Thursday,May 11 2006, 06:21:59 AM長洲 ~ 太平清醮

終於可以寫 journal喇!  終於今年去左長洲睇太平清醮喇!

長洲之旅

5號12noon    同阿Gil, 校長, Doreen坐晏晝12點船入長洲.  Doreen遲到, 所以我地無等 (應該係等唔切)佢, 就準時地先入去.  原路去港外線碼頭會合校長既時候, 一路上都好多人, 到左碼頭就排哂長龍… 我見到都好驚, 心唸唔知要排幾耐隊先上到船.  好彩, 原本校長托朋友攞左太平清醮既VIP証, 連搭船都可以優先, 唔駛同人迫就上船, 仲有特別房 (即係平時既豪華位)俾VIP.  真幸運!!

     1pm         我地 3個以為因為太平清醮既關係, 全島要食素, 校長就特別買左壽司同手卷一齊食.  一落船, 警方已經開始封某d路 (2點就封哂), 我地就先行去華威酒店 check-in, 點知原路商店裡面有肉賣 (魚蛋, 三寶, 燒味 etc)….  雖然係好好, 但我有d失望….

     1:45pm    check-in後就去左飲野, 收到Doreen電話後, 就入番”村裡面”同佢會合.  點知碼頭一帶已經封哂路, Doreen 入唔到黎…. 唯有睇下遲d情況如何啦…

    2pm~6pm   校長, Gil同我去左VIP看臺, 2pm 飄色巡遊開始喇! 大鑼大鼓, 搖大旗, 舞獅… 真係好熱鬧.  阿Gil好鍾意, 覺得好好睇, 其實我最鍾意睇既係d小朋友, 佢地既扮相, 化妝好靚, 有d仲好好笑容.  雖然天氣真係好熱, 又好曬, 佢地都無喊, 好厲害!!!  (俾著我肯定喊左9世lu~)  我同校長都影左d相 (遲d post 上黎), 阿Gil話全部擺o係個腦到, 唔駛影喎… 賴勁咁!  天氣實在太熱了, 我地都係咁買啤酒一路飲一路睇…  直到散場時先知道原來VIP有免費 blue girl任飲… 超低能~  講埋失散左既 Doreen, 我地要成4pm先會合到, 原來因為人太多, 太迫, Doreen自己睇左一陣已經放棄左, 走左去飲野同買平安包.  好慘!!  我真係覺得好好彩, 唔駛人迫~  (多謝校長~~)

         飄色完左之後, 我地 4個就o係周圍行下, 狂食小食.  另外, 雖然見到d平安包枕頭, 不過要成 HK$80 一對, 覺得唔值得, 所以冇買.   原路o係酒店行出黎睇飄色經過一間大排檔, d乳鴿一隻隻掛哂出黎, 好吸引~  6:30pm左右我地已經食晚飯, 無錯, 就係o係o個間大排檔~~  我地仲o係大排檔食人地既大大粒魚蛋 (好彈牙o架!!), 走左去日本人開既茶寮買紅豆餅食 (very yummy!!! 去長州一定要試.  紅豆餅都係我今個trip既target之一!!!)  同埋食左Doreen買既平安包…  以上既食物, 我地 4個係o係1個多小時裡面食哂, 但係非常enjoy, 完全一d罪疚感都無~ haha

         食完野, 我地再行番出去, 沿海邊行.  因為Doreen唔過夜既關係, 大家一路hea一路行, 大家都開始有疲累既感覺.  跟住就行左去北帝廟, 我仲求左2支籤, 不過簽文就無謂提喇…  =_=” 附近就係搶包山舉行既地點, 我地就走左過去.  見到有 3座包山, 我仲以為夜晚會有好多人去搶; 原來係第二朝9點派街坊用既.  再行遠少少, 係運動場裡面一大座既, 先至係搶包山o個座.  最初我地都以為張VIP証都可以 for包山, 點知一問之下, 包山既工作人員話張証only for 飄色.  即係話我地要排隊攞入場卷, 然後我地走左去攞飛地點 (搶包山隔 2條街啦), 話!!  7點幾已經有人開始排隊, 傻o架!!!  阿Gil見到就話一定唔會排~  雖然我同校長無所謂, 不過大家都知道阿Gil硬頸, 都無排隊lu…  然後大家陪Doreen去碼頭搭船, 行唔夠2步就到左龍尾 (起碼離碼頭200米!!  好誇!!).  好再, 張VIP証救左Doreen, 隊都唔駛排就買到船飛, 一有船就走得.  希望第二日走唔會咁多人啦!!

          8點零9點度返酒店hea同沖涼 (實在太太太熱!!), 約左校長11:30pm   o係lobby等, 於外圍睇搶包山.  點知我沖完涼, 訓左之後就起唔到身…  所以得阿Gil同校長出左去睇… =_=” 點知訓訓下又有d肚餓…  好在阿Gil買左碗粥俾我~~ ^o^  算佢醒啦!!

6號10:30am         校長早我同阿Gil半個鐘走, 咁我同阿Gil check-out左之後就去左香雪海度飲茶, 跟住搭11:15am班船走.  去到香雪海, o個度真係好多人, 可能真係o個度d點心都幾出名啦~  而且又平, 我同阿Gil兩個人, 五款點心連茶位都係HK$46蚊jar~  食食下見都有個人o係度影其他枱o既食客.  望真d… 原來佢係Jason!!!  我即刻同阿Gil講啦!  其實想同Jason打招呼, 不過費時左住佢做野啦.  佢攞住部camera鬼死咁大部, 見佢之後影到大汗dup細汗, 部camera肯定好重啫!!  點知見佢差唔多枱枱都影, 我已經心知不妙喇! (只不過係我唔想上鏡…)  見Jason慢慢”游”過黎… 我好緊張呀~ (一面又要好似冇野咁繼續食…)  當佢影我同阿Gil o個枱o既時候, 我嗌 “ JASON~”  點知佢拎去後面, 以為其他人嗌佢~  原來佢淨係望到阿Gil, 睇我唔到 =_=” haha 之後我地寒暄左兩句就走去搭船lu~

1點鐘左右, 已經番左Gil屋企, 收到 Kitty o既sms, 話見到我係atv news上鏡, 心唸 “Jason!!  又話會cut左佢既~~”.  不過想佢copy個tape俾我. 哈哈!