Journals
Wednesday,Mar 28 2007, 07:35:00 AM轉工啦
經過兩星期多的努力, 我找到新工啦!! 星期一去了一間日本bank到見工. 我都幾鍾意份工. 個title係researcher, 其實係幫老闆做關於finance and economic o既repoert, 睇報紙剪報紙, 翻譯, 個job duties 係寫o野多, 但係寫日文就一定進步好多. 而且個老闆又好nice gum, 佢仲好有誠意請我, 人工福利都好好. 我所以最終都決定呢間. 做銀行係我一直都想o既, 自己真係好好運. 希望呢份新工做得開心啦.
琴日鼓起勇氣同我阿頭辭職, 而今朝亦同老闆辭o左職. 好彩都好順利, 佢地都好明白我唔想再做sales, 唔想跑單. 老闆都嘗試留我, 但公司政策無得改變, 所以亦都算啦!! 老闆都好好, 佢話如果我開心學到更多o野的話會支持我. 原來辭職係要好大o既勇氣gar, 不過好幸運好多朋友響身邊支持我, 為我打氣. 好好好開心........... 其實要離開呢間公司最唔捨得係一班同事, 大家都對我好好, 好錫我.
我下個月18號就last day啦.............. 之後去日本旅行, 30號先返工. 好期待新工作呀. 哈哈........
Thursday,Mar 22 2007, 02:44:17 PMHappy Birthday Glenna
琴日放工同Glenna補慶祝生日. 有me, Ada, Michelle, Vera, Ken去. 我地去有骨氣hot pot, 好開心. 好似好耐無試過gum樣食飯傾計聚舊lah. 我真係好enjoy同呢班同事一起, 大家都真心對大家, 不單止同事, 絕對可以當係朋友. 我珍惜跟他們的每一分每一秒.
朋友對我很重要呢!!
Tuesday,Mar 20 2007, 02:18:16 PM努力,努力
踏出第一步後, 經過一星期的努力, 今日收到第一個好消息. 雖然呢個唔係我最想要o既o野, 對方亦樂意比一星期我考慮, 但起碼令我覺得我有market price. 我好清楚知道我accept呢個result o既意願只有40%, 但都好多謝對方o既誠意. 我想再努力多一段時間, 想找到最適合先行動. 努力努力.......
呢期真係身心疲累, 連個樣都殘o左, 好多朋友都話我個樣無以前gum開心. 唉..... 真係大檸樂. 希望快d脫離殘酷o既現實. 不過不過........... 慶幸我有家人, 朋友o既支持, 鼓勵. 哈哈!!
Sunday,Mar 11 2007, 12:27:05 PM好失望
最近比較少update, 因為心情好差, 好不開心. 關於d咩? 咪關於工作law.
整件事係點我就唔多講啦, 因為牽涉到客, candidate o既問題. 總之我只可以講o既係從呢件事上, 我(甚至其他同事)都覺得manager級對事唔中立, 唔客觀, 只會站響客立場諗, 甚至擺自己o既staff上枱, 小事化大, 仲要對staff發脾氣之餘, 亦唔認同staff對事件o既付出, 補救, 對應o既態度, 而仲要講d令人傷透心既說話.
令我最安慰, 最感動o既反而係我o既客, 佢地對這件事完全信任, 明白, 認同我o既處事方式, 對我投入無限支持, 亦好多謝我o既冷靜處事手法, 把我從枱上面救番落來. 當我收到個客電話時, 我真係眼淚直流, 估唔到感受到我o既處境, 認同我o既處事方式, 投入無限支持的竟然係我個客, 而唔係我公司o既managers. 大家可唔可以想像到我有幾唔開心同失望呢?? 對於呢個地方............. 已經無話可說.
而我...... 亦踏出了第一步!!!!!!!!!!!!
Friday,Mar 2 2007, 03:23:45 PM忙到極點
呢個星期真係忙到死ar. 公司由今個星期開始轉新system, 由於咩都要做reporting, 時間上用多o左好多. 每一樣o野都要gum仔細, 真係有點吃力. 自從新MD上場後, 公司所有方針都好大改變. 要sales, 要aggressive, 要hard-sell, 要每一個consultant跑一個你想像唔到o既target, 要計住你個P/L, 真係令你喘不過氣, 極大壓力. 係gum做, 不理好醜總之要sales, 我真係慢慢覺得唔知個目的係為o左d咩. 以前除了一方面希望收入好d外, 亦都希望幫到人,令人開心. 但而家好似要氹人落嗒gum, 你會好feel bad. 雖然我地都可以叫做sales, 只不過係sell人, 就係因為sell o既係人, 就要更加要顧及人o既感受, 往往不能太過push, 要客觀. 總之, 已經有d今時唔同往日.