Journal
Wednesday,Jun 6 2007, 12:28:33 PMشعب فقرى
دا شعب فقرى
نظرا لأن النعمة فاقت حدها
ولأننا مش قدها
ولأن فعلا أنجازاتك
فوق طاقتنا نعدها
ولأننا غرقنا فى جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
أسمع بقى
إحنا زهقنا من النعيم
ونفسنا فى يومين شقى
عايزين نجرب الاضطهاد
ونعوم ونغرق فى الفساد
بينى وبينك حضرتك
دا شعب فقرى مايستحقش
جنتك
أنا عارفه شعب ماينفعوش
إلا شارون وبلير وبوش
عايز يجرب الأمتهان
ويعيش عميل للأمريكان
بيمد "غازه" لأسرائيل
ويومين كمان ويمد نيل
أهو يعنى نشرب مية واحدة
ندوب فى بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
(متسلطنة بالسرطنة)
إية اللى خدناه م الكرامة
والإباء
حبة خطب وكلام...كلام
إحنا راهنا على النظام
ورضينا بخيار السلام
(بخيار)
حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا أطرده من رحمتك
وإن كنت غاوى الحكم
خليك مطرحك
هاغطس واقب وأعود
بشعب يريحك
راضى وعمره مايجرحك
أخرس ومايسعش
وأعميلك عنيه
مش كل قرش يبص فيه
مايقولش لأه /وفين / وليه
يضرب ينفض فى السليم
وعلى الصراط المستقيم
كل اللى يعرف ينطقه
عاش الزعيم
يحيا الزعيم
أحمد فؤاد نجم
Guestbook
6/6/2007 9:47 PMRe: hhhh
DAMN ON THE
22, Cairo, Egypt
yabny da sha3b 3ayz....... yala maho brdo el basha msh sybo f 7alo mhaneeh 3al 2a5er wala enta eh ra2yak??
6/6/2007 5:12 PMhhhh
3amtan al mawdo3 gamed bs a al 7al ya3ny masr hya masr w al sha3b howa al sha3b .... RABNA yesbarna w ysbarek isa