Journals
Tuesday,Mar 29 2005, 03:11:02 PMJournal #42
唔知係我自己係咁,定係所有人都係咁,每一套戲,總係會唔記得開頭(頭30秒),就算係o岩o岩睇完,都會唔記得套戲開始o既時候係點,亦無論套戲係好或唔好,開頭都總係會唔記得...唔知係所有戲o既開頭都做得唔夠好,唔容易被人記住,定係係我自己o既問題呢?
Monday,Mar 28 2005, 07:13:03 AMJournal #41
尋日同親戚去o左小欖燒烤樂園BBQ,結果全日畀一班教會人滋擾...因為佢o地o係場地law晒咪o黎唱歌抽獎,好有衝動扯甩條喇叭線!之後落雨...而幸好我o地搶到一個有瓦遮頭o既地方,唔駛受淋雨之苦~
夜D就睇埋金像獎,白靈o既裝束令阿旦講o左句:「大會同佢溝通梗係出o左問題,紅館係好凍ga!」咁...個個都咁著ga啦...又唔見你話下第二個...令我驚喜o既係《咁咁咁》「才羅」到「最佳原創電影歌曲」...我都唔知原來呢首歌係金像獎提名,証明我眼光都唔差~
Saturday,Mar 26 2005, 12:51:10 PMJournal #40
今日同阿Ming去o左市中心飲o野,兼law埋我話o左要「才羅」好耐o既geog書...我o地去o左仙跡岩畀烏蠅糾纏(阿Ming:「我有沖涼ga!」)...一D都冇進步o既屯門仙跡岩......之後去o左睇扭蛋,鞋同袋,睇得好快,雖然好耐冇行過成個屯門市廣場,但係再一次行爛o 左...今日冇扭蛋,硬係覺得呢排隻手有D臭,想要乜冇乜...所以唔抽,嬲!見到個Harrods袋好想買,不過冇錢~冇計...早排買個袋同銀包駛o 左成千蚊......始終都係搵唔到鮮墨綠色(係咪好難明?一種諗極都諗唔到o既色,不過我唔識形容...)o既鞋...有o既又千幾蚊對...我D cheap人...$200對得ga喇...同埋唔想買高筒喇...唉...錢呀錢...飛埋我度吧!!
Tuesday,Mar 22 2005, 11:48:34 AMJournal #39
一部冇滑鼠o既電腦真係令人心力交猝......
20/3(星期日),其實掙扎o左好耐究竟打唔打呢件事出o黎,不過見冇咩做就是旦啦...當日係APS飲管比賽簡報會,我係當日其中一個工作人員,全日都非常悠閒,不過有幸做到LT15都叫有D o野做...當日其實預o左6個Lecture Theatre,o黎簡報會o既中學生就會順序進入LT1,LT3,LT15,LT16,LT17,最後係LT18...不過當日人數只係夠入晒3個 LT,結果LT16-18 o既同學仔就悶到呆晒,由於我當日坐o係LT門口負責叫D學生入房,我係清清楚楚咁見到LT16-18同我同一崗位o既人非常悶,LT18 o既同學更加係走去買o野食同o係門口開餐~y2 o既阿偉話負責LT15 o既人等同畀人發放邊疆,我問佢咁LT18點算?佢話o個D根本就已經o係境外...結果我拯救o左一個駐守LT17 o既朋友過o黎傾偈,因為佢話得一個人o係o個邊守好寂寞,哈哈!而原定6個鐘o既簡報會,亦都o係大約3個鐘內完成,清理完場地就走lu~
今日去o左睇《Lemony Snicket's A Series of Unfortunate Events》（港譯：《尼蒙利斯連環不幸事件》）,冇咩特別...只係一套類似《Home Alone》（港譯：《寶貝智多星》）、《Mouse Hunt》（港譯：《玩o野王》）、o個D乜乜物物智多星咁o既戲囉...好在唔係我話要去睇o既ja~
Monday,Mar 21 2005, 10:11:01 AMJournal #38
在新加坡寄出的明信片，終於在苦等9日後收到。欣喜若狂的我急急向生病及如廁中的母親「炫耀」。母親看到明信片後，笑了笑。我走進房後不久，她突然出現在我面前，並說了句「畀D o野你睇」，然後手向上一翻，翻出了厚厚的、沉重的相簿。別以為我在浪費時間形容這本相簿，要我阿媽主動、親自蹲下來找啊找，並且冒著腰骨痛發作的危險，要她無故找出這本相簿，可謂難過登天~然後阿媽指著每一幅以前在新加坡拍的照片，很耐心的解釋，我也很用心的聆聽。一會兒後，我走開了，母親則安靜地細閱每一張照片。早幾天，母親還對著姐夫說「冇番以前住過o個度！明知咩都變晒，去o黎做咩？！」我知道，是她口硬。
不過，這麼多年來，新加坡的郵票都沒有進步－－還是那麼肉酸！