 馬騮上左去上堂lu~得返我自己一個
好緊張..胃又痛肚又痛
當馬騮send返個msg黎話"嚇死我~遲到, 但有返"
安心左dd, 至少今日唔會白行...
隨即, 上左7樓..o係lecture hall出面望..見到佢喇..
個幾月以黎..見到..
距離好近tim....又好緊張.
跟住o係出面等~去下toilet..12:20企左o係出面等..
12:40..佢地放學喇...

正面見到...打電話..無聽到..
上左10樓..等..book房..莊mate走左..
馬騮走左..喊..你有無野同我講?
無. 以後都無?..頸巾送出左..你愛o既方式係佔有..
我無時間..好忙..晚晚都訓得兩三個鐘, 有時無得訓tim..
我愛左你11個月, 佔有過你幾多? 你答我..你俾左幾多我
你好煩..而家o既野我要好珍惜..可能要exchange..你有無珍惜過我?..
就係珍惜..我唔想你等..我覺得自己好自私..我會覺得對你唔住.
邊有計架?我肯就得架啦..分手啦...係你提出o既..即係而家賴我?
你唔好理我講過d乜..你想點..你覺得咩模式最好? 分手.
我真係無時間去關心一個人..咁有無時間俾一個人關心?
你有無拆過我俾你d野?..有..最少, 都覆個msg話收到丫.
d野..我好俾心機整左好耐架..呢兩日我真係好忙..好支力..
呢個月, 我真係好唔開心好唔開心.但係我驚你凍..拎住..
你鍾意掉左佢都好啦..一係你揀..我俾時間你考慮..
一係等, 一係分手..我一早揀左啦..聽晚我icq on9...你聽晚答我..
送左我走..喊住咁..兩個分得好開咁行..

其實呢1個幾月, 我都揀左啦..
唔想等你, 唔駛咁辛苦啦..係咪?
我揀得你, 揀得等..你記住...你記住我

喊住咁走..搭返22號van仔..
o係地鐵度好支力喇...訓左..
今日去o既時候經過左IPZONE, 經過左olympic, 經過左好多地方..
我後悔
而家..我都知道我做緊咩..多謝大家勸告..

返屋企, 收到各方好友電話同msg..
好感動..

多謝3t o既msg同電話同chating
多謝zoe o既msg
多謝小玲o既電話
多謝paper o既msg
多謝fish o既msg同chating
多謝小siu o既chating
多謝多謝多謝馬騮哥..多謝你陪我, 幫我, 帶我路, 事前事後o既msg, chating..
今次要特別鳴謝馬騮哥....無左你今日完全唔知會點..

從此...眼光要看遠一點..看遠一點...

140 Views | 1 Comments | Share with Friends | Recommend

Monday,Nov 28 2005, 04:40:19 PM明天

11月28日(一)

happy birthday to 肥仔~(雖然你身在他方)

一早起左身~9:30-11:30上學去~
今日bergman變左色~
今日同阿kay同埋zoe坐~
今日個鬼佬好無禮貌~
今日唔該sarah俾返d訂我~

落堂後去琴行~練琴~學琴~
學完琴返屋企~食飯~訓左15分鐘~on9~

3:45出門口~去左葵芳~本黎係因為想行下~又要幫媽媽落訂先去kf
諗住去body shop用$65買一盒潤唇膏~
最後, 買左$400蚊野~
=="""""算啦~可以用好耐o既~
俾人sell o既時候想笑~想向佢sell會籍..
心諗, 我sell d plan吸引過你o個d

5點~拿拿聲上去酒樓落左訂走人~
補習..今日兩個都ok乖..教佢地時鐘...好好玩~
補完小二~補中二~
david d maths都唔多掂..努力d喇要...狂做數吧~
連我呢個數學白痴都話你d concept差...真係要勁計~
今日出左中二補習糧~yes! 有$1980
一出糧, 又覺得自己敗家..買左成$400野..
$400蚊買得起上次o係朗豪坊同阿葆見到o個隻錶喇...

補完習~走lu~

今夜, 跟明晚將不同...大不同
驚懼憂心中
從此, 一切會改變嗎?
已很久沒見...只怕熱情...還未減..

105 Views | Post Comments | Share with Friends | Recommend

Sunday,Nov 27 2005, 03:12:52 PM今日

11月27日(日)

放假o既一日~一星期中唯一o既假日~
但並不期待

訓到12點3~俾媽咪叫醒左~
換衫之後同埋二佬落左荃灣pizza hut食lunch!
因為勁耐無食pizza hut好想食芝心批~~~
yummy~*
食完拎左兩件俾爸爸~
要o係荃灣中心落車拎俾佢~跟住返屋企lu

記得上個星期日好hai~係咁訓...
今個sunday有少少target~
就係練琴, 做功課, 打日記, 同埋完成晒條頸巾
on9之時, 做左陣功課~真係一陣囉..
跟住打晒日記...要補返之前死機o既日記...4日咁多..
6點幾打完就訓左lu

跟住食飯..食完飯媽咪同爸爸過左去幫人整電腦..
媽咪都識幫人搞...=="我就黎個內應外合
o係屋企做支援...
同時, on9...做下無聊野..
跟住又去左整頸巾..完成左喇..
真真正正完成左..好心up...
唔知點解..

咁就一日喇...
頭先馬騮哥打黎~多謝你幫忙..
o岩o岩又得知wanlee會join singing contest同埋做mc~
嘩你要努力努力努力呀!!
要對得住abra同埋energy呀!!

今日, 完成左個多月o既心血..
今日, 睇返上年christmas o既相..
今日, 媽咪話婆婆話我塊面無以前咁包~瘦左~
係o既..o岩架...人, 心廣, 方會體胖.

38 Views | Post Comments | Share with Friends | Recommend

Sunday,Nov 27 2005, 09:35:16 AM電腦死了

11月23日(三)

返學~琴晚做translate功課做到1點幾
跟住今日交左lu~仲派返上次o個份tim~
B-, 唉同學仔至少都B, zoe, 天心同kay佢地B+, kent仲A- tim
死得啦我..
跟住test~1個鐘頭咋得..勁勁勁趕囉~係寫到手都斷晒...
最後o岩o岩好趕得切....都係話左夠鐘要收卷先開始由頭睇一次..
好失敗..

lunch同左天心同zoe去食麵~多謝兩位陪我去拎字典..傻架真係...勁大本囉..
好似用百五蚊買左舊磚頭返屋企咁...

lunch之後上英文同it~呢兩堂無咩好玩..
於是拿拿聲趁機做art think~因為星期五要交喇..
多謝zoe同天心話我畫得靚~其實都係用電腦o者~唔算得係d乜.
跟住5點半落堂就趕去補習lu

~返學悶, 但係有zoe, 阿kay, 癲心, 喪葆等同學仔..真係笑死

11月24日(四)

返工~9:30-5
今日同阿怡食早點..多謝小怡買左份大快活上黎share
點知好日都唔食一日早餐..直情係同阿怡開早咁耐都未食過
一食~wendy 9:30就返左黎~勁早..(佢係返11點架...)
唉~即刻拿拿聲食~9:40完事~換衫~開bar
話說星期二阿姐話想食吞拿魚長通粉喎
咁於是今日lunch就叫華哥整吞魚通啦~叫佢預3人份量
點知原來除左我, 阿姐同阿shan之外, brian又想食~又想留俾小怡, 又要俾wendy..
唔夠食tim~不過真係好好味~多謝華哥!!
食完lunch又開工lu, 今日lunch唔算勁旺~但係tea反而多人
因為東方日報做買一送一..嘩好多人呀..係咁入客, 好煩..
仲要無啦啦廚房無printer紙, 溜晒單...好煩...
最後, 幾煩都好...收5點...已經盡左最最最大能力切埋盒檸檬先出黎...
走佬大吉~

跟住補習..臨到佢地屋企, 岑生打黎...
大家立場真係唔同..我唔覺得細路仔學野一定要好嚴肅囉..
笑住又學到野係咪會開心d好d呢?
問心, 你地成家人已經咁鬼死惡...仲要求我要嚴厲對待...?
怪...
遲左5分鐘入去~又遲左10分鐘走..
心急死我..因為兩個小朋友今日d功課多到個半鐘頭都搞唔掂..
咁o既情況..都真係第一次..
好趕咁走..又好趕咁補第二份...

返到黎做art think功課
點知電腦突然死了..搞極都搞唔掂..
打俾天心..放棄喇..聽日交唔到..

11月25日(五)

一早去左飲茶, 同婆婆, 爸爸媽咪加埋阿姨去潮館..
仲執左兩碟香芒西杏卷俾同事食tim
食完返學~同阿葆都早左返
話俾佢知無功課交..一齊諗下用d咩藉口同阿sir講遲交會好d..
諗左一大堆..都係無用到~照講話電腦突然死掉..
"係咩?"<---表現得勁唔信囉, 叫我有幾多交幾多~
於是上左去20樓搞..send俾佢..
1:15返左落黎~都無乜聽書..因為creative thinking唔駛考試..
佢又講得悶..到左2:00, break
因為ice肚餓, 於是叫我同阿葆上左去食野...
2:15返到黎...佢講多陣派左張worksheet就唔理我地..
感覺係2:45就放左自己學..
3:20..正式完結...art think真係無聊...

跟住上film, 本黎留左個位俾zoe, 因為好耐都唔見人,
有個cultural o既同學仔要坐..就俾左佢坐喇~
跟住4點見佢返黎..我就落左去同佢傾計..
本黎上堂都好地地架..話睇套巴西戲~
點知, "high tech"o既校舍同完全唔識high tech o既阿sir..格格不入..
搞到好耐都唔掂...最後播左奪咩50年代o既東京物語...無test
就放左自己學, 放左學後, 同阿葆同kent去行左陣~
阿葆為左洗脫自己敗家o既形象~同我地睇開倉o既野
結果兩位俊男愛上同一條褲~但係世上最殘忍o既事發生喇!!
就係有一位俊男無碼..於是...只有另一位俊男買到心頭好..
行完, 同阿葆去左朗豪坊..由頂行落黎~
傾左都好多計...同是天涯淪落人....哈哈~
睇到男裝, 我會懷勉一下..睇到女裝, 阿葆會感觸一番..
真唏噓~
行完~無幾耐佢陪埋我去body shop~接著就散lu
大家都無收獲, 大家都無洗錢..都係一件好事 ~!!

跟住夜晚阿姨, 姨丈, 穎琛同婆婆黎我地度食飯..
丫..表妹都有xanga..~你呀..緊張自己成績係好..
但係有時代表學校..都係一件光榮o既事黎o既...何況仲拎到第一tim ~!
想當年..你表姐我都有拎過架..不過就唔係英詩..o個時仲有90分tim~
努力啦jessie

11月26日(六)

9:30-9:30上班去
同ka chun開早~今次個bar仲唔交俾你?!
成日都唔算旺..tea開始我就眼訓喇...
1點幾o既時候, elaine同我講"rebecca!一陣間兩點半我地一齊衝出去睇鄭伊健咯!"
原來係<隨時候命>o既一班演員黎新都會宣傳
正當同elaine一齊話無得落場睇o既時候..
哈~突然, 4點幾o既時候露天有閃光燈...
原來係成班演員完左宣傳黎我地度食野..
真搞笑...有12人咁多..ekin就無黎~
但係見到好多人...原來黎諾懿係好型仔同埋勁高架!! 真係..勁得!!

佢地5點幾就走左lu
真係估唔到有咁o既機會近近近距離見到佢地~

跟住5點多d..有班小朋友就黎左lu
今日佢地o係露天搞party~第一次見識~
食完飯入bar預野~依~ ~!!!個bar好亂...!!
搞到咁上下交返俾ka chun~出返黎sell會籍
成日...7份..少..!!!
今日無銷路tim ~!!

9:30收工~同阿肥仔樂去茶記食dd野先走
傾計..朝早佢仲話我會係世界上第一個因為大食而被飛o既女仔
佢講到勁好笑咁: 如果你有男朋友, 個男朋友會頂唔順, 佢會話我太肚餓喇~俾rebecca食晒d野!!
所以一定要飛你!!~
勁低b ~!!~同佢傾下返學野呀..返工又返學呢段生活...傾到10點半就走喇..

38 Views | Post Comments | Share with Friends | Recommend

Tuesday,Nov 22 2005, 03:11:02 PM平凡o既一日2

11月22日(二)

流住眼淚咁訓~心up住咁醒~
天...

返工~9:30-5
今日好好~叫左濠哥整火腿芝士通粉俾我同阿姐同阿怡食
都開心聽到阿怡話rebecca返黎我地就有好野食~
其實係華哥同濠哥o係度, 我先有機會叫佢地幫下手o者~
食食下~阿fung有d緊張咁行左入黎~
話有衛生邦~
即刻大家放低晒d野~
阿姐去話俾廚房聽~再入bar
我同阿怡出返去睇檔
有d緊張...當然..係無事架!!
settle左先入返黎食野~但係感覺係食得好唔安樂架~

食完~俾sandy激死
少o個dd食飯時間會死嘛?...係o既..全店負責任o既同事~死晒好耐~
今日lunch有d旺..都少左$9800
比起有時5,6千..算多啦~
睇唔過眼sandy企o係bar度無野做~叫佢出黎搬"垃圾"
3點~佢落場~留低左勁多杯, 一隻匙更都唔洗~勁嬲...
洗洗洗~預預預. 5點收工~sorry呀maggie~我趕住走因為要補習~
唔係咁介唔介意準時收工...

跟住補習...
兩個小朋友~有時真係好可愛~大家玩鬥雞眼~哈哈~

呢幾日..傷心背後仲愈諗愈多..
其實..係自己蠢...唔開心o既野..
或者唔係發生左1個半個月~係好耐架喇...
估得o岩唔o岩, 遲d自有分曉

52 Views | 2 Comments | Share with Friends | Recommend