Journals
Saturday,Aug 28 2004, 05:22:52 PM一連3日既o'camp終於結束。好好玩
一連3日既o'camp終於結束。好好玩呀，不過都很累。
我地係red house既其中一個team，叫做紅魔鬼。組媽叫angela，組爸就有2個，一個叫阿泰，另一個叫steven，steven係year 3 ga~佢第2次做組爸la~阿泰同angela都係佢上年既組仔組女。
另外，我地仲有一個義父，叫eric。佢原本好想做組爸ga，不過就被迫去做左oc (工作人員)，而佢又同steven，阿泰同angela熟，所以佢就成日過泥我地組玩，做個"aiya組爸"la~
我地舉行camp既地點係天水圍嘉湖銀座海逸酒店，waaaa~我由屋企行去間酒店要5mins jar~咁都叫camp...不過算啦~都未住過hk 酒店~今次就可以試la~
2004年8月26日
行程第一日就係先返city玩下game~培育下團體精神~下晝4:00就開始treasure hunt，由city hunt到出去油尖旺區，一共6個check point，每到一個check point都要做一個task，加上係限時，得2個鐘，所以要勁走勁走。
其中一個check point係去mk既百老匯電器門口大聲唱歌同跳舞，點知我地去到gor陣有一隊攝製隊經過(好似係cable)，就影左我地la~唔知最後有無出街呢 ~!?
去完gor 6個check point就要趕搭6:30pm係美孚開出既一班西鐵去天水圍。雖然係搭車，不過仲有task要做。係每一個站都會有一個oc，我地要落車拎個題目，係車上面做完佢，落車就交。題目包括IQ題，摺紙等，最玩野係扮千手佛影一張相，真係面皮薄d都死。
入到天水圍就去醫肚，之後又去天水圍個公園hunt la~今次仲勁，gor個公園大到嘔，oc比張地圖又簡單到爆，都唔識點搵check point。而其中有個check point係要成team人迫入個電話亭，不過我地16個可以入晒去~勁野!!
返到酒店，大家都要選camp草，初賽gor陣，我地紅魔鬼組就由一個貌似譚耀文mix郭晉安，叫做阿姜既男仔當選camp草，camp花就係一個叫阿兒既女仔，佢幾靚ga，有d似mix~不過佢話自己唔係。之後我地成team要做一個drama，由camp花camp草做主角，我地個drama既主題就係選花魁，所有角色都係反寸，超好笑。
做完drama，就有複賽，由house cap再選出代表red house既camp花camp草，結果我地既阿姜勝出左~
2004年8月27日
原訂今日有水戰，但係因為天氣不穩，結果cancelled。咁我地就唯有係酒店hea la~steven爸好利害，佢帶定晒層層疊，扭扭樂同啤牌泥~我地就係靠lee d野打發時間la。
我地用啤牌玩"非洲話事啤"，結果我連輸兩局，兩局都係0點，好在罰d野都好少事。不過之後隔離team既組爸同我地既組爸玩就勁la，佢地罰輸左要塞個頭落廁所，濕到水gor隻，好在之後我地既組爸都贏。
下晝就返city，玩soci game~即係模擬人生。個game一開始就指定左每個人都有一個身份，我就係中產階級，有$1000，魅力，感情，事業同健康都有20點。
我同另一個組女靜兒一齊玩墜落，一開始就去賣翻版vcd，之後又做雞，再販毒，入埋黑社會跟大佬，之後去劫獄，又叫鴨，仲生埋花柳。最後就搵個貴族嫁左佢，由原本既中產階層升級做貴族。
我覺得最好笑係劫獄，因為義父係負責扮黑社會，而我地既組媽就負責守監獄，gor時我地既組仔阿姜同飛飛都比人捉左去坐監，義父見到就即刻拉我地成班組仔組女話要劫獄，叫佢放人(註:原本個game無劫獄lee個環節ga~)，最後仲成功tim~激死組媽。
仲有，義父係場入面，只要見到我地d組仔組女，就會無端端比d $我地，話「拎d去洗」haha~破壞晒遊戲規則。笑死~
夜晚食完飯就去石硤尾體育館玩camp fire。lee個camp fire好悶呀，camp fire都係跳舞ga la，不過d oc 選d歌又無人識，咩「成吉思汗」，「狂歡」，d舞既動作又多，又難記，跟本如果唔係跟住一步一步係唔會記得點跳，所以無人可以係播住音樂既情況下跳得成隻舞。d歌又多~有5首歌，平均每隻舞都係跳得一兩次。如果跳多d，跳熟d會好玩d。
之後又話原來每一組都有一個spy，要我地估返出泥，我地個個都以為係一個叫佩儀既女仔，點知原來係靜兒，佢係同我同房ga...我完全唔覺得佢係spy，佢個樣又細個。 原來佢係csm year 2 ga。我地本來話扮嬲佢半程車，最後都無。
夜晚返酒店，我地成team人通頂唔訓，一齊玩強姦犯，即係類似killer既game，泰爸不停比人玩，之後又玩truth or dare，不過其實個個都選truth，因為我地定左dare係親吻我既右腳。義父超級邪，成晚一共中左11次，佢咩野都比我地知道晒，包括拍幾多次拖，幾時第一次，對上一次既性關係係幾時，佢都有d無奈。
玩完差唔多6:00就開始講鬼故，到7:00大家都頂唔順就一齊訓，10幾個人就迫晒係一間房既地下一齊訓。
2004年8月28日
經過一晚通頂，第2日大家都有d頹。
一早就去天水圍體育館玩集體遊戲，玩過小皮球la，踩報紙la，玩完就返city食飯同進行"畢業禮"la。
我地red house同black house同分，就由house cap代表鬥快飲汽水，我地red house d house cap見到汽水都驚，因為入camp之前為左準備d打氣用既水樽，要不停飲汽水，不過佢地都贏左，於是我地red house就係冠軍la，輸左既blue house就要由house cap飲一杯由好多野mix埋既汽水，勁核突。
之後我地red house就去左羅馬廣場影相，又由各組爸組媽分享感受，佢地個個都喊呀~仲有，從來都未見過阿泰咁認真ga~不過我都知佢地好辛苦ga la~阿泰之前同我講，話oc gor班人其實做野好有問題，又成日塞d野比組爸組媽做，好多時開會都會勁插佢地。
之後我地又互相係件camp tee度簽名，仲約埋禮拜一齊食lunch。
其實o'camp真係玩得好開心ga，又無mud核突野玩，核突gor d其實都係私底下自己玩，例如玩得最多既con人，阿泰試過一晚比人con兩次。真係未試過同一班完全唔識既人一齊喪玩幾日同訓幾晚，諗落都幾得意。
Sunday,Aug 15 2004, 09:05:14 AM阿珊和我的小同nikki都不約而同
阿珊和我的小學同學nikki都不約而同考進了樹仁的journal，今天我就約了她二人出來，讓她們結識，之後開課，就可以有個伴了。
三個女生，在一所餐廳中，無所不談。當中談到nikki在幼稚園時很喜歡穿裙子，她說學校提供兩套校服，一套是裙，一套是褲，如果那天早上，媽媽要她穿褲子，她會不開心。回想自己小時候，好像從來沒有特別喜歡穿裙子，當然媽媽會買給我穿，但我並不會有特別的感覺。到小學時，更加反而喜歡穿褲子，因為比較方便。
小時候最要好的朋友，應該是表妹toni，因為我們的年紀相約，她只比我小四個月，她也不是個斯文的女生，我們走在一起時，也玩些粗魯的遊戲，例如四駒車，我們又會跟哥哥踢球。我們也同樣束短髮。
今天，阿珊亦指出，在初中時，好多同學都以為我是喜歡女生的呢，因為我太像男生，人家以為我是tb....
說實的，我又的確覺得自己比較跟男生合得來。其實自小學開始，就已經經常跟男生玩。中學時，更加開始跟男生到操場打籃球，這個現象在譚中是比較罕見的。
直到出來工作，同事又會問我為何改一個男生的英文名字(註:其實這個名字男女生可以用)，他們又指我粗魯，因為我經常說「打爆你個頭呀!」
....原來不知道從何時開始，我已經忘記了自己是女生。
Thursday,Aug 12 2004, 04:56:57 PM今天去了city reg，算是向「大」
今天去了city reg，算是向「大學」生活踏進了一步。唯一的感覺是...有點不安。
首先，大學校園是無比的大，我這個路癡，到底要走多少冤枉路才可以認清路線，希望到時上課不會因迷路而遲到。
而且，我亦明白，「大學」的生活，不單單是吸收智識，還著重拓闊生活圈子，可惜與人溝通是我最弱的一環。早幾天看到林詠琛的一篇專欄，相當有同感，她與我同樣害怕撥電話給別人，即使面對著知己好友，我們都從不會主動致電問候或聊天，只有對方偶爾來電查看你死了沒有。事實上，有時當我有重要事要利用電話通知別人，在我撥號前，我會猶豫並且感到憂慮(caution:案例同樣適用於知己好友，甚至男朋友!!)試問電話是自從被發明以來，一直被視為與人溝通的重要工具，我卻對它存有恐懼，又如何與人溝通及保持聯絡 ~!?
同時，「大學」生活亦多姿多采，要我同時兼顧溫習，課外活動(今天我apply了photographic soc和drama soc!)及自我增值，實在有點難度，所以時間管理也將會是我必修的一課。
無論如何，一切仍須積極面對。
reach for the stars，even if u have to stand on a cactus.yuren,keep going~
Tuesday,Aug 10 2004, 10:08:00 AMprogramme offered institution: cityU programm
programme offered
institution: cityU
programme code: 1949
programme title: associate of social science in community services management
reg date: 12/8
Monday,Aug 9 2004, 02:28:14 PM今天終於收到補 八達通卡的通知
今天終於收到補領八達通卡的通知信。
信上指我八達通卡的餘值只有$12.5，那天我明明增值了$50，之後只乘坐了一程地鐵，按理卡的餘值應該有$44。換言之，有人拾了我的失卡去用....很可惡!!!
看來我要買一個掛頸八達通套，好似小朋友一樣將八達通卡掛在頸上，就不會再遺失了。而且要在卡上裝置一個反應彈，萬一再遺失了卡，只要有人拾到拿去用，他一旦拍卡，就立刻爆炸，手都炸斷佢 8-)