Journals
Thursday,May 31 2007, 03:37:32 AM感動的一則
剛剛看了一則報導,很感動.好想同大家分享!!
「賣鹹鴨蛋」、「歸西」、「香」，都是「死亡」的代名詞，是市民迴避的常見方式。3個月前妻子因癌病逝世的香港大學法律學院助理教授張達明，選擇積極面對死亡，看見太太與病魔搏鬥的虛弱容貌，他一度流下男兒淚，但明白死亡是必經階段，寧願與太太盡訴心中話，更為她安排「生日感恩歡送會」，向友人一一道別。
一次教會的團契活動，張達明邂逅了另一半Portia，1991年共墮愛河，拍拖不足兩年，便於97年7月共諧連理，婚後育有一對子女，但美滿的家庭受到上天考驗，02年5月，Portia患上乳癌，經過化療及手術，原本以為一切雨過天青，誰料04年癌症復發，並擴散至肝臟，藥物已告無效，最終只有死亡之路。
妻病重虛弱 教授流下男兒淚
面對摯愛步向生命盡頭，張達明顯得手足無措，「理性上，知道所有藥物都只是紓緩作用，但情感上我未接受她（太太）這麼快就要離開我。」目睹愛妻病在不斷咳嗽、肌肉痠痛，虛弱的身軀及臉容，教他忍不住流下淚來，「我份人好理性、好少喊，但當天也哭了一個晚上」。
哭泣過後，張達明明瞭死亡是人生必經階段，於是坦誠與太太商討身後事，知道她渴望火化、把骨灰放在家中，他一一照做；今年情人節前夕,醫生估計Portia只剩兩周時間，夫婦倆商量後,決定在年 初三舉辦生日及歡送會，一次過向親友道別。當日出席的親友達三百人，夫婦倆在張達明的牧師兄長前再次交換婚戒，與她重申婚姻承諾，就是要她知道，無論順境、逆境，我也與她一起.張向妻子承諾：「我會帶好對仔女，亦會盡心盡力照顧你父母，你唔使心。」
在場親友無不落淚，反而Portia滿足地說：「我真係不枉此生，擁有咁多美麗回憶.」告別會翌日，Portia便陷入昏迷，張達明與子女及親友在病榻前為她唱詩歌；至年初六，Portia終在丈夫懷中含笑而逝，享年四十六歲。
明瞭人必經死亡 臨終前再結婚盟
一對年幼子女（10歲、12歲）無法面對母親死亡，兒子在探病時經常走來走去無時停，試圖迴避問題，張達明卻要兒子天天到醫院探病面對現實，兒子朗朗在歡送會上寫了一封信給媽媽,信中說﹕「知道媽媽有病，每晚都大哭一場，希望媽媽的癌病可以轉移到我身上，不用受苦！」朗朗說不下去了,大哭起來;媽媽清澈的眼睛,沒有離開過子女,像要把生命中最堅強的部分,傳送給兩棵小樹苗.
張達明說﹕「許多說話不可等死後才說，趁太太清醒時就要講，我們要積極面對死亡，不可逃避。」太太離開後，張坦言「單親爸爸不易做」，但因有心理準備，故太太閉上雙目一刻不覺傷感，因他們終有一天會在天堂重聚。
好感動....................!! 大家真係要愛惜生命,珍惜身邊人
Sunday,May 27 2007, 01:55:18 PM運氣
唉....... 已經差不多兩個星期啦!! 一點進展都無!! 呢個時候轉工真係gum難?? 我都有點灰灰地, 都唔知道有咩問題. 大家都說時機唔好, 等多陣. 其實真係有d心大心細, 有一間同行比o左offer我, 但再做番同行真係擔心遲多兩, 三年更難轉行. 我唔係唔鍾意做同行, 只係暫時未想定型, 就gum決定終生職業. 但如果再找唔到我想做o既工作, 做番同行總好過留響而家公司. 真係唔知點算好...........
我想離開.......... 想要新開始
Tuesday,May 15 2007, 01:32:53 AMLost...
又一次証明........... 我真係唔好!!!
我又開始覺得迷茫, 我真係愈來愈對自己無咩信心. 好似做咩都傷害緊人gum, 究竟要做咩講咩先到係對, 先至係好, 我真係愈來愈唔知道, 愈來愈覺得自己唔好, 好笨. 要對自己有信心原來係好難. 我真係唔知做咩先可以令身邊o既人開心. 我真係唔知道點解一直以來我都覺得自己係錯o個個. 我覺得自己唔夠好, 所以想做好d, 但我開始發覺有問題o個個真係可能係我, 我愈來愈覺得自己唔好.
呢種感覺好不安, 好恐怖
I really feel LOST!!
Friday,May 11 2007, 05:52:10 AM生日快樂
同自己講番聲..........生日快樂!!!!!!!!!!!!!!!!!!!!
哈哈, 話快又過o左個生日啦!! 今年生日收到好多祝福msg, 電話, 甚至生日歌. 好多謝好多謝大家都gum錫我. 今年生日唯一唔同係響公司無o左生日蛋糕食. 呢個星期同好多朋友食生日飯, 仲收到我最好朋友仔為我安排了一餐晚餐, 同埋一份好有意思o既禮物. 我明白你地用意, 心思gar. Thank you so much, Winnie, Lala!! 而生日當晚亦有另一位為我安排了一個開心o既晚餐. 謝謝一切o既心思, 令我開開心心過了生日. Thanks soooooooooo much!!
而星期六晚, 同Lala, Jasmaine, Rachel, Vera去了LKF慶祝我and Vera o既生日. 哈哈............ 好耐無出去同佢地玩啦. 雖然最尾遇到一d震驚o既事, 但都算好開心gum玩了一晚. 呢幾日仲影o左好多相tim ar. 哈哈........... THANK YOU THANK YOU SO MUCH
Thursday,May 10 2007, 02:24:32 AM頂唔住
返了一個多星期工, 我.............頂唔住啦!!! 工作環境令我喘不過氣來, 無交流, 悶到死, 好拘謹, 好辛苦, 日本人仲響office食煙, 我個nose勁敏感想死. 工作duties又有d距離. 所以我已經又要找新工作. 唉....... 簡直有d似第一份工黑店o既感覺.
不經不覺就快又大一年啦!! 好似太快gum又過了一年. 不過每一年心境都會唔同. 慶幸自己仲會心境有改變, 不會覺得生活無義意. 而家亦會學識珍惜眼前一切, 唔會好似以前任性, 亦比以前更會諒解別人. 不同階段會有不同煩惱, 但只要放開一點, 生活會變得開心點. 這就是我這一年學到o既事. 哈哈......... 今年我希望學識點去相信自己, 相信別人. 嘻嘻.......