Journals
Monday,Feb 28 2005, 02:26:03 PMJournal #25
越位，一種有理說不清、即使再如何口齒伶俐也解釋不來的情況，要是有人來要你解釋，就會有有口難言，甚至「百辭莫辯」的難堪感覺，儘管你知道，你沒有錯。相信第一次，或者初初看足球比賽的人，尤其是女孩子，第一個問題，總是「甚麼是越位？」某年，我問了很多人「甚麼是越位？」一聽到這個問題，大家的反應是一樣的：「很難形容喎！」各人一而再，再而三的解說，可惜當時我不知是實在太蠢（當時的說法是：別人的表達能力很差！），還是這個情況實在複雜（當然明白了就不複雜），經過我一番鍥而不捨的追問下，各人都開始感到厭煩。最後，還是母親那一句最湊效：「妳靜靜地睇一、兩場咪明囉！我唔識講畀妳聽呀！」不明白母親何以激動。看多兩場球賽，我亦終於明白甚麼是越位，亦明白母親何以激動（當然，一來是因為我阻住佢睇波）。之後，曾有人問過我「究竟甚麼是越位？」我曾嘗試解釋，但，解釋不來。其實，「越位」並不是一個複雜的情況，明白後就會覺得「唉，早知以前唔問啦，搞到自己好似好白癡咁！」或許，越是簡單的情況，就越難用語言去表達。
Saturday,Feb 26 2005, 12:39:19 PMJournal #24
今個月第五次入戲院睇戲,今次睇o既係《Hide and Seek》（港譯：《捉迷藏》）...唔知係呢套戲都有D恐怖位o既關係定係今日D人特別鍾意"um um"「尋尋」,我覺得間戲院好嘈(
!!!!!)...都推薦大家睇下呢套戲,我覺得幾出人意表囉,不過可能係我估唔到係咁ja~
小心嚇親!!
Friday,Feb 25 2005, 04:24:53 PMJournal #23
呢排都好夜先「目訓」,結果日日搭西鐵都達致昏睡程度...每一次我都驚會唔會有人搶我o野......不過又唔可以令到自己唔「目訓」...試過睇書,不過越睇眼皮就越沉重...呢個星期,我都走o左好幾個鐘堂,仲要走堂唔係番屋企,係走o左去圖書館睇戲~
M記開心樂園餐送玉桂狗公仔,好興奮,嘗試儲齊一套 ~!隻玉桂狗識轉ga哇哈哈,好開心~ ~!!!!!
Thursday,Feb 24 2005, 10:47:51 AMJournal #22
討厭,好討厭呢種天氣...周圍都好濕,好唔舒服!!!唯一慶幸o既係我屋企未至於出水(我搭車偷聽到D師奶話佢屋企連地板都出水,最詭異係佢竟然鋪報紙落地下「索」水......
咪印到周屋都係新聞???),不過「車立」口難逃厄運,情況就好似倒水o係地下咁...踩入屋都覺得想死......希望呢D天氣快D過,咁就好喇~
今日去o左KFC食北京雞卷,我實在太懷念佢o既味道喇,不過又再次畀KFC跣－－我唔食o既沙律醬呀!!!最後惟有時運高睇唔到當冇硬食啦......
今日又再次利用3個鐘o既天地時間睇o左套戲,我諗呢個sem我都係Media and Electronic Resources Centre o既常客o黎ga喇~
Wednesday,Feb 23 2005, 05:16:16 PMJournal #21
今日幫繡名預祝2/3生日,因為佢今個星期五又要番去暨南等開學,冇得正日慶祝所以就預祝o左先~原本諗住畀驚喜繡名,所以就冇話畀佢知有男仔在場...不過當繡名見到D男仔,李扁問佢surprise唔surprise,佢都係用佢一貫o既繡名式聲氣o黎話好surprise
! 原本諗住打冷,結果唔知點解去o左間唔係打冷舖,好無奈!不過D o野都幾好食~~~~~結果今次o既慶祝又好似上次佢o地幫我慶祝咁,變o左IQ題聚會,不過今次冇上次咁嚴重啦,而主角繡名o既題目亦都令到各人O晒嘴,作聲不得......食完飯去o左食糖水,結果演變成盤Zero大會,大家係咁「老屈」Zero有女朋友,仲「唔覺意」睇Zero D短訊,又猛o係佢部電話度搵佢嫌疑女友o既相出o黎,雖然搵到,仲要有成兩幅,但係當事人係否認ga~之後就各自歸家...