Tuesday,Oct 16 2007, 05:32:00 AMجيبك نضيف؟

كل سنة و احنا طيبين
وتعبانين و مهيسين
من الفقر برضه مدعوكين
متقولش لأ و ازاى وليه؟
هو أنت ناسى انت ايه؟
انت الغفير وانت الأجير
انت الموظف و العميل
اوعاك تقول انا بييه و بييه
دانتا يا حبيبى على البوفيه
و ف كل قاعدة و كل بيت
مستنى اللى يمد ايد
يطعم فيك و يسد جوع
واوعاك تجيب سيرة الحكومة
دى هى أبوك و أمك و أخونا
خليك يا سيدى على الرصيف
تعبان جعان أهو نام خفيف
بس المهم تعيش نضيف
جيبك نضيف؟؟وتقول يعيش,يحيا الرغيف

54 Views | Post Comments | Share with Friends | Recommend

Tuesday,Oct 16 2007, 05:29:29 AMجوه الدواوين الوطنية

جوه الدواوين الوطنية
اكوام اكوام من الشغل و دى حاجة عادية
لكن الغلبان طهقان زهقان من الحر و من العيشة داهيا
روح يا عباس اشترى مروحة من عند الست ام بهية
يمكن بيها نفك الزنقة وتصبح ديا عيشة عادية
*****
فتاح يا كريم رزاق يا عليم وادى واحد جاى عايز خدمة
نعمين يا باشا..فيه حاجة يا بيه؟؟شطبنا خلاص فوت هنا بكرة
ولا انا راح أقولك تعاللنا بعد سنة يكون الواد عباس جاب التهوية
أهو راح و مجاش و متسألناش راح نعمل ايه فى الليلة ديا
****
هو انت يا بيه قاعد كده ليه لا تكون هنا للست عطية!!
اسكت مش راحت المستشفى..أصلها راح تعمل عملية
أيوة ياخويا والنبى دى ست غلبانة وبتجرى على عيال نبوية
نبوية دى ست جارتها جوزها مسكوه فى الجهادية
****
الا انت ياخويا مقولتليش هو انت جيت هنا عايز ايه

تكونش جاى علشان وظيفة ولا منصب ولا ايه؟
طاب يلا خد الباب فى ايدك احنا مش ناقصين يا بيه

....يا عم انا بس جيت أقولك ان تمن الشاى جنيه
:D

56 Views | 3 Comments | Share with Friends | Recommend

Wednesday,Jun 6 2007, 12:28:33 PMشعب فقرى

139 Views | 2 Comments | Share with Friends | Recommend

Wednesday,Jun 6 2007, 12:16:24 PMقيس و ليلى 2007

 المكان:- فى خيمة
المنظر:- ليلى جالسة على الأرض وتنقى الأرز
يدخل قيس)
:- (
ليلى لقيس) قيس إبن عمى عندنا...يا مرحبا يا مرحبا
قيس:- كم جئت ليلى بأسباب ملفقة...ما كان أكثر أسبابى وعلاتى
ليلى:- (لقيس) ما تتكلم عربى يا مان
قيس:- حلاوتك بالعجوه...أبوكى فين يابت؟
ليلى:- ف السايبر
قيس:- يعنى أحنا هنا لوحدنا؟
ليلى:- والشيطان صايع
قيس:- أنا لا أفكر فى هذه الأمور...
ليلى:- ليه ياروح أمك....ما اشبهش البنات اللى انت ماشى معاهم
قيس:- مش العباره بس.....
ليلى:- (تقاطعه)وحياه أبويه يا قيس لو ما انعدلت معايا لأكون
موّلعه ف خيمتك بصفيحة بنزين
قيس:- إهدئى يا ليلى( ويخرج من جيبه سيجارة كبيرة الحجم ويعطيها
لليلي) مسائه نابت...إعمليلك سحابه دخان
ليلى:- (فى دهشة) أنت بتحشش يا قيس؟!!
قيس:- إضربى يا شيخه إضربى
ليلى:- ( تأخذ نفساً عميقاً من السيجاره) إيه البقسماط ده...دا
مضروب يا حبة عينى
قيس:- بقسماط!!! إيش فهّمك إنتى فى الكيف....إنتى اَخرك تكركرى
بالجوزه من غير معسل
ليلى:- (فى تحدى) طب إستنى ( وتتجه نحو الداخل)
قيس:- ( لليلى) رايحه فين؟
ليلى:- هجيبلك تربة حشيش (وتدخل)
الأب:- (يدخل الخيمة ويفاجأ بوجود قيس) قيس!!...هنا مع
ليلى...وامصيبتاه...فلتمطرى صابون سايل أيتها السماء....(لقيس)
إنت بتعمل إيه هنا ياله؟ !!!!!!!!!!!
قيس:- أنا كنت جايلك يا عمى عشان تيجى تصلح لنا السيفون....دانت
شغلك زباله..الواحد بعد كده يبقى يجيب سباك نضيف
الأب:- (فى إنفعال) أين ليلى...ليلى...ليلى
ليلى:- (تدخل وفى يدها تربة حشيش) أبى ...ماالذى أتى بك
مبكراً...إنت مش قولت هتقد ساعتين؟
الأب؟- النت فصل...إيه اللى ف إيدك ده؟!!
ليلى:- دى تربة حشيش هديها لقيش تموين الشهر
الأب:- (فى ذهول) ياللعار!!...من أين أتيتى بها أيتها الفاجره؟
ليلى:- ماتخافشي يابا دا م التموين بتاعى....الحشيش بتاعك لسه
بلفتٌه
الأب:- ( فى راحة نفسية) أة ..إذا كان كده معلش
ليلى:- ( تعطى الحشيش لقيس) خد يا قيس جرب الصنف دا واحكيلى
قيس:- (يأخد الحشيش)ليلى...بعدد الجوانات التى بضربها..وبعدد
الأحجار التى قمت برصها وبعدد الأنفاس التى قمت بتسليكها...أشكرك
بضمير
الأب:- (لقيس) بقولك أيه ياقيس .... إنت مش ناوى تتجوز ليلى قبل
ما تخرج م الضمان
قيس:- وانت ترضهالى برضه يا أونكل؟
الأب:- خسئت...هات ياد تربة الحشيش اللى خدتها
قيس:- ( يعطيه الحشيش) إمسك ياعم إنت هتذل إمى بحتة الحشيش
بتاعتك..لعلمك بقه الصنف اللى أنت فرحان بيه دا بيتباع فى الجمعيه
مع اللحمه البرازيلى
الأب:- (لقيس) إمشى ياد إطلع بره
قيس:- تصبح على نقاله ياعمى
الأب:- أغرب عن وجهى

131 Views | 2 Comments | Share with Friends | Recommend

Wednesday,Jun 6 2007, 12:01:48 PMرسالة من الحكومة لأبنها الم

رسالة من الحكومه  لأبنها المواطن

عزيزى المواطن بتاع النضال

يا راكب دماغك و غاوى الحلال

نصيحة يا صاحبى بلاش الخيال

و غمض عيونك و ربى العيال

بلاش المناكفة و لايم و عيش

هتتعب معانا و سهمك يطيش

نلفق لاهلك قضية حشيش

و تصبح حكاية و نكتة و مثال

تعالى و هاودنا و عدى الامور

و عيش فى الطراوة و خش الطابور

لكن لو هتزعل و دمك يفور

هنشهد نهايتك فى بحر الرمال

هتصبح حرامى هتصبح امير

هتصبح حرامى و ندل و اجير

و نقدر نلخبط فى اصلك كتيير

و جدك شحاتة هيصبح شحال

هنحلف ان الحبايب شافوك

بتقبض يا خاين و تقتل اخوك

ساعتها مراتك هتلعن ابوك

و تلطم و تنعى احط الرجال

مالكش انت دعوة بمين اللى ضاع

و مين اللى شارى و مين اللى باع

و مين اللى كيل و مين اللى شال

فحب الحكومة و حب السلام

و علم ولادك يشدوا الحزام

علشان بكرة هياكلو حمام

و ينسوا الاسية و ينسوا الهزال

فلازم يا صاحبى تغمض عنيك

و طنش علينا نطنش عليك

و اياك تشاور نقطع ايديك

و تصبح مواطن ما يسواش ريال

عزيزى المواطن بتاع النضال

يا راكب دماغك و غاوى الحلال

نصيحة يا صاحبى بلاش الخيال

منقول..........

129 Views | 4 Comments | Share with Friends | Recommend