Journals
Sunday,Apr 24 2005, 04:49:10 PM４月２５日 點解你真係會知到我心諗
４月２５日
點解你真係會知到我心諗緊咩既？？又再一次證明我地心靈相通！！
愛你
Saturday,Apr 23 2005, 06:32:45 PM4月24日 八茪� 八茪諵F！前幾天並銂
4月24日 八個月
八個月了！前幾天身邊的朋友發生了一些事情，這都曾發生在我倆身上，但我們也能渡過，更加能證明到，我們比別人更堅固！不了解我們的人會覺得我們的關係並不穩固，但是他們錯了...
Tuesday,Apr 19 2005, 04:17:15 AM4月18日 開心滿足充實的一日 今日其
4月18日 開心滿足充實的一日
今日其實都幾辛苦架，因為我有兩個present，仲要兩個連住噤present喎！我1200返到學校，因為時間關係根本無去排過，好驚架！識我既人都知到我一present就抖哂雞，成日不知所醋，有時會傻笑，有時有dead-air....但係今次我兩個present我講得都好流暢，好滿意呀，真係兩年裡面最好既兩個present啦！真係好開心，好興奮呀！打俾bb同佢講，連佢都感受到我既快樂，真好！
搞掂兩個present之後已經差唔多6點啦，約左hazel同kenny食飯，但kenny仲係屋企喎...噤我同hazel兩個都無食lunch，超級肚餓，所以去左仙跡崖食野，一傾計我就b哩巴啦噤...哈哈，我訴苦啦，講我受左d咩委屈呀！~~"之後我地去左issues睇衫...我又忍唔到手啦，買左條裙，hazel就買左件蛤蜊衣，哈哈，兩個都有收穫！kenny之後黎到，噤一定會去佢必行既muji買佢既零食啦，我都有買左糖同朱古力俾臭豬bb！買零食都買左百幾蚊，都真係服左kenny！
行完muji，kenny話要探佢個fd係海港城做sale賣沖涼用品，嘩...請人呀，有成8千幾蚊架！我留左電話俾佢，希望請我啦！^^我地左去影我好耐都無影過既貼紙相啦！bb放工，居然好乖噤應承出黎，嘻嘻，開心(我知你因為我今日開心，所以想我更開心)！噤我地就一行4個去食巴西燒烤喇！巴西燒烤個兩個駐場外國歌手送左隻『love song』俾我+alan，同hazel+kenny！哈哈！我地仲同佢地影相呢！
食完野，我地就散lu！今日真係好好好開心！我俾10分滿分！開心=友情+愛情+滿足感(學業)
有你地真好^^
Sunday,Apr 17 2005, 12:16:54 PM4月16日 今日我準時1200係元氣出現，因
4月16日
今日我準時1200係元氣出現，因為我係一個準時的人(^^信嗎?)原來唔係kitty陪我打電話，係華姐...好彩者，噤都唔洗噤驚...打俾個仆街『豬小姐』同佢道歉喎！好...我控制住自己既情緒，講左句『對唔住』，我覺得好對唔住自己！不過已經過去左了！我將我既經歷講俾任何人知，都會覺得好無奈，覺得我好慘！
之後，我仲要趕返學校做project！係返學途中，同哥哥傾電話，講返我既慘事，我激動到唔記得左落車哦！:p唉，心情唔好，仲要做project，好彩一陣可以去行街街！同邊個行?唔係alan bb，係我阿哥嘛，頭先咪出左場囉！我地去左旺角呀，本來無心睇衫既我，一買就買左3件啦！哥哥都仲未有收穫！之後我邊度仲敢買呀，結果我們既收穫，我3件，哥哥2件，我win+破產！我餓到無力行啦，事關我中午趕住做project只係食左個包包咋！
經alan提議，我地決定去食巴西燒烤，因為太餓喇，我咩都要...嘻嘻！但食得最多都係d茄子呀，瓜呀，粟米呀，蕃薯呀，哥哥話我唔平既都唔食喎！哈哈，但真係好好食嘛！哩餐係我阿哥請既！嘻嘻，多謝！好啦，下次我既！
今日好開心呀！但bb就要食自己喇，哈哈，好啦，下次預埋你喇，唔知你賞唔賞面呢？
Saturday,Apr 16 2005, 07:52:55 AM4月15日 不幸的一天 今茯P期好忙碌，
4月15日 不幸的一天
今個星期好忙碌，因為下個星期有兩個present，所以今日我留係學校趕project到8點幾，最後決定返屋企休息，之後出去反，點知出到去收到一個不幸的電話。
3月15日返工時俾人投訴，到今日4月15日這個無聊客居然會係元朗再一次各投訴我，今次kitty係度,....阿JOE要我聽日1200返到元氣打電話俾個『客人』道歉。好唔開心，點解會有d噤無賴的人大費周章去搞事，做一d損人不利己的事.....已經一個月的事了，也要翻出來搞事。.....好多人都叫我唔好做，part-time者....但我唔想為左哩個小事令其他人難做，所以我唯有吞左佢！
整晚都唔開心，心情好down，！不過有你安慰我，情況左差也能過的！^^不過今次令我知道，如果我有事，無論我有幾煩，幾討厭，你也會陪著我，愛惜我關心我的！
有你在身邊，很舒服哦！