Journals
Friday,Jan 26 2007, 03:39:33 AM儲起彈藥等它爆....
chard chard 要走了,皆大歡喜,這也代表之前的忙碌也開始來個軟著陸,不過今年可能真的會出現ｒｅｄ ａｌｅｒｔ～沒有太多肉食！ｃ！
家滬深股市總值十一萬多億元，但可流通股份市值只有三萬多億元，每天成交額有一千五百億元。香港股票市值十三萬多億元，除H股有非流通股外，其餘都係全流通股份，但每天成交額亦只有五百億元。香港股市流通市值係滬深股市加起來全流通股份四倍多，但成交額只及滬深股市三分一。從呢個簡單對比，可見滬深股市炒作程度有多高。 以國壽（2628）為例，去年營業額一百三十六億美元，但市值卻較營業額高達一千二百八十億美元ING更高；工商銀行（1398）去年營業額二百三十二億美元，但市值已超過營業額六百三十七億美元控（005）。再睇散戶人數今年1月9日共七千八百九十二萬戶，較去年初多五百八十四萬戶，最近以每天約二十萬戶速度增加。內地A股已出現泡沫，呢點好肯定，餘下問題係呢個泡沫能吹得幾大、A股牛市可持續幾耐？儘管上述兩大問題未有答案，但有一點可以肯定，就係泡沫總有一天會破滅（參考過去香港資料，1996至97年紅籌股泡沫共維持十九個月）。 出現泡沫理由，同香港九十年代一樣。1990年因波斯灣危機油價上升，令美國經濟增長開始放緩，為阻止美國經濟出現衰退，聯儲局宣布減息及增加貨幣供應，令美元價轉弱；美元到處流竄尋求獲利機會，唔少流入香港，推動1990至97年本港樓市及股市，最終形成泡沫。1997年8月亞洲金融風暴，資金大量從亞洲區流失，泡沫爆破。呢一次2001年起美國經濟開始放緩，聯儲局又再減息，「九．一一慘劇」後，聯儲局瘋狂減息兼增加貨幣供應，去阻止美國經濟出現衰退。2002年起美元又到處流竄，而呢次主要對象係中國、印度、巴西及俄羅斯（俗稱BRIC）。1990至97年8月香港情況，2001年1月起BRIC重演，最後幾時爆破？冇人知道。
＄１ 變１４＄ ＠ｏ＠！
越南股市去年暴漲144％後，今年不足一個月再升30％以上，係唯一股市較中國A股更癲市場。越南政府開始為股市降溫，越南央行向國內銀行發出指令，唔准向自己證券子公司發放貸款，防止國內投資者借錢買股票；並利用政策措施遏制外資進一步流入股市；而今年內有一系列新股招股活動。家越南股市總市值一百四十六億美元（去年初只有十億美元，市值─年內增加十四倍）。
Thursday,Jan 25 2007, 03:47:50 AM好快會收到炸彈!
身邊有人結婚了,很快就會以自己的名義收到別人發出的紅色炸彈,是的!我已經準備好五百大元了!有點期待呢...
辛苦了一個月,終於有回報了,而且仲係IMMEDIATE EFFECT~正正~不知什麼時候才可以存到五萬元,開始我的歷奇大冒險@.@
買樓唔一定發達
好多人以為買樓可以發達，事實並非如此。由1945至70年買樓，同期樓價只上升一倍（由每呎四十五元升至每呎一百元），平均每年上升3％。香港樓價升幅最大係1970至97年，呢二十七年內樓價上升一百多倍，由一百元一呎升至1997年約一萬二千元一呎。第一潮由1970年升至81年，樓價由一百元一呎升至一千一百元一呎，回落至1984年六百元一呎後，第二潮由1984年六百元一呎升至1997年8月一萬二千元一呎。1970至81年樓價上升十倍，理由自金錢購買力下跌，例如同期金價由四十五美元一盎斯升至1980年八百五十美元一盎斯，上升十八倍，以金價計，本港樓價不但冇上升，反而回落（1970年二百二十五黃金換一間五百呎住宅，1980年一百一十八黃金換一間五百呎住宅）。至於1984年起樓價上升，理由係利率回落，利率由1981年二十厘半回落到2003年6月一厘，樓價由1984年6月起上升至1997年8月，升幅亦接近二十倍。至於2003年9月起樓價上升，係本港社會走向兩極化，豪宅重返1997年水平，而中價樓只及1997年樓價50％，至於往後本港樓價點睇則木宰羊。
中移動（941）因不知名賣家延遲出售，股價今天再升2.4％，見七十七元五角，係2000年3月7日以來最高，當日中移動見七十九元七角五仙。美林認為，中移動十二個月內可見一百元。伏達風2000年10月以二十五億美元購入2.18％中移動，2002年6月增持至3.27％，謠傳佢就係呢位神秘賣家。依家中國流動電話用戶四億六千一百萬，佔中國人口35％，中移動佔其中三億零一百二十萬；估計2010年中國流動電話用戶達七億五千萬，由此可見中移動未來增長率。
BOOM & BURST~等待中....
Wednesday,Jan 24 2007, 04:06:20 AM忙忙忙..忙到不知人間何世~
好厲害呢~踏入2007年,由一月二日至今日, 除了上星期日偷偷放了日假,都沒放過假,連星期六日都返工~勁勁,可惜之後做到氣都透唔到~
股市見頂前必呈鋸齒形走勢
內地A股一度回落2.4％，但收市前又再上升，正正反映內地投資者心大心細。股市見頂前必出現鋸齒形走勢，但哪一天見頂則木宰羊，事實亦證明冇人可事前知道；胡亂瞎猜倒不如利用止蝕盤保護（例如十八天移動平均線及五十天線，都係理想止蝕位）。股市結束升勢前都有一輪非理性上升期，呢次亦唔例外。
2003年4月28日日經平均指數由7603.76升至2006年4月7日17563.37，之後便一直處於整固期，最終能否破去年4月7日高點？日圓自2005年5月開始轉弱，至今已回落超過10％，由此可見日本銀行過去兩年對貨幣供應寬鬆態度。日本係出口導向型經濟，過去兩年利用日圓弱勢刺激出口，亦未能令日經平均指數保持一浪高於一浪。升市強勢股先行（例如美股2002年10月起已回升），跌市弱勢股先行。如日經平均指數未能今年創新高，即代表港股快要見頂。上一次紅籌股狂熱，紅籌指數由1996年1月2日1223.15開始至1997年8月28日6466.48結束，升幅428.07％，日子接近二十個月；呢一次國企H股狂熱，國企指數由2005年10月28日4663.75開始至今，最高係1月3日10877.99，升幅133.24％，足足用十四個月。無論升幅或時間，今次皆唔及1996至97年次紅籌股熱潮，理由係香港呢次H股上升係由內地A股帶動。內地滬深指數由2005年6月6日807.78起步，至今高點2516.59，升幅211.54％，為時十八個月，亦未及1996至97年次紅籌股熱。參考1996至97年次紅籌股熱潮去評估內地A股熱，理論上2、3月再上升機會好大，直至耗盡投資者購買力後，才頭也不回地急跌。一如今年委內瑞拉股市，由2004年7月不足1000點起步上升，至2006年12月底略高於6000點，狂升650％後，踏入今年便狂瀉。股市如不升至極端，係無法大瀉。估計短期內地A股有如火箭股升空，然後又如流星般回落。
股蟻前仆後繼完成悲傷傳奇
當一個股市升幅唔細之時，佢本身已帶上升動力，升至到自我滅亡水平為止。呢個叫做「悲傷的傳奇」（grief myth）。例如2000年電盈（008），當年李察李上電台叫大家唔好再買電盈啦！小投資者不但唔聽，反而認為佢好cute，繼續追捧電盈，直到佢完成「悲傷的傳奇」為止。上述情況今天由中國人壽（2628）重演，雖然一切理性分析都話畀各位知佢勁貴，但股蟻仍然前仆後繼加入買家行列，去完成「悲傷的傳奇」。點解到某一水平，投資者可以出現集體腦結冰（brain freeze），明知股價極唔合理仍然勇往直前？有人認為係貪念作怪，但以我老曹觀察股市三十八年經驗，並不能單純用貪念解釋。人係好奇怪動物，當單獨一個人之時通常好理性，一旦聚集成為群眾便變成非理性，往往做出D平時唔敢做事（例如暴動），因此我地需要防暴隊去將群眾驅散成為獨立個體，令佢地重返理性。股票市場最易集合群眾去做出非理性行為，形成股市冇合理價，唔係偏高就係偏低。如根據佛教或印度教解釋，人類潛意識中有追求「涅槃」傾向（即透過自我解脫而進入無憂無慮境界），或格蛇名句─非理性亢奮。一隻股份只要不斷上升，便可令家產生「涅槃」境界（集體自我解脫行為）。家內地A股市場正在完成「悲傷的傳奇」，若政府唔及時阻止，未來內地受害者人數肯定唔少。
內地A股正進入最後衝刺；反而印度股市至令人擔心，由2003年4月28日2904點升至2007年1月18日14325點，升幅393.3％，甚至較內地A股升幅大，時間亦較內地A股長；加上印度政府貪污無能，無論石油行業、電子行業、藥物行業、肥料行業都利用稅務優惠去吸引投資，經濟特區亦成為貪污舞弊之區，官僚主義處處可見，估計政府開支只有10％真正落至受惠者身上；去年印度政府財赤達GDP 8％水平，已形成股市可以大幅回落環境。今年印度政府更揚言未來五年投資三千二百億美元基建項目，去改善供水系統、電力設施、生設備、公共交通等，但冇人知道錢從何來。令人擔心2003年第二季開始印度牛市今年第一季極有可能結束；我老曹相信依家係時候退出印度股市矣。印度股市情況，肯定較內地A股差好多。
恒生國企指數去年升94％，滬深指數升130％。3月人大開會，一般人估計人大開會前唔會有太激烈對付股市政策出台；加上明年北京奧運，內地A股雖然位高，但仍未勢危。
Wednesday,Jan 17 2007, 02:09:19 AM我開始著陸啦...但個市呢?
2001年「九．一一慘劇」後，美元利率三個月內由三厘半降至一厘七五，令美國經濟2002年復甦。由於擔心復甦基礎不穩，聯儲局2002年不但冇停止減息，更2003年6月前將利率推低至一厘！反之，去年8月利率見五厘二五後，明知仍未能阻止通脹率上升，但已停止加息，避免經濟受太大壓力。去年11月美元價跌至近十四年內新低（兌英鎊一度接近二美元），去年8月利率見五厘二五後，已令油價改變方向。不過，中國面對2008年北京奧運；加上銀行同保險公司上市集資超過五百億美元，令中國金融機構借貸能力增加四千億美元，引發內地A股泡沫。面對泡沫市，任何事都可以發生。1973年我老曹首次面對股市泡沫，當年決定離開股市去結婚，錯過三個月內恒生指數上升100％機會，亦避過兩個月內恒生指數回落60％噩夢，離開決定係係錯？至今仲未清楚。1973年短短半年內，眼見恒生指數由800點升至1774點，再跌回700點，幾多財富1973年上半年轉手？ 估計今年上半年中，美國核心通脹率漸漸接近2％，美國或有減息機會。今年上半年內地A股又點？油價佔美國CPI 8％左右；油價由去年8月至今回落超過30％，可令美國核心通脹率年中回落到2％或以下；如到時美國GDP增長率仍保持2.5％或以上話，今年上半年股市仍可睇好，但升幅應唔及去年，因今年企業純利升幅已大大放緩至單位數，令揀股更為困難。中國依家矛盾在於：一方面老百姓存在住房上巨大消費需求；另一方面房價高企令負擔得起購買住房者唔多，情況有如八十年代後期香港。參考香港過去樓房發展史，可更加了解中國房地產未來。相信未來二十五年中國樓市大方向仍係向上，但升得急之時，出現20-25％或以上調整機會亦好大。
唔同行業各有分析技巧
我地係咪了解每一個行業？
一、製造業利潤係原材料加工資，再加生財機器折舊率；毛利率來自兩者差價（產品售價減原材料及工資）。影響利潤最大係工廠使用率，如60％開工率，工廠肯定蝕本、70％開工率可打和、80％開工率獲利、90％開工率純利急升。
二、零售業利潤主要係入貨價同零售價之差。工資、舖租係固定成本，即利潤來自產品流轉速度，例如能否大量售出。存貨愈少，利潤愈好。
三、服務業（例如證券行、軟件編寫等）主要由行業盛衰決定。例如港交所（388）去年股價上升一倍，理由係去年證券業興旺，而非港交所職員較2005年勤力一倍。
四、Franchising。主要睇企業對品牌品質及服務控制係咪成功。例如麥當勞就係最成功經營franchising公司之一。本港唔少上市公司近年內地亦做franchising，但至今成功企業極少。思捷環球（330）係少數能保持品牌形象企業之一，但市場歐洲，一旦品質及形象受損，可連累整個franchising業務；又例如金利來（533）。近年成功例子有大快活（052），透過將品質及形象重新提升為中產階級服務而令純利大升，股價亦大幅回升。
五、收購合併。至今為止，香港成功例子主要係銀行業，而其他行業只有利豐（494）等。一次成功收購，可產生「一加一等於二點五」效益；反之，一次壞收購，可以係「木馬屠城記」（即引敵人入自己公司）。
唔同行業，需要分析技巧亦唔同。分析唔係一般人想像咁簡單。
今年內地平板電視價格迅速下滑（去年液晶電視平均售價下跌30％以上），三十七吋或以上大電視售價大幅下降，例如五十吋等離子電視平均售價已接近二萬五千元；反之，三十七吋或以下電視，估計售價下降空間有限。
1992年微軟推出視窗3.1，到1995年才引起換電腦熱潮，高峰期係1998及99年，2000年開始冷卻。Vista 今年1月推出，它不但可以讓你電腦睇電視、控制室內所有電器，其中同Windows 3.1最大分別係，你可以自己電腦上創造立體圖象版本，將電腦圖象由二度空間轉為三度空間（Three-dimensional moving versions of reality），令今天電腦上所有圖象標準改變。過去只有IBM大型電腦才能做到「立體移動畫象」，今年1月利用微軟Vista及新一代個人電腦（裝上graphics-chip）都可以做到。另一個個人電腦換機熱潮好快出現，因此可重新睇好電腦生產股！
Friday,Jan 5 2007, 08:26:37 AM有人去算命、有人去賭命、有人則信
滬深三百指數O三十倍，恒生指數O十六點五倍，係咪代表滬深股市偏高、港股偏低？只睇O而唔睇純利增長率，係冇意義。滬深三百指數2006年首三季純利較2005年同期上升42.81％，香港三十六隻成分股中，地產股同本港銀行股佔比重仍大；2005年或2005╱06年度純利唔少來自物業重估。2006年或2006╱07年度恒指三十六隻成分股純利升幅有幾多？滬深指數成分股2006年純利如上升42.81％，即2007年O可降至二十一點四二倍；恒指2006年純利如上升20％，2007年O將降至十三點七五倍。下一問題係2007年滬深三百隻股份純利升幅如何？如2007年再升42.8％，2008年O係十五倍。香港三十六隻成分股純利又點？如照上述推算，滬深三百指數同恒指比較只偏高15-20％左右，而非表面上咁大（上述係假設2007年經濟情況同2006年一樣好，如2007年企業純利升幅唔及2006年，咁兩地股市即同時進入偏高期。此乃2007年股市好難分析理由，相信走唔出Boom & Bust理論）。
中國2006年貿易順差可能超過一千八百億美元，相信未來數十年仍然係咁（德國由1952年開始至今連年貿易順差，日本由七十年代開始二十多年貿易順差；反之，美國七十年代開始連年貿易逆差）。美國冇因為貿易逆差而倒下來，至今仍是世界第一強國；德國同日本亦冇因為貿易順差而GDP年年保持高增長。所謂貿易順差和逆差，根本上唔太重要。中國擁有廉價勞動力加工貿易，係變相將勞動力出口，外貿盈餘係必然結果，調整出口退稅和人民幣升值會令出口貿易增長率下降，但改變不了貿易順差問題。國家鼓勵企業「走出去」情況亦一樣（呢點可由德國及日本過去例子證明），中國進口90％係投資項目，包括技術、原材料、能源、機器。至於消費品，目前國內供給很強，外來消費品拓展空間十分有限，對改善貿易順差所起作用亦有限（唔少外國名牌貨在中國十五年發展歷史可證明）。中國人有蚊年，唔係買名牌貨，而係買樓或炒股票，結果造成資產價格升值，情況同日本八十年代近似。
我老曹冇乜藝術細胞，去年夏季Gustav Klimt名畫以一億三千五百萬美元售出，幾個月後Jackson Pallack名畫以一億四千萬美元售出。上述資金以五厘息計，每年可產生七百萬美元回報（五千四百六十萬港元）。內地工廠日做夜做，幾千人努力成果，都賺唔到五千四百六十萬港元一年，有人為一幅名畫而每年付出七百萬美元代價？令我老曹諗起《向日葵》油畫故事。日本人購入《向日葵》後，第二年日本股市及樓市泡沫便爆破。名畫高價售出，正正反映流動資金已達高潮（有錢冇地方使）！驕傲往往走在失敗之前，拿破崙進軍莫斯科前，佢陸軍元帥對拿破崙話：「冬天的雪快來臨，我地等到明年春季才發動攻勢吧！」拿破崙認為佢可在冬季未來臨之前已攻陷莫斯科，令俄軍投降……。結果拿破崙的確攻入莫斯科，但俄國人並冇投降。歷史從此改寫。
當人均收入達到一萬美元後，日本仍然上升，並在1990年達三萬多美元才停下來，但2005年仍係三萬二千五百二十美元。香港達人均收入一萬美元後，受惠於中國經濟，在1997年曾達到二萬七千美元，但2005年卻只有二萬四千五百八十一美元，無法前進。新加坡2005年人均收入二萬一千美元，過去十六年升幅亦唔大。台灣更差，至今亦只有一萬三千九百二十六美元。南韓1997年後更回落到九千五百美元水平。廣州又點？未來廣州到底係日本或香港，還是台灣同南韓？日本人均收入其實1988年已見頂，其後升幅來自日圓升值。香港得天獨厚，巧遇中國改革開放，因此仍有十年黃金期。一個城市發展高速成長期只有二十二年至二十八年（香港有三十年，由1967年至1997年），廣州如由1978年起計，亦已完成高速成長期，2007年起GDP將進入低增長期。