Journals
Thursday,Dec 28 2006, 04:50:45 AM地震...震到好LAG...全篇曹SIR 好了
港股最瘋狂一次係1972年5月至73年3月，恒生指數由400點升至1773點，升幅超過四倍，時間超過十個月。當年我老曹同森池兄1200點開始睇淡，我老曹老闆當年極度不滿，因此派一位唔識投資人接管投資公司，由佢弗。公司恒指1300點時決定重返股票市場，眼見恒生指數3月9日直上1774點，我老曹同森池兄成為全港最最斯人獨憔悴者。1973年3月9日後股市狂瀉，同年5月見600點，公司當時已陷入虧損，但係冇人肯止蝕。1974年12月我老曹服務投資公司宣布結業；我老曹1974年8月恒生指數450點時入市，一樣損失慘重，兼初嘗失業滋味。從此我老曹離開投資公司，並以寫文章為生，希望別人唔好再犯相同錯誤。
國企保險及銀行股成狂潮主題
1986年10月恒生指數打破上阻力1810點，理由係香港有恒指期貨，吸引大量新投資者入市，期指高水帶動套戥行為（拋空期指買入三十三隻成分股賺差價），引發另一股市狂潮。恒指一直上升至1987年10月3968點，時間一年，升幅超過一倍。當大市開始回落時，李福兆宣布停市四天，令套戥行為無法進行。復牌日恒生指數直插落2000點，政府動用十九億元外基金救市，從事套戥者損失慘重（因部分期貨經紀行結業，無法套現）。狂潮來之時一如海嘯無法阻止，退之時亦無法留住。
第三個狂潮係1990年波斯灣戰爭，令美國經濟出現軟陸而宣布減息，香港經濟因內地因素而過熱，本應加息。為阻止港元升值，香港進入負利率時代（即利率低於CPI增長率），結果引發資產升值狂潮。恒生指數1992年再升穿4000點，至1997年16000多點，升幅四倍，時間共五年。
1999至2000年首季科網狂潮，比起以上三個大浪只係小兒科。呢次A股狂潮，起因係2002年1月起美元貶值，人民幣跟從，令資金首先湧入樓市，受政府壓制；2006年開始湧入股市，引發呢次A股狂潮【圖】，交投大增。內地A股12月份打破2001年高點後，相信已無人能阻狂潮發生。
每一狂潮必有主題。1973年係置地及怡和做領袖股，1987年係期指，1997年係北控（392）及上海實業（363），2000年係電盈（008）及中移動（941），今次係國企股中保險股同銀行股。今天恒生指數已超越1997年16000多點，但北控擒日收市係十六元六角（1997年高峰期六十五元）、上海實業成十六元三角四仙（1997年高峰期六十元）；今天電盈同2000年高峰比較，更係一個天一個地。狂潮有如海嘯，來之時氣勢滂，退之後滿目瘡痍。呢次由內地保險A股同銀行A股所引發狂潮，相信最後結果亦一樣。今天無人能阻止它上升，他日退潮留下亦只係破壞。
不讓人民幣升值，令資金轉向房地產發洩。2005年3月26日「國八條」未能阻止樓價上升，今年5月17日推出「國六條」，6月1日起購買住房不足五年轉手者抽營業稅；7月26日再抽個人住房轉換稅（樓價差20％），然後再推出限制外資購房及提升買樓首期，由樓價20％上升至樓價30％；近期再推出90╱70方案（新建住房70％單位面積九十平方米以下）。今年除上海外，其他城市樓價仍然上升；唔單止咁，今年儲蓄存款開始流入股市，唔少新股民初嘗甜頭後，漸漸引發A股上升狂潮。
利率、率、貨幣政策（例如銀行儲備金多少）乃調整經濟工具，亦係聯制度（或掛）缺點所在。港元與美元聯結果，不但港元價跟住美元升降，同時令利率成為調節價而非經濟工具。例如1990至93年港府為阻止港元升值，香港經濟過熱期減息，引發資產升值潮。資產價格由回報（例如租金及股息）決定，回報高低又由銀行利率高低決定；如存款收息無法抵銷通脹率，資金便流向股票市場及物業市場尋求較高回報，引發資產升值潮。
我老曹首次感覺其威力係1988至89年日本。G7廣場會議後，美國要求日圓大幅升值，日本政府為拖慢日圓升值速度而減息及濫發貨幣，令日經平均指數及日本樓價狂升，所造成破壞至今未能恢復。第二次係1990至97年香港，今天恒生指數及豪宅價格雖然已超過1997年8月，但中價樓及下價樓同1997年8月比較仲差40％或以上。十多年香港所經歷Boom & Bust對全港中產階級所帶影響，已唔使我老曹覆述矣。
Saturday,Dec 23 2006, 03:50:20 AM 是日星期六
今天星期六,如常的上班,不過今天跟平常不一樣,很可能要超時到六點!勁呀!
這是因為昨天早走了的關係.....很快便在這裡兩個月了,so far so good 啦,下個月應該有人工加~好野~
不過距離我的目標仲有不少距離,所以要努力努力!
由於聖誕期間,不用工作,因此也不會來打文章!因此先在這裡跟各位說聲merry christmas!
是日曹sir
今年恒生指數上升接近30％，有幾多人跑贏大市？表現最出色一段日子係6月13日恒生指數由15204.86上升至11月23日19404.01，升幅27.6％；11月23日之後股市開始搖擺不定。
請唔好過分相信資產負債表或走勢分析，多D信自己直覺，許多時你直覺較唔少專家分析更好。唔好相信運氣，大部分成功者背後係努力工作結果；清晰頭腦配合一定資本、嚴守紀律、學曉風險管理、勇於止蝕、抵受得住獲利回吐引誘，你已接近成功。成功投資唔使記住，失敗例子卻唔好忘記，以免日後重蹈覆轍。只要努力避免犯嚴重錯誤，蚊年便會滾滾而來。
投資要練精學懶
唔好成為群眾一分子，唔好被眼前利潤吸引，學習從相反角度諗問題，因為成功永遠屬少數人士，樂極生悲例子經常發生，常常記住「Too good to be true!」教訓。留意警告訊號，所有大災難發生之前都有先兆，唔會突然發生，只係人們唔留心。請向「諾亞」學習，晴天之時造好「方舟」，而唔係船沉之時才搵救生艇。鐵達尼號沉沒理由，係因為船長過分自信。請記住，一天未獲利回吐，你所擁有都只係紙上富貴，唔好沾沾自喜，多D留意股價動向，必要時採取行動。市場只酬勞D方向正確及時機把握得準投資者，而唔係每周工作六十小時勤力者，勤力的人只宜打工，不宜做投資；做投資要「練精學懶」。投資唔係群體工作，許多時需要係獨立思考能力，保持獲得資訊；上述都唔係最重要，最重要係分析能力及決定能力。每天有大量資訊各種媒體上出現，獲得資訊並唔困難，困難係點樣分析及作決定，有時減少D資訊反而係好事。分析力與決定力來自清晰頭腦，如你有位吵鬧伴侶，一定影響你分析力及決定力。如你有一班豬朋狗友令你夜夜笙歌，每天起床唔在狀態，都影響你分析力及決定力，因為疲倦的腦袋一定唔係清晰頭腦。
2006年香港係內地企業上市年。今年香港交易所（388）集資數目超過倫敦，世界排名第二。明年又點？明年大型國企將實現滬港兩地A＋H同步上市，規模更勝今年。相信明年恒生指數升幅有限，因為將有大量新股上市，炒新股熱潮將推至更高（因為內地市民儲蓄資金開始大量進入市場，其中又以申請新股為主）。明年內地A股股價將刺激本港H股上升，造成H股股價長期處於偏高水平。
今年新股上市大部分表現出色，吸引更多資金申請新股。明年上市新股將強調八大行業︰一、軍事工業；二、電網；三、電力；四；石化工業；五、電信；六、煤炭；七、民航；八、航運；並以國企為主流。由於大量新股上市，過去表現失色港股可能被邊緣化，形成強者更強、弱者更弱局面，部分上市公司因集資困難，股價出現巨大跌幅，成為牛市中巨熊股，呢點宜小心。
Friday,Dec 22 2006, 04:26:40 AMVIX預測股市準確性達63％
今日係農曆十一月初三冬至,大家都會早早返家,所以原本今日要超時的工作,都會安排到明天去努力...簡單而言是延長死亡..........
「你的酒量如何？」上述居然係北京及上海一些大公司面試其中一個問題，部分更當場測試，要求應徵大學生當場飲一杯二鍋頭再問問題，有幾個大學生連飲四、五杯一D事都冇，便當場錄用！搵工居然要考酒量，相信係中國特有！亦可以反映內地問題：公司一有問題就搵高官飲酒食飯搞掂。希望內地飲酒文化適可而止，不然真係失禮死人。
今日曹sir
有人擔心美國收支赤字令美元價轉弱。紐西蘭今年收支赤字接近GDP 10％，較美國嚴重許多，係OECD國家中最大，但紐元今年4月至今卻升15％！收支赤字接近GDP 10％亦唔影響紐元價，點解收支赤字接近GDP 7％美國，美元價會受收支赤字影響？決定價主要因素係資金流向，唔係赤字。
至於外債，1979年鐵娘子取消英鎊投資管制（Investment pool）後，過去二十六年英國外債增加二十倍！英鎊又點？過去十六年內，曾一度見1美元兌1英鎊的1993年，但依家1英鎊快值2美元矣。點解英國外債狂升，英鎊價反而上升？其實所謂外債，只係英國人海外投資。英國人海外賺到錢英國消費，令英國經濟八十年代至今大部分日子皆保持繁榮，證明外債唔影響英鎊價。
根據過去經驗，股市好少12月份出現大跌市。11月23日恒生指數見19404點後，大市便18600至19400點上落，直到明年1月才作決定升降。雖然愈來愈多人加入睇淡行列，但真正沽貨者唔多，佢地如果唔係太早沽貨，就係根本上睇錯大市方向。11月起恒生指數與MACD背馳，根據歷史，MACD背馳有正面同負面兩種，例如今年5月背馳曾引發拋售，但今年8月背馳卻冇問題；出現背馳代表買家後勁不繼。如賣家加把勁，可令股市下跌；反之，如賣家唔進行攻擊，MACD背馳可以只係牛皮市，例如11月23日至今。買家走去炒國企股及申請新股，令恒指成分股買家後勁不繼，出現正面MACD背馳而非負面MACD背馳機會好大，形成11月23日至今可做trading，例如跌市入貨、升市回吐（講就易做就難）。最常用MACD係十二天與二十六天線，近日十二天已重返二十六天之上，從呢點睇，經過一輪牛皮市後，明年1月股市再升機會十分大，因此不要加入拋售行列。VIX（Market Volatility Index）過去被視為走股市之前三十天，今年VIX創十四年新低，但股市至今遲遲未跌。瑞信銀行研究VIX可信性，發現VIX預測股市準確性達63％；家VIX低於一百八十六天移動平均線21％，係一個幾強烈「小心」訊號。
股市內，炒短線不外「追、、沽」，似乎十分簡單。今年5月至今客觀環境咁唔友善，往往可令炒友失去食午餐興趣。短線炒作所產生壓力，並非一個未受培訓普通散戶可以承受。為協助短線炒友，我老曹提供幾條禁忌，等各位靠鑊剷食飯讀者遵守：一、唔好買入D股價低於十天移動平均線5％股份。二、唔好買入表現唔及大市弱勢股。換言之，只應追入D十天移動平均數之上股份，並以十天線做止蝕位。永遠只炒強勢股，除非技高人膽大，不然少涉足低成交額股份，呢類股份波幅往往十分大。炒股票不能只憑直覺，應建立一套方法（methodology），然後嚴格遵守。
Wednesday,Dec 20 2006, 02:45:05 AM走出香港!!! 做大富豪!!
你想唔想做有銀士？根據聯合國數字，全球六十六億人口，平均每人擁有財產二千二百美元（一萬七千一百港元）；如你擁有超過一萬七千一百港元，你已較全球一半人口富有。根據聯合國數字，全球10％人口（六億六千萬人）平均只擁有六萬一千美元（四十七萬五千港元），如你有四十七萬五千港元身家，已是全球最富有10％人口！成為全球最富有1％（六千萬人）人口又要幾多錢？答案係五十萬美元（三百九十萬港元）。如你唔覺得自己係有銀士，理由只因為你住香港。全印度有70％人口每日收入少於五美元（三十九港元），人家已可養妻活兒，點解香港人賺幾百元一天卻呻窮？理由係別人有銀過你而已。
六十年代我老曹父親月入三百元，已養活我地一家五口。當年我老曹最大願望係飯後有個金山橙，便感覺自己好富有。我老曹弟弟最喜歡食物係餐蛋即食麵（一片午餐肉加一隻蛋及一包即食麵）。其實，貧窮與富有許多時只係相對性，小孩子只要吃飽肚，已不知何謂富有、何謂貧窮。今天我老曹至愛唔係乜名貴美食，而係燒鵝瀨粉！真係百吃不厭，食幾十年仍然認為係人間美味，其中整得最好當然係鏞記。
如你想做有銀士，只要離開香港便可。香港一個普通中產家庭所擁有財富，已達全球最富有1％人口水平。
畢非德擁有財富係幾多？答案係非洲十六個最貧窮國家總和。畢非德唔係富可敵國，而係一個人財富等於十六個非洲國家。
Tuesday,Dec 19 2006, 05:08:32 AM忙忙忙!
好忙呀!我貼完呢篇又要去做野了!勁多野要跟~排期排到一月尾!
曹SIR 話...
內地買賣二手房，要繳邊D稅？一、營業稅，係轉手房價5％（持有超過五年免交）。二、城市建設維持稅，市區稅率7％；縣城、鄉鎮稅率5％；其他地區1％。三、教育費附加稅，稅率3％。四、印花稅，樓價萬分之五，由買賣雙方共同繳納。五、土地增值稅，係轉手房所取得增值差價，稅率由30％到60％，分四級超率累進稅率。六、個人所得稅，按樓房轉手價值減除樓房原值及其他費用後餘額徵收，稅率20％；如不能準確計算房屋原值者，按轉售收入1％繳納；如果係家庭唯一住房及住滿五年後才出售者免交；出售後一年內重新購入新房子者亦可免交。七、契稅，係成交價3％（如自用減半，如果係房改房及經濟適用房按0.75％徵收）。換言之，內地買賣二手房（擁有少於五年），費用係成交樓價18％，另加所獲利潤30％至60％；如果係個人，再加所獲利潤20％。假設內地樓價五年內升幅不足25％，扣除各項稅項開支後仍然冇錢賺，除非樓價升幅達到100％才有可觀利潤。至於內地樓價能否五年內上升100％？我老曹木宰羊。內地炒樓唔易賺到錢，理由係稅費太重。
對沖基金回報未必出色
年底又到交功課時刻。唔少人以為由大證券公司管理對沖基金今年表現出色，答案剛剛相反。根據芝加哥Hedge Fund Research Inc.統計，今年首十個月美國對沖基金平均回報率只有6.5％，由大證券行管理收取資產總值2％及分純利20％對沖基金，則連6.5％回報都冇，再一次證明機構投資者投資水平唔見得特別出色，賺大錢係證券公司內職員，唔係對沖基金投資者！有人質疑投資者應否付出資產2％作為管理費及將純利20％畀證券公司做花紅，而只賺取6.5％回報率（存九十天國庫券回報率已經五厘二五，而且無風無險）。我老曹再一次強調，投資市場只有贏家同輸家，冇大戶散戶之分。無論大戶或散戶，如不嚴守紀律，一樣可以成為輸家；小投資者只要嚴守紀律，表現往往較大證券公司更出色。各位仲有冇興趣留意所謂「大戶動態」？大戶今年只有6.5％回報率咋