Journals
Tuesday,Nov 30 2004, 11:58:16 AM星期�:今日補習練波~冇乜特別~ 星期
星期五:今日補習練波~冇乜特別~
星期六 27/11:
今日係我的比賽日~係係白英奇既第一個比賽啦~三打三~
今日去到比賽場地"京士柏"~見到兩個場都有好多人呀~成百人呀~之前一兩日~唔知邊個同我講得6,7隊~
依家都似有廿幾三十隊呀~好似好多勁人咁~開始唔係咁放心~
今日第一場~成隊有三十三分~我有三十一分~結果.........輸左~人地三十四分~一分之差~完場果
刻我笑左出黎~心有點兒痛~.....苦笑~返到埋一邊~已經笑唔出喇~冇哂心機~今次我真係上哂身~係咁入~
最enjoy既就係朋友既驚訝聲,歡聲,掌聲~都係最開心既時間~果時真係打得幾輕鬆~果時係贏緊6,7分咖~
但之後我個隊友犯規愈來愈多~欠一犯就出場~搞到完全唔敢防守~果時同唔防冇乜分別~比條友直接剷入
黎拎分~d分係咁失~一球比球心痛~無論我點入點射~都冇補於事~我地個後備又唔掂~防守超級大空門呀~
最尾一球竟然開波turn over~射都未射就冇機會~輸埋~,........
經驗....真係好重要~自問比賽經驗真係好唔夠~好多時~處理得唔好~我d隊友就更加冇經驗~所以成隊波根
本要我帶起~但係我都做得唔好~佢地又點做~一隊波輸~個個都有問題~唔係淨係一個既問題~如果一開頭
做得好~最尾失波都唔係問題~勉又病~macro又唔準~三個又唔識夾~實在難打d既~不過macro已經好盡力
?波咖喇~冇佢我都冇咁多波射~勉我都知盡左力咖喇~已經守得好咖喇~最尾係失係d唔應該失既波姐~
唔入波都唔緊要~係我反思緊自己有咩wrong令依場輸既時候~突然間有個電話打黎喎~原來係魚旦~有講左樣野令
我開心返~就係去佢果隊打~哈哈~傷心消大半~之後好好彩~混水摸魚~好多人都走哂~冇人認得我~
不過第二場又打唔返第一場d水準喎~射極都唔入喎~我知道我射唔入都唔射咁多喇~比多d另外一個隊
友射~勁緊鼻呀途中~比人反超前喎~本身head住黎打咖~d人好似上身咁~整個7 比0既攻勢~追返勁多~好彩~最
尾我睇到d隊友係籃低有空位~d人又將d注意力係我到喎~一傳入去~搞掂~連續又黎多球~又係籃低波~
我守果個都幾快~要我出力守佢~唔係都有機會輸呀~加上我又唔準~贏左之後~原來已經六點九喇~我七點要去
界限街比賽~shit~即刻走人~因為我太心急既關係~差d忽略左女朋友既事呀~冇彩都冇~之後咁岩見到架的士係
京士出面~就即刻搭車去太子~途中去到廣華醫院放低左女朋友~之後順順利利準時到達~d人好彩未開始~重有人係到打緊羽
毛球~搭正七點先收野開始籃球比賽~今日打得好差呀~錯失哂d機會~我記得有2球快攻~兩三球射波都射失哂~
唉~都唔知點解~同下午差咁遠既~累!!????打完之後沖埋涼同班隊友去餐廳食完晚飯~超肚餓呀~今十點幾食左
d穀類早餐同埋一個飽之後就冇食野喇成七八個鍾~太子依間野都幾好味~又多野食~有幾粒炸墨丸做前菜~
有湯有野飯~三十四蚊都算唔錯~食完之後就返屋企loo~原來真係已經好累了~搭車都頂唔順~訓.....
Friday,Nov 26 2004, 04:08:03 PM星期三: 今日第一次用針孔相機影相呀
星期三:
今日第一次用針孔相機影相呀~一開頭幾驚唔得呀~不過好彩冇事~出左黎果d相都幾得意~幾靚~d effect唔同普通相機既相~同樣地都係黑白~但係好唔同~都幾好玩~又好難用~好難調準d光度呀時間呀咁~真係要再練習練習~係學校附近影左五六張~差唔多四點就走loo~因為晏d要學琴~而我就乜都未練過
~要早d返屋企彈~
今日學完之學~同miss落左去富寶打波~都咪話唔搞笑
~打到九點到~miss又要教琴所以走先~依我就繼續打~一d勁人都冇~二打二~拉邊個~邊個贏~
星期四:
今日又係到人地present既日子~今日有d surpise喎~因為今日有一個present得幾好~放學後~本來以為得好少人食飯~去到間餐廳~原來有十四個人喎~多到我都唔記咁多喇~同女仔食lunch真好~唔使擔心d野小~唔夠食~哈哈~
~阿qoobi比左差唔多半個麵我食~人仔細細~原來都真係成正比咖喎~食得好少野~食完野之後就同,frenky,marco ,jacky,ant等人去左麥花臣打波~由於今日好晏放既關係呀~食得野黎去到球場都差唔多四點喇~d學生放哂學~出哂黎打波~四個場四個都有人打緊~今日都幾好玩既~因為同d識打波既friend一隊~又打得順~打到差唔多六點過迪地交返張比賽form就返屋企loo~
Tuesday,Nov 23 2004, 10:40:47 AM星期六:飴做~做~做~打波~飴做~做~做~訓
星期六:食~做~做~做~打波~食~做~做~做~訓~
星期日~食~做~做~做~打波~食~做~做~做~長訓(正)~換來既係考試既分數~
~星期一~我覺得又係時間既關係~做得唔好~又一份唔盡力既功課~失敗~
測驗又唔識~failture
放學同d同學食完野~就返屋企做野loo~又做唔哂~十二點幾訓~
今日~星期二~訓到唔知醒~本來教左兩點幾鬧鐘起身做野咖~但係按熄左又訓返~又冇教返六點起身返學喎~搞到我七點半先起身~一起身真係好灰心~真係唔係咁想返學呀~乜都未做~今日又要交bob d野~又要交drawing d野~得bob d圖係畫完咖咋~但係又未表起去喎~唉.....咁多野點做呀~又要返學~之後就唔返drawing果堂~係屋企做埋bob d野先返呀~如果做到唔拖唔水~返到去實比佢鬧呀~之後做左一個鍾先將d野表好~差唔多十點先返到去~返到去見到個景象~同我係屋企做既一樣~d同學原來個個都未做好~個個都係到做緊喎~最尾都成功地交左功課了~
放學後~又去左打舖機~之後撞到上官,billy,芝,爛屎樂~就同佢地一齊食野喇~食完之後去中南又拋錢~買左d board就返屋企loo~尋日十二點幾訓到七點幾~訓左咁耐~搭巴士返屋企途中~企係到都差d跌倒~係訓著果隻呀~ 返到屋企一d都唔輕鬆~因為又有好多野等住我做呀~computer test,piano (完全未練),pin-hole機~......
Tuesday,Nov 23 2004, 10:07:01 AM星期�: 尋日懶懶惰惰咁~明知今日有
星期五:
尋日懶懶惰惰咁~明知今日有功課交~但係都唔做野~成日卦住訓~唉~今日就算四點幾起身做都無補於事~搞到今日比阿sir嘈~又話唔合格又話乜咁~精神就精神喇~不過冇用啦~唔合格係一世既~精神係一日既~真係要捨棄下喇以後~唔係以後都做唔到野咖喇~我比人地多太多野玩喇~但又冇人地咁勤力~百上加根咁~
自己又少時間又唔努力
~今日都冇乜心機上堂`喇~放學後~同阿ken去打舖機~之後去左味皇食野~今日d飯都幾好食~食完之後就返屋企loo~因為我要換杉~同埋做補習d功課呀~唉~做完學校補習又黎~真係忙唔停咖~返到屋企~又冇做野~去左訓覺~訓左陣就起身喇~不過果時~又要出門口喇~因為夠鍾去補習喇~之後一路搭車一路做~求求其其咁做完就交loo~補完之後同女朋友去行下(郎豪方)~之後就返西貢練波喇~依排d實力都唔係咁好~成日都唔入~唉~失望~今日唯一好既就係冇比人鬧~返到屋企沖完涼就開始做野喇~再唔做下個week就死梗~many manyｄｅａｄｌｉｎｅ ｗａｉｔｉｎｇfor me........VISIUAL COMMUNICATION ,GRAPIC DESGIN,PHOTOGRAPH "S PIN HOLE CRAMA,COMPUTER 既test~drawing illustraition~
再一次係到講句~shit~
Thursday,Nov 18 2004, 12:42:21 AM星期四: 今日一朝戎摯V醒~D電話又係咁
星期四:
今日一朝早未訓醒~D電話又係咁打過黎~老豆又打黎~女朋友又打黎~一個電話係廳~一個就係房~ 我又要快d聽喎~因為我費事嘈醒我阿哥~係我撲黎撲去之濟~都唔知踏到D咩~差D仆係到呀~好彩反應快~用隻手頂一頂果時,整傷左隻手~真係不幸呀
~好彩只係擦傷少少~之後訓多陣就起身loo~訓醒之後先發現原來撞到果到都幾痛~今日返十二點~我九點幾就起左身喇~本來想做野咖~但私又好耐冇做過自然野喇喎~打日記又冇 ~!睇下d網頁又冇~睇下nba又冇~難得有dd時間~都係唔做住喇~做下自己野先~原來我都有好多野做咖喎~打日記都用左個幾鍾喇~之後睇下web西~就返學loo~放學後~同marcom,jacky,frenky,家琪食完飯就返屋企loo~之後落去打波~打完之後就落西貢食飯喇~今晚係家族團聚~同一個係外國返黎既阿佰食飯~今晚竟然係冇細路~得我一個
~早知就唔黎~返屋企做功課好過~哂左d時間
~不過唯一好既就係~今晚d野食好豐富~
~為食既我當然唔可以放過啦~魚蝦蟹乜都有~好味呀今餐~食到九點幾先返屋企~真係登份功課擔心~聽日就交喇~但我又好眼訓
~最尾都冇做野~返到屋企~玩陣電腦就訓loo~