Journals
Wednesday,Jun 29 2005, 05:08:46 PMJournal #80
Training第十七日半。
今日學氣體保護鎢極電弧焊（TIG）。
一小時理論課後小休後埋牙，猛將鎢針撞上工件，鎢針頓變紫色，我也不想這樣－－概因燒焊=盲眼。胡亂焊出6條紋，交得！
Quiz猛問人，其實我也沒看完整條題目，只因不想看那一大堆英文罷了。
12時，打咭走人。葵涌的兩天半焊接課程完結。
Tuesday,Jun 28 2005, 03:30:25 PMJournal #79
Training第十七天，汗汗汗。
繼昨天的手工電弧焊（MMA）後，今天學的是氣體保護金屬極電弧焊（MIG）及Oxy-acetylene Gas Welding（中文不知道了，只知道涉及風煤樽）。
繼續習作亂做，照交可也。
Monday,Jun 27 2005, 03:36:30 PMJournal #78
Training第十六日、葵涌VTC第一日，蒸籠。事後，雙腿發軟。
哈哈～開始覺得自己是萬能的－－焊接我也行了，還有甚麼不行？！
感覺上，我們就像一班防暴警察，手抓盾牌，汗流浹背。
燒焊，其實有點像燒煙花。
不滿在於講師著我們用一塊一厘米厚鐵板練習燒焊，卻要我們焊接起三片一毫米薄鐵片；更在半小時的練習後，要求我們像他有廿多年經驗般焊接出一條直線－－咪玩啦！到此，不得不頹廢，結果，把鐵板燒穿了一個洞，喪笑
～～
本人反倒覺得葵涌比九龍灣有趣，縱使其他同學不認同，葵涌只不過是熱了點。至少，葵涌的學生較正常；至少，飯堂食品還可下嚥；至少，在更衣室不會被無聊的VTC仔關燈。
Sunday,Jun 26 2005, 01:43:28 PMJournal #77
沒有媽媽的日子，才發覺家務這工作，比甚麼工作都更要人的命。
Saturday,Jun 25 2005, 06:43:40 PMJournal #76
From Kennis's xanga...
01）一生人以來第一個偶像：其實我唔記得。
02）希望住怎樣的房子：Duplex
。
03）天生是腸胃好的人嘛：好……差
。
04）覺得自己自私嘛：一時時。
05）有邊個人曾經令你希望自己成為佢：好似冇試過有咁o既念頭。
06）對香港的感覺是：極愛
。
07）覺得自己會點死：病死。
08）有冇乜野事你好後悔當時做左呢個決定：買o左SHINE第一隻碟，好似叫《電影男孩》
。
09）有冇睇過邊套戲令你久久不能平伏：《我的野蠻女友》。
10）你覺得你自己係一個偏向思想正面定負面既人：負面好似比較多。
11）現存最「古老」的記憶：幼稚園遊戲堂。
12）曾經自己一個人做過些甚麼事：睇戲，我肯，已經好轟動。
13）有邊個明星你欣賞佢但係佢稱唔上係你「偶像」：吳賢祖、林嘉欣。
14）有邊個明星稱得上係你偶像：廣末涼子、深田恭子。
15）討厭自己邊Ｄ性格：情緒化（好多朋友都咁講，我自己唔察覺，不過話得畀我知，我會知衰──改唔改到、去唔去改，又係另一回事）。
16）試過睇咩戲ＯＲ電視劇睇到喊：戲好多，電視劇（港產）冇。
17）喜歡結識新朋友嘛：睇環境啦。
18）一件最近想擁有的奢侈品：跳跳虎fing腳公仔。
19）希望退休後有甚麼生活：唔好拮据過活都已經好感激
。
20）對上一樣令你忍唔住講出一聲「好好味」的食物：阿媽靚湯。
21）小時候對世界有過些甚麼誤會：小時候目光冇咁長遠，遠到要誤會呢個世界……
22）首個令你有性幻想既明星：有就好。
23）對隆胸有咩感想：因住爆。
24）好多人都話你唔應該咁做, 但你冇後悔既事：huh～知道我點諗o既人都會知道係咩事。
25）數得出一堆你願意更加珍惜佢地既朋友嗎：要數實數得出。
26）多唔多人你對佢有過好感但後來感到有D後悔：有o卦，有D o野自己都唔係太清楚。
27）遺傳了家人的甚麼特質：專注做緊一樣o野（十居其九係睇電視）o既時候唔應人。
28）喜歡的遊戲：要用腦o個D。
29）有冇作過一Ｄ令你自豪同回味既決定：實有ga。
30）幾時開始清楚自己鍾意男仔定女仔：冇質疑過。
31）信唔信輪迴轉世：唔信。
32）愛情, 友情, 親情, 請排序：親情、友情、愛情。
33）甚麼讓你最恐懼：蟑螂（無論生死）、會飛o既昆蟲。
34）有冇堅持使用邊Ｄ牌子既產品：有自己唔覺o卦。
35）有冇邊Ｄ朋友你覺得ＯＫ希望可以同佢熟Ｄ, 但實際上又未熟得晒：有D啦。
36）幾歲時第一次鍾意異性 (或同性)：6、7歲
。
37）對怎麼的生活有過憧憬：好有錢好有錢好有錢o既生活。
38）較喜歡媽媽還是爸爸：其實差唔多。
39）甚麼讓你感到尷尬：畀幾個人捉住一個弱點（或者笑位），當住我面，輪流一人一句猛話猛講；誤會o左人o地o既意思……
40）用十個字眼來描述的近來既生活：「支力」、唔夠訓、趕、窮、都算新鮮。
41）而家諗返轉頭唔明自己點解當事要咁做既事：堅持買SHINE隻CD。
42）曾經最深愛ＯＲ敬愛過的三個對象：曾經？既然係曾經，仲提o黎做乜？
43）在網絡上有甚麼財產：Journals囉。
44）你有冇一ｄ「特異功能」：冇。
45）有冇一個你以為實現到, 但其實唔可以既「夢想」：「冇夢想」。
46）喜歡的品牌：成日變。
47）你願意花時間學習些甚麼東西：Interior Design、Architecture、Astronomy。
48）最喜歡看異性的哪些部位：我好似唔會局部地區性咁望人。
49）你會唔會選擇一腳踏兩船：唔會。
50）有冇懷疑過自己既性取向：冇。
51）只可以用一個詞語黎形容你自己既性格,你會用咩詞語：矛盾。
52）對上一件由衷感到感動的事：Training時好多人幫我。
53）曾經約會過不算熟絡的網友出來見面嘛：冇。
54）希望死後火化還是怎樣：火化。
55）最近最煩惱的事是：窮。
56）有冇一個moment如果你做左另一D決定，就會大大影響左你既一生? 有的話是甚麼事：點知ja…我而家都揀o左咁行lor。
57）承上題, 受到呢件事影響, 你估計你既人生有咩唔同：點知ja…都冇咁行就估唔到ga la。
58）愛過的人中有些甚麼不堪的性格：唉，算罷啦。
59）希望將來住係邊：o係香港就得o勒。
60）有咩事你一遇到就會覺得好噁心：成身煙味或／和酒味o既人。
61）從事過甚麼工作：量地。
62）有咩人你好感激佢但唔好意思同佢講：冇，有會講。
63）有冇曾經俾人偷過乜野：筆盒
。
64）經常講大話嘛：必要時會講善意o既大話。
65）覺得自己傾向是實際還是不設實際的人：實際。
66）最希望睇到邊兩位藝人結成一對：Bye Bye。
67）親友怎樣形容小時候的你：牙尖嘴利，好有表演欲。
68）算是怕悶的人嘛：唔怕。
69）你算是一個吝嗇給予別人讚美的人嘛：我好似冇讚過人。
70）初次接觸電腦係幾時：3、4年班。
71）由細到大曾經希望過從事咩職業：律師、會計師。
72）最有恆心做的一件事：鋸鐵。
73）曾經想過加入誰的fans club：麥浚龍。
74）曾經希望過自己出生於邊個國家：日本、瑞典、荷蘭。
75）依賴性強嗎：一時時。
76）數得出三個令人有厭惡感的人嗎：得！
77）有冇同過邊Ｄ明星合照：冇。
78）有幾多經常提及的香港地方你是從未去過的：鯉魚門、赤柱、紅館……
79）有冇乜野「古怪」既習慣：我唔覺怪ga…係人o地覺咋嘛。
80）人生當中暫時有邊Ｄ稱得上係轉捩點：中六要讀Physics，當年有如世界末日。
81）父母曾經為你的甚麼而感到自豪：問佢o地啦，睇o黎都冇。入到大學算唔算？
82）有冇乜野經歷到而家仲成日俾長輩提住：兩、三歲o係神檯爬上爬落，偷晒成碟西梅食，咬o左o個邊仲要向入邊擺；o係洗衫桶執玩具倒頭「中」o左落去出唔番 o黎對腳“young”下“young”下
；一飲奶就屙，食粥大；好大個都仲食奶咀，用藍藥水塗黑o左都照食，要用墨汁髹黑先唔食……
83）有沒有甚麼東西你的朋友都不喜歡, 只有你一個喜歡：大把。
84）有沒有甚麼東西你的朋友都喜歡, 只有你一個不喜歡：大把。
85）有冇邊個地方你去完聲稱以後都唔想再去：葵芳百老匯。
86）發生甚麼特別事第一個搵的朋友：要搞到搵人傾多數會係阿Ming。
87）有冇特別喜歡邊幾個中文字：溰、澄。
88）慣於「明戀」定「暗戀」：暗戀往往會變成明戀。
89）印象較深的電影對白：冇。
90）有冇嘗試過訓練自己的非慣用手：冇。
91）想變成另一個性別嘛：唔想。
92）印象最深的小學同學：Nikki Wong（其實記得o既話個個印象都好深，不過呢個仲算有聯絡同住得近）。
93）係icq多數用咩mode：Offline。Online o個陣就係online。
94）邊D地方令你有愉快既回憶：小學、屋企。
95）邊D地方令你有不快既回憶：中學。
96）有咩事你一遇到就會有莫名的厭惡感：要同昆蟲搏鬥
。
97）數出十樣最喜歡的東西：自己、屋企人、朋友、錢、麥浚龍、史迪仔、玉桂狗、彼思、地圖。
98）第一張擁有的CD：廣末涼子《ARIGATO!》。
99）曾經迷戀過邊D明星：陳曉東呀仆街…都唔知o個時點解會鍾意……仲有謝霆鋒……（都係小學o既事lu～）。
100）最近有咩口頭禪：仆街、想打人、先算……