Journals
Saturday,Apr 29 2006, 08:29:13 AM我朋友的bb貓~
Thursday,Apr 27 2006, 01:41:43 PM好開心~~
今日發生左兩件好開心的事~~
哈哈~
1.) 又有貓貓相拎獎啦！哈哈哈~~
我姐拎我的貓相去參加柏麗灣攪的比賽，e張拎左『我與寵物組』冠軍
哈哈~~真係好開心，e張相係我自拍架！
飲杯~
重有一張，拎左『寵物組』亞軍，不過未知那一張...
好緊張~~
星期六下午要去領獎law...帶蝙蝠同亞軍主角一齊去先~~
嘻嘻~~係kitty定haro呢？如果係大灰熊orlucky咁點算呢？
2.) 原來我都可以學人整網頁，遲ｄ改好ｐｏｓｔ比大家睇下啦！
不過，點解我的網唔可以係yahoo比人搜索到的呢？
要努力d學先得！加油！
Tuesday,Apr 25 2006, 05:51:32 PM不錯的自由行--尖沙咀
今天，把自己當成外國人，決定以遊客的心遊下香港~~
心情就好似去左旅行，哈哈！好開心...好似好玩過澳門！
可能因為唔洗錢(cheap精！)，香港真係一個好地方，正爆！
去左一個係尖沙咀的xx大樓下的小廣場，平日唔會入去的。
有好多好靚的畫(第一張都係這發現的！)同玉器..正！
有一d賣民族服飾的店，這海報好靚。
只經過，因為唔夠膽行入去，可惜！
hk都好多好有特色的店wo~
這衫仔好可愛，又唔貴，如果我係外國人一定會買！or如果有個仔都買！
去左過個新商場，覺得入面好亂又唔係好多野行。
這個店d野好得意，不過個男仔係咁睇住你睇野，好唔舒服。
好多貓野賣的店...i like it！
佢d野唔係到到有得賣架！
有『廖廖』的匙扣，不過老闆話唔賣，要去日本抽先有。好想要！
好多超人公仔，這是一間用對講機賣野的店，沒店員架！
好想買這個給男朋友~~
如果我可以整到一隻，我一定係超人。
有d幾靚的樓，唔夠澳門靚。
幾靚。
一條好多畫的地下道~
有人以為我係遊客，用英文同我講替我拍照，重叫我玩開心d。
把當中的一個地方放大左~~
這是『相逢何必曾相識』的mv拍攝地
尖沙咀真係有好多遊行點，單是博物館已經5~6個。
好靚，果時5~6pm~~
星光大道正在懷念哥哥---張國榮。
好正，沿途一面有哥哥的電影，一面有哥哥的歌在播。
真的有點令人懷念！
好多人排住同華仔個手拍照~~
李小龍，好型！
可以把手整成鐵，$500可以同bb手拉手整，第日生左要整一個。
剎死動物的毛皮草，都唔知有咩靚。
在這買了一件超like的衫$19，正！
hk都有唔同的建築物~~
我覺得報紙檔是hk的特色之一~
一間教堂，可惜唔可以入去~~
自拍~哈哈~~
有唔有型？
hk有disco玩，正，夜生活勁！旺角有咸野！正！又有賭場，又有shopping的地方~~
分別係唔同地方的兩個bear~
食左一串街邊小食，好味。用舊香港做廣告，醒！
行左2個夜市~~
在廟街買左2個共$60的相架！可以放kitty的相。
我覺得e個亞伯係文物，大家應該保護佢，第日唔知重有無e d。
e間店幾靚，個公仔好q，不過貴左少少，好細個果d都要$35~
hk有唔少不同文化的野賣，是好正的地方。
買左一個$60的袋~~
有風水同塔羅玩，塔羅好多人排隊~~wa~~
好多同sex有關的野賣，哈哈~
男朋友終於放工了~~去左dinner~~好正！不過佢話唔好食。
我教佢講：『雖然d野唔好食，不過同你食就已經好好食！』
買左一對情侶公仔$6一個，差唔多係我地第一個情侶野。
一人掛一個，黑mama係佢，我就穿裙仔。
見到朱古力噴泉
第一次食炸大腸，原來幾好食。
~~~~~~~~~~~~~~~~~~~~~~~~
玩得好開心，下次去那玩好呢！
我要訓練自己可以一個人去旅行，因為都好free wo~哈~~
Monday,Apr 24 2006, 06:00:22 AM變
忙完一排，今早突然回想早陣子工作時討論到『團隊氣氛』的問題...
覺得過去一年『我唔同左好多！』
係唔係因為人大左？定係因為個人灰左？變的係好？係壞？
以前，我覺得自己係一個『積極發言，渴望成為領導』、『即使開戰，都一定要講清楚，你一定要知你有咩唔arm！』的人，事事都想第一個發言，時時都希望『等我來安排啦！大家唔洗操心！』正面的係想件事快d攪掂、我自信會做得比別人更好，負面係覺得『咁好簡單姐，話咁快攪掂，快d講下一樣啦！浪費時間！』、『你睇我幾醒！咁都想得到』、『大家好好跟住我想的來講啦！我講的你地無可能反對law...』.....
依家，唔係唔發言，而係唔到無人有野講我都唔想發言，有d覺得『講多錯多』、『講野要有d策略』、『衝口而出一般帶來好白痴的後果！』....可能，工作上、生活上各方面都出現過唔少事例，令我覺得『企最前係自己白痴仔！』，唔理你出發點係點，件事係點，都對所有野帶來好多影響，當然影響有好有唔好啦！...雖然，依家都未改哂！
好的，我覺得自己『無悔』、『我盡左力』、『我有比大家知我想點、覺得點...之後唔會有人同我講『你無講我知wo！』』、『我為正義而戰過！』、『我為大家好努力』...到底e d係唔係太情緒主導？覺得做左開心就得？有勇無謀左少少？！
唔好的重多，好多時一齊決定的野，因為是我做發表，往往我就成為左箭靶、好多人就係等你衝口死句野出來、講左出來唔見得對方會同意/體諒你的情況、原來大家心中都覺得你太主導討論了...等等...咁，不如唔好講！好似d唔講唔講又比人覺得好合作的人咁，唔係重好咩？
- 無謂的戰爭，唔好助長發動
- 無謂的指責，唔需要回應
- 無謂人對你的誤會，唔一定了消除
- 別人的事務，唔好多管閒事
- 有無把握的仗，都無必要打
- 世界上面有好多人，唔係人人明你想點
- 你唔係世上最出色的人，沒需要要人人認同
- 唔好發言，放棄果d唔值得動氣的人同事
~~~講講下都唔知講緊咩~~~
我想，我要找個平衡，點先可以令自己講唔講野都唔會比人指責，講多少都對件事有益，做咩野都有經過大腦，我要變！
~~~~~~~~~~~~~~~~~~~
昨天的我做band比賽司儀好成功！
哈哈~~好開心，好多人讚我！好似好耐無比人讚過啦！good show！
Saturday,Apr 22 2006, 08:54:04 AM澳門旅行+側田演唱會
大家工作都好忙，根本沒時間收集澳門之旅的相...
就放住一d我有的比大家睇下先啦！
總括而言，這是『攝影學會』肇行的攝影之旅，大家都拍太多照啦！拍好多...大家都研究點先拍得d地方同人最靚。
口號：『I個頭落你老公果到！』
好唔好玩？一般啦，平日去平D好D，決定同樣價錢要4年後先再去。
兩張勁靚的海報，是大學的海報展中找到的
佢地d設計幾正！
這是紅酒博物館，有紅酒飲
拍e幾張相拍左好耐，d行李掉哂係門口，小偷見到都講『正！』重比d保安人員笑tim~
好似去過4間賭場，大家都唔LIKE賭錢，亞公甲左$300輸哂，不過飲左幾杯橙汁同拎左2支水。
記得亞YUEN話『飲橙汁都要飲番$300~哈哈！』
這個是我覺得最靚的賭場~
酒店一般啦！不過第一日可以食X轉餐廳的早餐
點解我個男朋友成日都沒假放？唉！
人地一對對影，我成日一個人影，要找多個有時間去旅行的男朋友先~
英式..唔知咩博物館
行程成日食唔到LUNCH，好在晚餐幾好食
去左好多教堂，都分唔到那間打那間了..
靚嗎？個人地覺得堅道明愛果間靚好多
這是明愛果間，係唔係好靚呢？！
D街就真係幾靚，同一個地方，晚上好唔錯
大三巴..好多人！
SOLA~~
去觀光X，可是KITTY展同白老虎展都已經完左，好心完左就除宣傳啦！
低抄~哈哈,,,幾好，重以為拍唔到..
有個幾靚的木馬~
唔覺好高，最可惜係敵不過孤寒，沒有玩跳樓
係高空，吃雪榚，是賣左亞雞的觀光票買的，$14一杯
唔記得左這是什麼地方，又係有教堂的
有個防空洞可以參觀
在欖車下山見到一個中學同學，好邪，成個旅行遇上佢4次
去到山腳勁肚餓，一齊食串串燒，係世上最好味的燒雞亦
去左賽車博物館
漁人馬頭的人蛇
漁人碼頭真係幾靚，我地拍左成日照，日夜都有
好似送別一個朋友咁..GOOD FEEL~
好似比人罵咁~哈~
攝影學會的人象拍攝
好似SLEEP係棺材咁，哈哈~~好安祥~
好靚，好似人頭馬xo
這是我最喜歡的景，好靚，大家拍左好耐，情侶拍重靚，可是我沒有帶男朋友~.~
飲左一杯好味的街邊涼茶，個老闆好好人
回程時大家唔同船
我、可、yuen坐豪華船，原來有飛機餐食
下次，一定一定唔洗買豪華，原來碼頭真係如同事講，一定有票買，$155，可以玩耐d。
我同石同yuen把亞雞的船票賣左，過程好好笑！好似小販
p.s 重有2個相機的相未收到tim~勁，我估有1000張相，要買多d相簿啦！
~~~~~~~~~~~~~~~~
側田演唱會有幾正？
開哂大家的電話唱歌，幾正WO！
去睇詩敏個日記啦！