Journals
Sunday,Oct 31 2004, 01:55:28 PM自從6230由屎坑撈返上泥之後，一
自從6230由屎坑撈返上泥之後，一直都未開過機。今日起身終於做左lee個試驗，發現螢幕無左燈，不過打出打入都無問題。
於是就去左mk既nokia維修部問下整唔整到，結果維修員發現機身有液體滲入情況，非保養範圍以內，如果要整，就要比$2200....waaaaa~緊係唔整啦。
之後去先達問過2間鋪頭，一間話整要$400，另一間話無得整住，因為零件未返wor。
唉~依家都唔知點好，整~又怕整完之後會爆炸，一係就比人呃，聽講mk有d鋪頭，整完之後，個電話既外觀就無事，不過入面d零件就唔同晒，換晒第2 d野比你....勁驚lor
Saturday,Oct 30 2004, 03:05:31 PM今日係csm會BBQ~ 身為會幹事既我
今日係csm班會BBQ~
身為班會幹事既我，一大早就去到舊咖啡灣準備一切~好可惜，世界上最悲慘既事就發生左~我係換褲既時候，趺左個手提電話落屎坑呀~係公廁既屎坑呀!!!!我既6230呀~~~~~~
簡直當堂想喊出泥呀~我望住佢咚咚咚咁滾落屎坑個窿度ga~~之後搵到一對洗碗gor d手套就伸隻手入去執返佢~執起既時候，個畫面已經黑晒，之後沖一沖水，就即刻拆d電出泥抹乾佢啦。唉~好在gor陣仲好早~無人去燒野食~個廁所仲好乾淨，如果唔係...都唔知執唔執好啦~
之後就開始第一個warm up game啦，係搶食，雖然大家都覺得，即使輸晒搶唔到野返泥，都唔洗怕，因為班會唔會賤到真係唔比野你燒，不過大家都仲幾投入咁去玩，真係好。結果T03勁野呀~綿花糖啦，蜜糖啦，蜜糖掃啦，都搶晒返泥。之後就開始燒啦~有好多野食呀~魚蛋啦，丸啦，扒啦，雞翼啦，仲要每樣都大大份~~真係十日十夜都食唔晒。最勁呀係主席藍藍，佢居然準備左烏冬lor~~~我第一次見人燒烏冬ga，佢用錫紙包住，之後加d沙爹醬，又係放係爐邊烘佢lor。不過唔係咁好食，因為d烏冬無用水煮開佢，有d硬lor個口感~
燒到3:00幾就又玩games。我地準備左精彩絕倫既集體games。
首先係收買佬，其中一樣係要救生員既簽名，我見佢地好攪笑lor~有一班救生員坐係個塔下面，我地d人一埋到佢地身邊，d救生員就互相指，即刻"搵佢啦，搵佢啦"咁推卸，哈哈，不過都有人拎到簽名返泥wor。
之後玩蟲蟲，其實係要d人一排坐係地，qiu住對腳係前面個人度，之後用個patpat向前前進，好多女仔見我地dem完之後都表露出一個覺得個game好核突，要好多身體接觸咁既表情，其實無mud野既....我地已經放寬左好多個遊戲規則ga啦。
再玩埋搶頭巾，就轉去玩分組games。我同carpark就負責左「異獸戰」，玩法就係一team人只可用手同腳做支點，之後互相扶持，組成一個物體向前行，咁越少支點就緊係越好啦。d人好勁lor~第一組泥玩，d男仔已經前後各揹一個咁行，之後t03泥玩仲癲，後面揹2個，結果行左2步d人就向後趺....hahahaha
之後玩埋大懲罰，就係要2組輸家係沙灘跳nami nami~勁壯觀~一排20幾人打橫咁排海邊跳nami nami~~~~~~之後影下相咁就返屋企啦~好累呀~
今日都算幾成功啦，mentor樹熊走gor陣都同我地講，幾好玩呀~好過佢地上年攪gor個tim~~~呵呵~真係好~
Saturday,Oct 16 2004, 05:12:31 PM早幾天，媽媽開始替人照顧一個小
早幾天，媽媽開始替人照顧一個小男孩。男孩七歲大，讀小學一年級，每天放學後就來我家吃飯，做功課，晚飯後家人才接他走。
小男孩一點也不怕陌生，甚至十分百厭，第一次見他已經多多說話。
今天星期六，他的家人也要上班，於是小男孩又來了我家。
他最喜歡扮野。做功課時常常說不懂得做，要我教，但他其實只是在做copy book，抄寫生字又豈會唔識做....叫他做中文作業，又說不用做，但明明手冊寫著要做練習10....叫他去完廁所要洗手，他又說洗了，明明沒有聽見水聲，唯有硬捉他入去「洗多一次」....叫他將掉在地上的東西拾起，又說看不到，沒有東西掉在地上....
除了扮野，就是喜歡玩公仔~今天他入我房拿我的jenny來看，我不許他看，將房門反鎖，他就發脾氣了，亂掉cushion，又打我，結果換來郭太怒罵，指他沒有禮貌，之後全世界當他透明，任他大聲哭叫也沒人理，結果自己無癮收聲。
晚上吃飯時，又是坐不定，之後我說跟他鬥快，他才三扒兩撥地將食物倒進口，吃完就任他自己玩。
小朋友，實在難教，忍不到，真想打爆佢個頭!!!
Tuesday,Oct 5 2004, 04:27:09 PM 為家有訂閱Time，而Time又將我
因為家中有訂閱Time