Journals
Thursday,Sep 30 2004, 02:05:08 PM昨天是公眾假期，但我跟同emily,...
昨天是公眾假期，但我跟同學emily, charmaine和petty早就返回city做project，因為今天IC就要present，題目是social manners。
因為我們將注意力集中在table manners上，所以我們就要準備好一切餐桌用具，包括刀叉，餐巾。由於人數頗多，加上每人都最少要用2隻叉，如果全部都要購置，單單餐具就要花上一大筆金錢，為了節省成本，我們就到canteen去偷!!
昨天我們四人一人吃一個下午茶餐，之後每人借機拿十幾隻刀叉，悄悄收入袋中，牛油又每人偷4,5塊，情形勁是樣衰，坐在我們後面枱的女食客亦眼見我們將十多隻刀叉放入袋中…
之後我和charmaine又跟emily學摺餐巾，我們二人一共摺了十八張，而且越摺越快，越摺越靚，那一刻簡直覺得自己是一個真正的waitress。
準備完餐具餐巾，之後就再做卡片，大概九時我們才收工回家….感覺就好像中六選學生會時，大家在m記開會至十時，十一時才回家一樣。
晚上回家仍然有工作，要準備powerpoint及自己的稿詞，大約到凌晨四時才準備好一切上床睡覺!!
睡了兩小時，今日早上六時就起床，八時正到又一城百佳去買腸仔和火腿。之後就回city報置課室和煮食物。
九時半大家都到齊，因為我們以婚禮為主題，故此大部份女同學都”撐得好行”，將最grand的裙子都拿出來，唯獨我比較攪笑，因為我要扮演新郎，但我就只有西褲，於是我就問了男同學jack借了一件恤衫和tie，但始終他是男生，他的恤衫是無敵的大件，對於我完全衣不稱身，而且我下半身只穿了new balance波鞋一對，跟上身是不配合的…..
Present開始，基本上就是大家邊吃邊學習禮儀，而我跟新娘petty就要做個最正宗的示範，dem一次比各同學看。整體感覺上，大家亦很有興趣去學，去聽，但我們因為沒有rehearsal，所以present起來比較欠流暢，而且情序有點亂。
在present完了後，我才醒覺我使用的香檳杯是沒有洗過的…話說我們為求達到真實的效果，新郎新娘二人的餐具是堅的，其他人則用紙杯紙碟，而因為各人家中亦沒有香檳杯，就唯有到百佳去買，$13一隻，買了之後就一直放在locker，並沒有先洗過…..而買的時候，我們都覺得那2隻杯是極dirty的….=.=
Monday,Sep 27 2004, 05:05:21 PM一連3日既玩樂日又過了... 2004年9
一連3日既玩樂日又過了...
2004年9月24日
一早約左紅魔鬼今日去做義工，整月餅比公公婆婆食。lee項富有意義既活動由義父德叔提出，眾人聽後亦立刻答應赴會，因為未整過月餅!今次都係一個好人齊既re-u~除左gela, fion, stephenie, 其他人都到齊，義父既號召力真係大。
6:30pm於太子地鐵站集合，之後去到附近一座樓宇，睇落去...似住宅。上去2樓，原來係一間義工中心既office。
整野食，當然先要洗手，10幾個人就倫住去廁所洗手。
之後就有2位婆婆教我地整月餅la~首先，將d 白蓮蓉磋成一個個圓球，之後將d麵粉磋成餅狀，包一粒蓮蓉入去，再將佢壓落一個餅模度，將多餘既麵粉搣返出泥，再大力敲打餅模就可以將個月餅拎返出泥la。過程~就係咁簡單!
德叔同steven爸絕對係精壯男子，佢地打個餅模gor陣勁大力。阿泰就一定係自細做勞作勁核突gor d人，因為佢磋出泥d餅都唔見得人...haha
我地一路整緊餅，亦有其他婆婆幫手將d月餅拎去焗，原來月餅要先焗15分鐘，之後拎出泥掃d油上去，再拎返入去焗，咁整出泥就金黃色la。
d餅焗好之後，婆婆仲切左幾個比我地食，原來剛剛焗好既月餅係脆皮ga，而且成個餅都只係得蓮蓉，無蛋黃，再加左d自己既汗水，真係好好吃~
因為人太多，材料又有限，我地整到9:00pm就已經整好晒。之後就開始拍照留念，今日大家都癲左，一見到有人舉機就要攝埋去，所以影左十幾廿張都係團體相，有人想影2人合照，就要匿匿埋埋唔好比人發現。
臨走gor陣，婆婆仲拎d保鮮袋出泥，話我地拎一個月餅走，真係好呀~又食又拎!!
2004年9月25日
因為之前一晚整完月餅同紅魔鬼去左打邊爐，玩到好夜，返到屋企3:00am先訓。今日又要8:00am起身執野入camp，真係勁辛苦。今次去既係csm d mentor 攪既camp。
返到city，首先係briefing。成個csm有120幾人，lee個camp就有60人參加，mentor將我地d tutorial group拆散晒，即係同你一齊玩gor d人會係你完全唔識既人...而我就比人派左去第3 group，好在，我有一個組員係同我一樣係T03既jei，就係rachel。我地個組名叫「油炸三寶」。
因為抽簽抽到我地要去上水粉嶺treasure hunt，理所當然，我地就係坐火車去。可惜，mentor勁玩野，我地要係火車上面玩warm up game，就係跑火車，即係火車每停一個站，我地就要出門口，跑去前面gor卡入返車，係我地差唔多玩完個game gor陣，發生左最不幸既事，就係有一個組員阿兒上唔返車....我地就唯有約左係下一個車站會合返。好在，佢都安全無事，無嚇親或者喊。
到左上粉，就開始treasure hunt，我地要自己憑一個迷面估返個地方出泥，去到之後仲要做一個task，好在，我地有一個member識識地上粉既路。
我地玩完5個task，都差唔多夠鐘，之後就放棄左最後一個task，去左買餸，因為我地個camp site係個青年旅舍，係連飯都要自己煮，米油鹽都唔提供gor d。好在有個女仔(vicky)平日係屋企有煮開餸，佢就係有限既資金下(10個人，每人有$13，不過餐飯要煮比13個人食，而且一定要五餸一湯，)，決定左煮粟米湯，蕃茄炒蛋，炒菜，薯仔雞翼，青瓜炒肉片同豆腐煮肉碎。
買完餸就係大埔坐巴士入大尾篤白普理營，去到都5:00pm，大家settle down就即開始煮飯，因為廚房太細，每組都只係派4個人入去煮，其他人就要傾下夜晚個drama。我地第3組既drama題目係「阿sam誤闖朱羅紀」。係傾既時候，我發現rachel係扮mud似mud既人，最勁就係扮速龍。而佢最後亦因為咁，贏左個最佳女主角獎。而其他group既表演都好爆笑，有唐伯虎點貞子la，大戰x man la~真係笑死。
之後玩左個叫night killer既game，勁玩野~第2局gor陣，第一個死就係我，因為mentor一話個game開始，我就向前捉住一個人問係咪friend，點知佢就係killer，之後我就睇晒所有人玩，勁好笑，有d人(例如joey)會唔比人捉，有人掂到佢就推開人，咁就可以捱到最後都唔洗死。
做完drama就去行夜山，全部人被分開2個人一pair咁上山，其實個山好小兒科jei，15分鐘就行完，不過夜麻麻，都咪話唔驚。我地要一路行一路搵d check point，之後cup一個印，集齊12個印就代表贏la~我好勁呀~我齊晒12個印ga，最勁就係之後麥sir話，行山gor陣，有d人會十指緊扣，仲要唔係男同男，女同女....wow~~~
行完山就返去沖涼，今日既活動就到此結束，不過我地又點會咁快停，之後我地去左人地房玩。
2004年9月26日
通宵既節目就係玩killer，耍盲雞同皇帝。玩耍盲雞先勁，間房就勁細，但係有差唔多10個人玩，大家為免比人捉到，攝入床下底，爬上碌架床，跨欄咁跳過個人，真係無所不用其極。
玩到7:00am左右，大家都開始頂唔順，又10幾人迫係一間房訓。訓左一個鐘，食完早餐，又玩左d集體game，就開始影相留念既環節la，影完相，mentor安排左我地每個人係背脊貼一張A4紙，之後等其仔人係你背脊寫低一d對個camp或者對你既評語。寫完之後我睇返，幾乎全張既內容都一樣，就係「terry你都幾玩得ga wor」haha~~~真係攪笑，我究竟做過咩令大家有咁既感覺呢，我已經玩得唔算癲ga la~
玩完就出camp la，我地出返大埔食飯，食完就返屋企la~
今次係第2次同一班唔識既人一齊玩，一齊訓，不過我覺得無上次咁興奮，可能因為上次住酒店soft d la~今次個青年旅舍，d mentor都話似監房，haha~訓碌架床，有冷氣已經好好ga la，又共用廁所la，廁所又勁多蚊，飯又要自己煮，煮完要自己洗。
而且去完個camp，好似都仲係同d人唔係好熟咁...可能同我一group gor d女仔都唔係咁啱玩la，佢地都係d斯文既乖女樣泥既，而且係其他tutorial既人，基本上，去完camp都未必會再一齊玩。而自己tutorial 既人又無mud一齊相處過...所以關係都無mud改善....
Tuesday,Sep 21 2004, 01:41:12 PM又過了一個 廢的星期二... 星期
又過了一個頹廢的星期二...
星期二的時間表就是九半回校上一堂實用普通話的lab課，基本上，就只是每個同學都帶著耳機，跟著錄音帶讀生字。由於仍然是晨早的關係，一般而言，同學們都只是聽了一個音就跟著發一個音，實際在讀甚麼字呢，就連自己也不知道，而老師又不大理會我們...所以是頹的一課。
一個小時的break後，就上IT的lab，IT教的其實都是MS Word，Excel等的常用software，一早懂得用的同學都只是自己上下網，不懂的亦只是跟著老師click下click下，所以IT也是輕易捱過的。
緊接就要上psy的tutorial。原本心理學是一門有趣的科目，可惜我們的tutor Roger roger的說話實在太玄，同學們經常都不明白他問甚麼，想我們答甚麼，所以roger的問題常常得不到回應。而大家下課後亦會議論「他今天究竟教了甚麼?」所以...psy也是頹的。
2個小時的lunch之後，就是IT lecture。授課老師叫Terry lam，其實我們IT的lab也是他教的。他實在是廢。從mentor口中就知道他最高紀錄試過只有7人上lecture，而他亦可以無動於衷，講一句「今天這麼少人?不打緊，繼續上課」相信他都習慣了學生走他的課。所以星期二的下午，大多數同學都給自己編節目，例如逛街，補習。沒有走堂的學生，亦只是在位子上談天或睡覺。
就這樣，星期二就頹過了...
給嚴sir的話:
haha~你終於回歸了。你的日本essay還在我手上呢，有時間最好把他贖回吧!
我讀的一科叫associate of social science in community services management，中譯社區服務管理。
Monday,Sep 13 2004, 02:03:52 PM一段長時間沒有在留言，每次打
一段長時間沒有在此留言，每次打開網頁總有"沒甚麼需要記"的心態。
開學已經有3個星期，算是習慣了，起碼"需要去的地方"都已經認得路，而無需要去的地方，亦已經由組爸帶路走過一次，發現city有很多神秘的地方，例如3樓半，封鎖的會議室，消失的的樓梯...
所有的lecture和tutorial都上過一遍，對各科都有個簡淺了解，上課並非全英文，可能講者都怕我們不適應，總有一兩句中文輔助，所以都能投入課堂。而暫時尚未有走堂的紀錄在我身上出現。
p.s.其實我要上的科目包括introdution to psychology，understanding sociology，interpersonal communication，introduction to information technology，practical putonghua.
city的canteen已經開始吃膩了，幾乎每天都幫襯，水準的確麻麻，而且款式不多...但如果要走到傳說中的南山村去用膳，未免太遠，一個小時的lunch會比較趕。
大學的生活的確十分自由，卻少了一份親切感。三個星期仍然不記得某些同學的名字，各人之間的話題好像不多，是因為大家都慢熱內向嗎?
上個星期跟中學同學聚了一次舊，大家的話題都圍繞中學生活，但卻開始出現些分歧，3位city的學生就雞啄唔斷，poly的學生卻沒有甚麼可以奉告，還未開學的朋友仔更加對大學一無所知。將來，大家的感情還能維繫嗎?