Journals
Monday,May 26 2008, 03:25:09 PM究竟攪乜
連續兩星期都比CFO照肺, 上星期就全部人續個講, 今日就捉住我同亞姐講PAYMENT事件, 話啲人無填晒嘢做乜唔話佢地, 又話究竟有無CHECK過晒啲嘢, 又話要CONTROL返啲流程, 做個流程表, 又要做返 REGISTER, 又要SEPERATE FILING等, 一倫咀係咁講, 有佢講, 無得博咀位, 除咗答佢[好, 我跟返]之外, 都唔知點答佢先好, 要做REGISTER亞姐又唔一早講, 我都唔知有, 亞姐無端講話以前有, 好似我無問係唔啱咁, [車]!!!!。
另外亞姐又叫我同條靚仔入房, 話我地無跟進EXPENSE REIMBURSEMENT遲交同事無跟進點解會批, 仲問我地應該點做, 真係唔知喎, 佢就話要其他人誠諾唔會再遲交之類, 即要主動出擊啦!!! 要狠心批嘢唔齊唔批比錢啦!!! 遲咗要解釋啦!!都曾經聽過友人講管數要辣唔係就比人恰, 都不無道理, 之不過我為人係以和為貴, 唔同人爭唔同人鬧, 只為做好件事, 不過啲人都好離譜而家先CLAIM上年12月同一月份的交通費, 而家都5月啦!!! 我同亞姐講追另外一個時, 我話過時CLAIM會唔比, 個條友就話勞工處見, 亞姐即大發雷霆, 即刻走去搵個條友想理論, 好彩條友行開咗, 唔係又有說話聽, 唔係啦, 明節保身都係執返緊啲, 唔係又比人話, 唉!!!!
Wednesday,May 14 2008, 03:29:59 PM幾有食神
返工唔夠三日就公司請食飯(LUNCH), 原來上年業績好, 公司才請食飯, 再宣佈加三日大假, 由原來9日加到12日, 特別壓軸係同老板慶祝生日, 同時一至五月生日同事, 有禮物(糖一盒), 百佳coupon$200及生日咭一張, 內容好攪笑, 係 HR四朵金花嘜頭祝生日快樂, 咭面係生日人兄個樣, 當然地將佢地個樣大玩卡通, 都幾攪笑, 五個會計部同事三個都有份(我及GER未計在內), 所以又好多嘢放在食物櫃, 星期四亞GER又請食LUNCH, 成個星期只有兩餐LUNCH係自己比錢, 慳咗唔少。
昨日終於HR帶我行花園, 不過都好多人未見到, 一啲開緊會, 一啲去咗廠, 遲啲我都要去廠, 認識上面會計部的同事, 一件接一件的JOB第著我去做, 唔知仲有幾多!!!!
Monday,May 5 2008, 03:52:46 PM新工作第一天
填完人事部需要的資料後, 員工手冊, 公司介紹的書, 電話表, 坐位表, 一大舊比咗我, 之後比我在位睇一陣嘢, 啲同事已過來八, 自己來介紹, 人事部個姐仔又話過來帶我去遊街, 結果都無出現過, 在去方便完回公司門口遇上HR 亞頭話晏少少搵我, 結果又無, 奇奇怪怪。
會計部的人好喜歡食嘢喎, 又其我亞GER, 又成日提住個仔, 都幾攪嘢!!!成朝都有人比嘢我食呀!!!到11點亞GER已急不及待叫我入房交嘢比我跟, 入數對我來講無乜難度, 但要知係啲乜來先得架, 搵到啲FILE之後就勁睇, 睇到都唔知食飯, 第一餐LUNCH公司請, 班同事好雀躍, 我只係跟啫, 但佢地成日講這餐係為我而食等說話, 出公數無論邊個都咁開心架。
下午本來話2:30pm同CFO開會, 結果改咗4:00pm, 我可以專心睇個system同睇下voucher, 本來都打算攪完啲voucher再去睇合同file, 4:00 同CFO 開會原來就係話我知啲contract好重要, 仲話要我睇完做個summary比佢, 個CFO話自己都清楚, 但就唔係好記得囉, 唔記得仲要[燦], 頂佢唔住, 明天就開始睇啦, 做論文咁做啦, 但要捉住要點, 考試一樣, 努力吧!!!!!
Sunday,May 4 2008, 03:39:22 AM明天新的一頁
搵工個多月, 終於有住人家要, 明天返新工, 希望一切順利, 努力加油先得, 這公司有發展機會, 要睇我功夫得唔得, 話時話, 我都懶咗咁耐, 唔知功夫會唔會生锈, 另外條例又加咗好多, 到時可能要各方好友一齊商談, 唔好託我手[爭]唔彩我呀!!!!
有朋友叫我唔好咁擔心, 小心頭髮又少咁啲, 我其實唔係太擔心, 只係講下唔知自己會唔會做得好, 心理打算一下啫, 佢已警告我, 好多謝佢架, 真正係由細識到大的朋友先一針見血, 多謝晒!!!
其實唔止一間公司比offer我, 但第二間實在太遲, 遲咗成日, 請我這間公司在星期五下午兩點幾已覆我, 叫我星期一返工, 一口答應佢啦, 仲使諗咩, 公司有好多嘢未攪點, 我先有空間發展, 有啲期待, 有啲忐忑, anyway 明天返工就知, 向新的未來出發吧!!!