Journals
Wednesday,Mar 29 2006, 08:55:18 AMUm......
返o左香港幾日, 都仲係好累, 有d唔慣. 響日本雖然忙但係日本比到我安靜, 安定下來o既感覺. 可以覺得relax. 其實我有d掛住日本gar. 我唔知點形容但我喜歡響日本o既感覺, 好舒服. 可以掉淡好多令我覺得束縛o既感覺, 覺得個人都輕鬆o左. 其實我有考慮過返日本繼續讀多幾年書, 做一陣o野再返香港gar. 不過都仲係考慮當中..... 哈哈!
好sleepy呀!!!!
Tuesday,Mar 28 2006, 05:29:48 AM日本之旅
嘩........ 返到香港啦!! 呢8日o既行程簡直緊湊呀!! 真係好累但都係一個開心o既旅程. 今次同行除了我爸爸媽媽, 仲有姑姐, 舅母, 大姨. 我就好似做了導遊gum, bring呢班團友呢到去個到去. 仲要預定坐車時間, 限住時間比佢地購物, 諗定食咩等等...... 真係累到死呀!! 不過都有好多笑話, 特別係我個舅母, 真係傻到爆, 做埋好白痴o既o野. 今次整個旅程各人都買o野買得好高興, 直頭不負責任ar, 無諗過後果. 結果........ 回程時寄o既行李都已經有11件, 仲有手提行李wow. 你話係咪大件事呀!! 以下就係呢8日o既行程........
19-03-2006
早上4:30起身去機場坐7:50am既機去tokyo. 日本時間13:00到日本. 阿姨, 姨丈就開了接我地. 之後就去了士多啤梨園自己摘士多啤梨食. 好好味, 大家都食士多啤梨食飽. 我最後食了40粒. 哈哈....... 跟住就去上野hiromi個契爺到買鑽石. 大家都有收鑊, 媽媽同舅母每人送了一隻戒指比我大學畢業. 大約8:30pm就走, 返去阿姨屋企附近食韓國燒烤. 11:00pm到就去阿姨屋企附近o既溫泉浴場到沖涼. 差不多2:00am先sleep.
20-03-2006
我o既大日子........畢業典禮!! 我借了日本畢業和服, 5:00am就要起身裝身. 阿姨o既日本人朋友特登來幫我穿和服. 因為10:00am就開始換入場票, 所以7:00am就要出車出發. 點知大塞車, 預計10:00am前會到點知10:15am先到. 一到就好趕去換入場票, 留學生大合照, 同家人, 朋友影相. 見番好多朋友, 仲收了兩束花. 12:30pm-4:00pm就畢業典禮. 創立者池田先生講到最尾叫我地保重, 努力以後o既路, 要成為一流o既人才時, 包括我自己都好感動, 好感觸喊o左出來. 我.......終於畢業啦!! 但意外地好唔捨得呢間大學. 好多謝創大比了我光輝o既5年, 呢5年係我一生o既寶物. 多謝我爸爸媽媽堅持送我去日本. 完成所有手續後, 6:30pm先離開學校. 晚餐係拉麵.
21-03-2006
終於可以sleep到9:00am先起身. 今日係shopping日. hiromi 出水痘所以姨丈, hiromi都無得出去. 大約11:00am阿姨就同我地就出發去築地食sushi. 勁新鮮勁好味.....好滿足!! 之後去了淺草, 影相. 大家又開始購物啦. 行完淺草已經一袋二袋. 由於行程緊迫4:00pm就去新宿買anges ｂ，ｂｌｕｅ laber手袋. 大家都好似傻o左瘋狂買. 我都買了兩個, 媽媽都買了一個, 又幫呢個買o個個買, 結果剩係anges ｂ都已經10個袋, ｂｌｕｅ laber就2個. 由於大家買到無睇時間成7:00pm先走. 大家又要趕住8:00pm前返阿姨屋企附近o既100yen shop購物, 好趕好趕gum去坐電車返去. 結果都係趕唔到, 去了一間大藥房, 點知藥房都可以購物half an hour，死未．9:30pmｍ到就去屋酒屋食飯啦! 好趕的一日...
22-03-2006
起程去北海道．10:00am機所以7:00am就起程去機場啦! 去到北海道新千歲機場已經12:00pm．第一站係去登別浸溫泉．去到登別溫泉酒店已經差不多2:30pm啦．大家隨即去享受溫泉．之後行下街買了好多手信．6:00pm就去酒店食自助seafood buffet．嘩.....好多野食，當然有長腳蟹啦!! 食到9:00pm又去浸溫泉．大約11:00pm就sleep啦
23-03-2006
北海道之旅第二日係小樽．由於太多行李，先去札榥o既酒店先check in．去到小樽已經2:30pm啦．由於小樽ｄ店好早close，我地就坐觀光巴士去小樽旅遊點．我地去了玻璃街，食拉麵，買手信，shopping．大家又買了好多o野，仲買了一隻長腳蟹返tokyo同阿姨佢地一起食．之後去了小樽運河影相．再去了手信店，100 yen shop後，7:00pm就坐尾班火車返札榥．當晚在札榥食蛋包飯
24-03-2006
北海道之旅最後一日，響酒店附近出名o既大通街，狸胡街行街．大家又．．．．購物一大埋!! 中午食咖哩飯．之後3:00pm起程去新千歲機場返tokyo．回到阿姨家已經9:00pm啦．晚餐係長腳蟹，燒墨魚丸，沙拉，飯，otenn．好好好味.......
25-03-2006
最後一日o既行程係disneyland，點知．．．12點去到時，太多人無ticket買唔比入場．所以就去了disney sea啦．除了我同阿姨去過，個個都未去過disney sea，所以都ok gei．睇完煙花晚上９點就走啦！我地食日本便當做晚餐
26-03-2006
9點起身之後就去機場啦！我地搭3:30pm機，點知我個visa原來過o左1日，要比錢延長1日，整o左好耐，日本人做o野真係好慢，真係火都o黎呀！結果順利7:30pm抵港回家．日本之旅完畢.......
Saturday,Mar 18 2006, 03:42:38 PM大喊包
嘩.....原來好多日無update過dairy啦!! 呢幾日都無咩特別所以都無野寫.
不過琴日(17-3-06)係我阿頭kuroki-san o既last day in Adecco. 我地公司全部人中午就出去飲茶當同kuroki-san farewell. 呢餐飯真係食到背脊骨骼呀!! 我地共有16個人去飲茶, 一去到老闆就叫我地order food, 我同N同事咪order law, 有16個人點心都要每樣2-3 lung啦, 再order o左4個炒飯炒nodless. d野食一到比老闆話叫得多, 大老闆唔鍾意, 話我地食唔食得到gar. face都變黑. 個個跟住勁食一定要食完D o野, 唔係就大檬樂. 最後食了9成, 又比大老闆話我地大食怪, 真無奈. 仲要1:25分就問食完未要埋單wow, 嘩..... 雖然話lunch time 1個鐘jei, 都唔洗gum準時, 仲要係farewell lunch tim. 我地急急腳返公司, 真係差胃痛呀. 真係呀.........
到下午我地就送o左花比kuroki-san, 佢感動到喊, 之後影相. 到我放工時, 因為我會放大假所以唔會再見到佢, 就give her a big hug, kuroki-san又講埋d好感動o既說話, 結果.....我喊law. 大喊包......lah!!!!!!! But I sure I will miss her lah. Thx her teach me a lot........
I will go to japan tomorrow lah........ho exciting ar!! heehee
Monday,Mar 13 2006, 12:55:42 PM冷天氣
今天天氣又下降, 真奇怪!! 首先Glenna Happy Birthday........Hope you have a wonderful b-day lah! heehee....
我想我係時間去慢慢忘記一個人, 慢慢學習新開始!! 要決心做我一定倣到, 我只要時間去療傷, 平復恐懼, 痛楚. 我想我已經對某人已沒有太大感覺了, 我開始不再想知道他的事, 不在意計算分開已多久, 不再等奇蹟出現, 不再想為他哭了. 我只想開心過每一日, 身邊有愛錫自己o既人, 期待未來無限o既驚喜. 我曾經被捧到最高, 亦被我最愛, 最信任o既人狠狠令我趺到谷底, 甚至差點爬不起來. 我相信已再無任何痛痛得過這樣, 只要我可以平復呢種恐懼, 痛楚, 我便可以回復當時的我. 我現在要努力的不是他, 而是努力回復6個月前的我. 我......已學懂愛自己了!!!!
接下來便是..... 怎樣可以平復呢種恐懼, 痛楚呢??? 這點令我很不安, 沒主意!!
Saturday,Mar 11 2006, 05:15:56 PM第一次
11-03-2006
今日同lala出了一日街. 好累但好開心. 今日本小姐on duty, 放工後就約了lala去cwb等. 首先去shopping. 今日o既戰利品係響zara買了一條裙同衫. 件衫就好cheap, 條裙就好貴呀.....450大元呀! 不過真係好靚, 當然要我穿得靚啦sin tak lah......哈哈! 好charming!! 哈哈! 不過都幾肉痛!! 之後去了食日本o野做晚餐. 好好味呀.............. 之後, 我地去了廟街玩我地都從未玩過o既o野.....塔羅牌!!!
哈哈..... 我地去了最有名個擋. 因為我地無預約, 所以只得玩到一個人同一條問題. 我就比lala玩o左先. 都準wow. 之後我就去了隔離擋玩下. 我未玩過而且又係single, 就問了愛情, 睇下我個真命天子幾時出現. 點知.....我抽所有o既牌都係公仔, 連占卜師都嚇一跳, 公仔係好牌仲要全部都係. 占卜師話我個真命天子快出現, 而且仲話係一個又靚仔, 高大, 有錢, 對我好好, 又一心一意, 唔大男人, 就得我o既人. 勁恭喜我. 而且未來呢幾個月會好自然地遇到. 但當我聽到時, 我覺得有無完美o既人呀, 仲要choose我, 無可能呀!! 如果有完美o既人都唔輪到我啦!! lala之前玩個擋無咩人所以再去番到我玩. 我唔多記得過去牌講咩啦, 但現在牌都幾準. 話我過份否定追我o既對象, 自己心中已有一個理想o既, 太過否定其他人, 令身邊追求者都少了. 但是future牌係world, 最好o既牌. 都係話我快遇到新男朋友, 遇到心中理想o既男子. 但是呢個男子還未出現, 快出現, 不是經過朋友介紹是自然認識, 開始. 兩個占卜師對future都不約而同相似. 哈哈...... 係真唔係呀!! 不過呢......lala都話我的確有潛意識否定其他追我o既對象, 都仲會同allan比較. 某程度上我自己都唔覺得, 可能我怕受傷, 被欺騙, 所以覺得唔係我理想o既就潛意識否定啦!
Anyway, 信就唔會好信, 總算玩過, 幾得意.....