فى الايام دى من كل سنه الجو بيكون نار فى بيوتنا بنتغلب على ده بالمكيفات والمراوح ونار فى الشارع وبنهرب من حراره الجو بالجرى على المصايف

فى بقه طريقه مبتكره للتغلب على  حر الصيف ايه رايكو تيجوا نعملها سوا

بس قبل ما اقولها تعالو الاول نسال نفسنا هو الحر ده جه منين

الحرده هو نفس من انفاس جهنم

زى ما ورد فى الحديث الشريف

 روى مسلم عن أبي هريرة عن رسول الله صلى الله عليه وسلم قال: "قالت النار: رب أكل بعضي بعضا فأذن لي أتنفس، فأذن لها بنفسين؛ نفس في الشتاء ونفس في الصيف، فما وجدتم من برد أو زمهرير فمن نفس جهنم، وما وجدتم من حر أو حرور فمن نفس جهنم"..

والحر ده ممكن نهرب منه بالطاعت حتقولولى  ازاى ؟

وحسنتخدم المبردات الايمانيه دى  فين وامتى

اولا عباده الاتعاظ والتفكر

فكر اد ايه وانت فى الشارع بتتمنى تروح البيت ملاذك وحمايتك

وفكر اد ايه حر جهنم شديد وما نقدرش نتحمله

ولما تفكر فى ده استغفر ربنا واستعيذ من شر النار

ولو خرجت من الصيف بالعباده دى شوف ده حيكون اد ايه حيكون رصيد  فى ميزان حسناتك

العباده التانيه  سقى الماء

 عن ابن عباس قال..   كل كلمة طيبة صدقة، وعون الرّجل أخاه صدقة، والشربة من الماء يسقيها صدقة، وإماطة الأذى عن الطريق صدقة.

العباده التالته اظلال المسلمين

لو كل واحد منا زرع شجره او عمل مظله تحمى غيره من الشمس

اكيد الجزاء حيكون كبير جدا

وربنا يضاعف لمن يشاء

العباده الرابعه الوضوء

عن ثوبان رضي الله عنه قال: قال رسول الله صلى الله عليه وسلم: "استقيموا ولن تحصوا، واعلموا أن خير أعمالكم الصلاة، ولن يحافظ على الوضوء إلا مؤمن" [ابن ماجه بسند صحيح، الترغيب 311]

والمداومه على الوضوء بتحافظ على ترطيب جسمك وتجديد نشاطك

العباده الخامسه الصوم

من اجمل العبادات صوم  النوافل

وفي حديث أبي موسى أنهم كانوا على ظهر سفينةٍ فسمعوا هاتفا يهتفْ: قفوا أخبركم بقضاء قضاه الله تعالى على نفسه أن من أعطش نفسه لله في يوم حارٍّ يرويه يوم القيامة، قال أبو بردة: فكان أبو موسى لا يمرّ عليه يوم حارٌّ إلا صامه، فجعل يتلوّى فيه من العطش

العباده السادسه

عباده ضبط النفس والتحكم فى الانفعال

كتير مننا بيفقد اعصابه فى الحر وبيثور لاتفه الاسباب

ايه رايكم لو نعود نفسنا نتحكم فى انفعالاتنا شويه وده من باب كف الاذى  والحلم

العباده السابعه

عباده التقرب الى الابناء

فى الصيف ما تيجوا نحاول نوجه ولادنا لاهتمامات بدل الاجازه ما بتضيع فى الفاضى بدون اى استفاده

ونشاركهم شويه فى الاهتمامات دى وبكده حنقرب منهم ونضيق من الفجوه اللى بينا وبينهم

ايه رايكم لو نبتدى

نجرب المبردات الايمانيه ونشوف ايه تاثيرها علينا

فى وجودك امال تتقام
وفى بعدك امال تتهد

وان شفت الدموع فى عنيه
جرحتلى مره الخد

فى حضنك بشوف حنيه
ما لقتها يوم من حد

انا ظهرى بيك اتشد
عمره ماراح ينحنى

مانت الحبيب و بجد
من خوفى طمنتنى

وان عشت يوم وياك
عمرى لسنين يتمد

احلامى ماهيش كبيره
يمكن صحيح على الاد

لكنى معاك اميره
جمالها فاق الحد

هواك ده بحر عالى
بموجه خدنى لفوق

طلع بيه العلالى
ونزلت فبحر شوق

ما يهمنيش لو حغرق
فى جزر ولا فى مد

عايشه الحياه وياك
بكل اشكالها

وكل لحظه معاك
بحب اشكلها

يوم ضحك يوم لعب
يوم حب يوم جد


ماانت الحياه وفى حضنك
كل اللى بتمناه

كل جراحى بتهدى
كل الالم والبرد