Journals
Friday,Jun 27 2008, 05:13:19 PM新工就快兩個月啦!!!
新工已返了差不多兩個月了, 最後這個月決定繼續做定留下, 事已開始掌握到, 但仍有一些未知的范圍, 對我來講唔太新苦, 要捉緊啲大帝(大陸同事)跟好啲, 講得好啲, 上星期對個人民幣現金數, 負數balance呀!!!! 一連用咗三晚對數, 攪到唔夠瞓好辛苦, 上星期日又無得瞓我的馬拉松覺, 攪到今個星期二在鬧情緒成日都唔開心, 好彩星期三打風可以瞓返多幾個鐘, 唔係都唔知點算, 這段時間工作上都有啲錯失, 相信亞姐都唔算太滿意我的表現, 只是中規中擧, anyway 再看情況是如何吧!!!!
Thursday,Jun 12 2008, 05:03:11 PM13/6/2008 黑色星期五, 一路好走
今晚8:00鐘行禮, 14/6 出山, 不能出席, 願妳一路好走, 各人不太悲傷收拾心情, 我有心但無力, 今年紅白不而, 隨緣吧!!!
又人個長輩走啦!!雖然唔係成日見, 在我眼中佢都係一個慈祥長輩, 一路好走!!!
人長大咗就越來越多紅白場合, 都幾無奈!!!!唉!!!!
Thursday,Jun 12 2008, 04:52:14 PM6/6/08 萭世歌皇
早於一個月前, 個friend已買好飛, 遇正黃雨仲開7:30pm, 放工拿拿聲走人都七點先到尖咀, 會合個friend行到去文化中心都要入場, 仲點趕得切食嘢, 個friend諗住唔係做好耐仲訂埋10:30pm宵夜buffet, 結果就無得食, 睇完都11:15pm, 食乜鬼buffet, 個friend好鬼失望, 我唔埋見到starbuck即衝入去食件餅都好。
講回個show先, 主題係歌, 佢扮唔同的參賽者, 一出場係扮郭天皇, 都跳得下, 然後食住陳冠悲條水話啲影相嘅藝人, 當然仲有扮女人啦, 中段話唔知點解英文歌啲人寧舍鍾意, 佢話中文歌轉英文歌詞試下, Thousand Mountain I Walk Alone(千山我獨行)喎, 笑到死咗, 仲打埋字幕叫我地一齊唱一次, 真的好攪笑。
另一好笑位係"百花笑"嘅"原野春夢", 佢一人演兩角做到一對男女在攪嘢, 真係無得頂, 佢啲支體動作好配合, 我個friend就話佢係精神分裂。
不過中間都有啲悶場, 中場休息後, 我同個friend又餓又眼瞓, 興奮度大減, 總括都可以比80分佢, 詹詹好嘢!!!!
上次睇萬千師奶賀台慶係睇日場, 無咁辛苦, 下次睇"男人之虎" 都係夜場, 睇來要食個飽先好入場。