Saturday,Oct 17 2009, 07:25:07 PM又大一歲!!!!

今年唔會有我的生日食飯活動, 往年老友一早就約定我一齊食個飯, 敘敘舊, 今年通通都給我推掉, 因為下星期就是二哥的逝世一周年, 我想平靜一點去紀念佢。 三家姐就一早講明, 由二哥的走後這一年都唔想家中攪生日活動, 結果係我仍在做攪手, 所有細路都攪, 只是大人不攪生日 (一向大人都唔攪架啦!!), 她有話過我幾次, [細路(即二哥)都唔係到, 做乜鬼生日], 我只回佢: [啲細路無知架, 讓他/她們開開心心有什麼不好!!] 她只好無奈地答應幫手去買蛋糕。

我嘛, 早上想去看場戲, 下午上 Jazz 班, 晚上在媽媽家食平常的家庭飯, 咁就會過咗一日, 都是我平時星期日會做的嘢, 睇早戲就唔係成日做嘅, 識我的人就會知星期日我會係幾點先會起床, 只係想睇場戲比自己一個空間唔好太掛念我二哥, 其實當一個人靜下來的時候, 佢就會浮現在我腦海, 我就會好想哭, 哭自己對佢的無能為力, 見不到他的苦惱, 幫不到他, 個心都會好痛好實, 但我的理智又會在控制我不可以咁悲傷, 所以每次眼淚都只是留在眼眶, 沒有滴出來, 姐姐們都覺得家中我是最快平復過來的人, 可是我自己不覺得, 只是我不會說二哥的走是那個人的不是, 為什麼他會這麼做等說話, 我只覺得佢人都走咗講這些說話又如何, 佢會翻生嗎? 怨什麼人又有什麼用呢!!!!  我只把他永遠藏在心裡, 佢會永遠陪伴我。

祝生日快樂!!!!

36 Views | Post Comments | Share with Friends | Recommend

Thursday,Aug 13 2009, 03:29:18 PM嘉朗畢業了

轉眼二哥的仔仔已幼稚園畢業, 今天是他的畢業典禮, 我今天有出席了, 還有三家姐都一起去, 參與是不想二嫂一個孤單面對仔仔的畢業而身邊少了二哥, 希望可以支持佢多一啲, 唔知到自己仍可以做啲什麼, 做得到的都會去做, 今天我見到二嫂有一絲的傷感, 心痛的感覺家中各人仍有, 相信二嫂的感覺不比我們少, 我又能幫得她多少呢??!!

嘉朗是一個好乖好董事的小孩, 小孩是最健忘, 對佢來講小小的唔開心一定有, 但轉眼佢已� ...

Read More...

39 Views | Post Comments | Share with Friends | Recommend

Wednesday,Jul 22 2009, 06:29:36 PM 書展...........

早幾年好熱衷去行下, 近年已不想再踏足, 都有書想買, 但過多一個星期在書局有得買仲有八折, 只係遲小小先睇, 無所謂啦!!! 再者家中有的書都未睇晒, 但見到自己喜歡的仍會買回家, 時常會同自己講睇完之前開果本就開新這本, 結果都係一拖再拖, 書都積了很多, 會努力睇的, 我唔會放棄的, 但都好期待馬仔的新漫畫書, 今次仲係有二本, 難得 partime 那裡的妹妹仔肯去書展時幫我買, 即刻唔該佢夾多謝出晒!!!!!係唔係奸計得逞, ...

Read More...

40 Views | Post Comments | Share with Friends | Recommend