بس للاسف احنا فعلا شعب متخلف
كان المفروض يحصل من زمان
لازم عشان نتحرك لادام نتحد ونكون قلب واحد مش ناس تنزل الشغل وناس طالع ايمانها وحارقه في دمها وبتنادي العصيان المدني
يارب نتغير
يارب

alaho akbar
kol el bahdali hai 3andko
tab ta3alo shoofo 3andna sho sayer
bs el moshkela el nas 3andna be5afo mn el 7okoma
allah yesaberna jamee3an

ويبقى الوضع على ماهو عليه
:(
مفيش اى حاجه حصلت بس بجد انا خايفه من بكرا الله يسترها

على فكره ما حصلش اضراب ولا اى حاجه وكله كان كلام فى الهوا واسفى على شعب مصر وشباب مصر

يا جماعة المشكلة عندنا هي أن الحياة دلوقتي بقت سمك - لبن - تمر هندى و لما نعرف نميز بين تلك الأشياء أكيد حيتنا هتتغير للأحسن... و لما يصحي الضمير و يبقي حي علي طول هنقدر نعطي ... و لما نعطي بضمير أكيد حيتنا هتبقي أفضل

احنا بنتكلم عن الغلا فى الاسعار المصريه
مش عن هولندا
وياريت بس الاضراب ده يجيب حل مش يطينها اكتر

يا ريت بس يحسو بس للاسف ما فيش فايده

بص يقه يا عم الحاج, انت بتحستبها على واحد بيقبض 300 جنية , و انا معاك ان اللي بيقبض 300 جنية ده , ده موظف بقاله حوالي 20سنة في الحكومة , موظف ياعني من الموظفين الكبار , للأسف مش عارف بقى ده وصل للدرجة الكام . على العموم انا هابقى متهاون و هاكرم الحكومة و هاحسبها على واحد بيقبض 600 جنية ياعني الضعف , و تعالى نشوف ده هايآكل بس أزاي؟ , أكل بس مش أي حاجة تانية.
و مش هاقولك ياكل من اكل الزوات اللي هو العدس و الأرز و الكلام الجامد ده. أنا هاقولك الراجل ده هو و مراته و عياله الأتنين (أيه انت عايز واحد بقاله 20سنة موظف مايبقاش متجوز ؟ و لا حتى على الأقل عنده عيلين بس؟ ده كده منظم النسل) هايكلوا فول بس , و كمان مش هاقولك يشتري كيس فول و إزازة زيت و قوطة و عيش و لمون و الكلام الفاضي ده ,تء تء تء ! علشان نوفر هايشتري شقتين فول لكل واحد فيهم و خلصت الحكاية.
ياعني الراجل و عيلته هايفطروا و يتغدوا و يتعشوا فوووووول. (يا بخته)
طيب بكام شقة الفول دلوقتي ؟؟؟؟؟ , انا أقولك بـ 0.75 قرش .× 2 (شقتين لكل واحد) يبقى 1.5 × 4 (عدد أفراد الأسرة) = 6 جنية × 3 (فطار و غده و عشاء)= 18 جنية × 30 يوم (شهر ياعني) = 540 جنية .
كده يتفضل 600 - 540 = 60 جنية ..
ابن المحظوظة فاضل معاه 60 جنية ده أكيد بيعمل بيهم حاجات كتيير قوي .....
بصراحة كده الفضول قتلني و صممت أسأله: (انت بتعمل أيه بالستين جنية دوووول؟)
لقيت الراجل جاوب إجابه مالهالش حل , قالي : دول بقى يا سيدي اللي بيودوني و يجبوني من الشغل اللي بيديني الـ 600 جنية عشان أعرف أجيب الفول............
بصراحة كده. سكت و حطيت لساني جوه بقي و ماعرفتش أقوله أيه ؟!!!!!!!!!!!!!

ده أنا لا قولتيلك مدارس , و لا مستشفى , ولا لبس , و لا نور , و لا مايه , و لا إيجار شقة , و لا إزازة زيت , و لا علبة سمنة , و لا كيلو عدس اللي قرب سعره من كيلو اللحمة , و لا و لا و لا و لا ............... حاجــــــــات كتيييييييييير.
بس تعرف الراجل ده محظوظ بجد مش هزار و لا تريأه : الراجل ده ماعهوش يجيب اللحمة. و ديه حاجة كويسه . , لأنه ماكلش من لحمة الحمير اللي شعب مصر كله كل منها . ياعني من المحتمل بنسبة 80% أن انا و انت نكون أكلنا منها علشان احنا بنتفزلك و ربنا فاتحها علينا شوية و بنروح نشتري لحمة .
شفت بقه قلة الفلوس مفيدة أزاي ؟؟؟؟؟؟؟!!!!!!!
أنت فاهم الحكومة غلط ........
أنت مش قادر تفهمها صح........
الحكومة خايفه على الناس علشاان كده بتحاول تخليهم كلهم فقرة , من اللي بيكلوا فول بس , عشان مايكلوش لحمة الحمير ,,,,,, كده ياراجل تظلم الحكومة و تقول أنها مش قلبها على البلد ,,,,, حاول تغير و جهة نظرك بقه و تعدل علاقتك مع الحكومة.

ياجمـــــــاعة الموضوع مش موضوع غلو أسعار و بس , الموضوع موضوع فســاد كبير طايل كل مؤسسة في البلد , أي حته بتروحها لازم تلاقي فيها فساد , طيب مين السبب , ما اللي بيشتغل في المؤسسات دي أهل البلد برده مش كده و الا أيه ؟؟؟!!!
ياعني مش الحكومة , بس المسئول عن الموضوع و اللي سامح بالفساد ده الناس اللي فوق , طبعا كلكم فاهمين , زي ما بيقولوا المال السايب بيعلم السرقة. و بعدين ماهو انا لما الاقي اللي فوقيه بيسرق ماهو انا لازم اسرق , انا ابقى عبيط لو ما سرقتش, ماهو انا مش عارف أأكل عيالي , و هو مش هايقدر يكلمني علشان هو كمان بيسرق, في حرامي بيمسك حرامي ؟؟؟؟؟؟؟!!!!!!! يبقى أسرق.
كل حاجة في البلد ماشية غلط علشان اللي فوق غلط , كل حاجة من غير تخطيط من غير تنظيم .
يبنوا جراج رمسيس و يصرفوا عليه ملايين و بعدين يلاقوه شكله و حش , يقوموا هادينه عادي جداً بكل بساطه !!!!!!!
ينقلوا تمثال رمسيس من ميدان رمسيس للمتحف الجديد , و أتكلف ملايين الجنيهات , و بعدين يصحوا من النوم و يلاقوا أن المتحف مش هايتبني إلا بعد 10 سنين .
مش عارف أيه حكايتي مع رمسيس , بس الخلاصة أن لازم يبقى فيه تغييييير .
لازم يحصل حاجة , لازم نخلي الحياة في مصر أحسن .
لازم نغير بلدنا بأدينا , مش هنستنى حد يجي يغيرهلنا ,مش محتجين نجيب خبير أجنبي علشان يخططلنا حياتنازي ما بنعمل.
ماعندناش ثقة في نفسنا و لا في قدراتنا .
لحد امتى هنفضل مالناش لازمة . و لا لينا رأي سيبين ناس معندهاش ضمير تتحكم فينا و تنهبنا .
أظن كلامي واضح و اللي ماتأثرش يبقى ماعندوش إحساس و لا غيرة على نفسه على الأقل. مش هاقول أهله و لا بلده.
في النهــــــــــــــــــــــــــــــــــــــــــــــــــــــــــاية ,
• أرجوا أن أرى مصر قريباً في أحسن حال.
• أتمنى أن أرى قوادها على قدر من المسئولية.
• أتمنى أن أرى شبابها قدوة لشباب العالم.
• أتمنى أن أرى شعب مصر خير شعوب الأرض كما ههو مفترض

محمــود ذهـني
مـواطن مصري

كافه القوي الوطنية في مصر
اتفقت كافه القوي الوطنية في مصر علي أن يكون
يوم 6 إبريل
يوم إضراب عام في مصر
يوم 6 إبريل خليك قاعد في البيت أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا

قول لأصاحبك مايروحوش الشغل همه كمان وخليهم يدخلوا الإضراب
أضراب عام في مصر سلمي
أبعت رسايل لخمسة من أصحابك
ولو كل واحد بعت لخمسة
في ظرف يومين البلد كلها حتعرف
بالموبايل
بالأرضي
بالأيميلات
أو حتي رسايل عالشات في قنوات التليفزيون
أنسخوا رسالتنا وأبعتوها تعليق على كل المقالات ألي بتقروها
بيكوا وبينا البلد دي حتتغير أنشاء الله
المسيحين مع المسلمين لصالح مصر

يالا يامحمد يالا يامينا مصر مش هتتغير إلا بإيــــدينـــــا

ياريت كل شعب مصر نفذ الاضراب علي شان نعرف نعيش