Friday,Mar 30 2007, 05:01:21 AM尋找快樂的故事

首先要多謝陸羽仁叔叔同鄧小閑叔叔,因為他們BLOG中有的,可以學的已經很多, 因此我也沒必要再經常在這裡引用曹SIR 的文章了

今天,反而想談談早幾天特意拿了半天假去看的電影,餓死抬頭(台譯的AS TITLE)...

這套戲是我近年少數進戲院看的勵志片(?),真人真事改編,所以結局如何也是大家的意料中事...

下有劇情,不喜勿入

看完回來,本來感觸不深,但是偶然加上好奇(八卦?)的天性使然下,去了看也苦網友的評論,其中一句令我印象深刻,自此片中的一些情節便佔據了我每天搭巴士時百無聊賴的垃圾時間(賺了?)。

首先是劇中一段叫人緊張的情節,話說男主腳了解自己的條件比人劣,同一(或更少)時間,採用相同的方法去搵生意,很難突圍而出(博奕論?)決定使用奇兵直搗黃龍,終於找到一線生機的時候,橫裡殺出個X(可以是很多不同的人、事),究竟能否及時趕到潛在(超大型)客戶身邊呢?

最後事與願違,但男主腳憑著拼勁,在假日的周六,拼拼運氣,(很明顯他只是去看看有沒可能再找機會談生意,因為主腳做了準備,帶了機器去賣,至於看球賽是為了逗兒子同行的計謀)很好彩因此衍生出日後很多機會。這裡我先想到是借著那個大戶的面,可以提高自己身價,狐假虎威,但是我錯了,接著又想到主腳進入了一個四週都是大客的圈子,很不錯,掠食~掠食!故事也大概是這樣,最少是叫人不要輕易放棄吧?

但是看完出來,想到萬一....進入IF 路線.....

如男主腳不比別人多走一步,在假日拜會有錢佬,很可能便失去很多生意

又如男主腳之前在限時內恰巧趕到大戶身邊,然後大戶便很決絕的拒絕了男主角的愛(?),也許男主腳在這個點以後要走的路便變得再崎嶇一點。

又如男主腳的機器不是之前給人拿去了(這裡有兩次),首先是第一次,如不是面試中途去了追賊,便不會直接找總行的人,也失去之後同車表現自己的機會(如不是同車也不會不見第二部機!!!)

想到這點,真的不能不嘆世事之奇,塞翁失馬,焉知非福....之後腦袋便因運算大量的可能性而死機了...

另外,這套電影真的很適合已出來工作的人去看看,倒不是一套適合小童看的電影,一來感受不到那道壓力和生活的難。而且男主腳作為父親,真的說了很多次大話.....(雖然是善意的,不過我是曾子派....)

 

Wednesday,Mar 28 2007, 06:24:53 AM緣...玄?

所謂謀定而後動,因此開始在浩翰的互聯網上四出找資料,可惜找到的,都是一盤盤的冷水。打到這裡想起,昨天電影的一句說話:意思大概是這樣

不要讓別人讓你說,你做不到。

他們因為自己做不到,才向其他人說不可能。

當然broker 不一定個個腰纏萬貫,同理也適用在別的職業上,但是最少社會上有公平的途徑讓不同階層的人向上走。

打到這裡又想起一句說話

血賤街頭正是入市良機,在槍炮聲中入市....

原來這些"智慧"在我身上,差點變了老生常談,只成了空談的機器,而讓機會白白流走。最後成了笑話中那位怨上帝多次見死不救的傳教士。

看來目前的任務是要把過去看到、聽到的去蕪存菁,再進一步就是把經驗轉化為資本!

最後因為機緣,遇到兩個新的網站,還是忍不住post 一些連結,最後當然是慨嘆世上沒有免費午餐...縱使資料來源近乎免費,但是每天可供閱讀的時間不足阿!...!

又扯到有關時間管理和自制的問題上了....不能自主的比利....

http://hk.myblog.yahoo.com/banking_mind/archive?l=f&id=7&page=6

聽聞古時女子選夫有五條件：潘、驢、鄧、小、閑

 到底「和股票談戀愛」有什麼問題呢？我不相信他們的話，我認為應與股票談「戀愛，結婚」。小股民應用小女人擇偶的心態〈選股的四個基本條件〉，去選取一個最適合自己、最安全可靠、最能給自己幸福的對象。婚後亦應留心對方有没有改變，有没有不符合最初擇偶條件的地方。若果是自己走了眼，選錯了對象，又或丈夫已變成叧外的一個人，〈如：《香港電訊》變為《電訊仍Fall》，小股民就應與〈他〉一刀兩段，離婚去也。〉

http://hk.myblog.yahoo.com/mr-market/article?mid=2150&prev=2182&next=2126

要看一間公司是否實而不華, 就要看招股書入面幾樣野.

(1) financial statement.(asset = liabability+ equity)你要留意下佢既sale , 係幾年間既變化, 再睇吓佢既支出= sale - net sale before tax. 再睇吓佢既成本結構(equity)(如人工等...).佢既收益來源(equity)(有沒有實體收入). 佢既asset既結構都要睇睇 , 佢揸Cash 多還是全部都係account receivable(如果佢account receivable多既話就代表佢有好多街數未收返)

(2) liabability - 睇佢short term liabaility(短期負債<1financial year) 同long term liabability(長期負債>1 financial year)跟手睇吓佢既unearn revenue(未履行責任既收入,簡單來說就係別人預支款項給公司)

(3)睇吓佢既短期同長期投資,會成為公司的金雞/負累.

睇完晒d基本野,就要睇間公司涉及幾多法律訴訟同埋係咩既法律訴訟.

最後係睇管理層既資歷,同果間公司既發展行業有無關聯(有會較好). 

至於有咩既策略性既投資者,呢個都要睇睇.

(4) 行業(呢個係最緊要既野)

間公司做咩行業 , 公司係行業入面個地位係點. 佢既競爭者係點;個行業既前景;新公司容唔容易取代現有公司(進入門檻+進入威脅)(好似零售, 新既公司可以透過學習舊公司既制度而取而代之, 進入威脅性低,不宜追入);行業容唔容易受經濟環境所影響等等.

P.S 睇完上面既STEP，觉唔觉得曹兄其实成日好好人甘不问回报甘帮我地呢做D甘麻烦但有趣既研究呢

1.      潘是指潘安之貌，

2.      驢是驢子，有驚人耐力；

3.      鄧是鄧通，古時財人，不單富有，更樂於花費；

4.      小是細心，心細如塵；

5.      閑即清閒也，有時間相伴愛妻。

取名鄧小閑是提醒自己要小心行事，擁有自己時間及懂得花費。此外林行止的作品曾提及英國雜誌Man in the town， 林 先生譯作鄧小閑，頗為有趣，令小弟留有深刻印象。

Wednesday,Mar 21 2007, 04:29:39 AM想將它置頂...

曹SIR

1971年我老曹曾《明報晚報》時代提出「人不為己，天誅地滅」。被前老闆認為教壞年輕人；查老闆認為人應該有「大俠心腸」（行俠仗義），所以佢小說咁暢銷。我老曹認為，俠骨柔腸只存在於小說中，現實世界卻係人人自私自利。例如麵包師傅半夜起床為你做新鮮麵包，唔係為你口福之欲，而係為養妻活兒。我老曹每天花八小時以上搵材料寫好呢個欄，唔係服務社會，而係為自己搵錢而已（除賺取可觀稿費外，亦可擴闊自己視野）。全人類都係自私自利，因為咁我地至需要法律去規限每個人自私心。如私人企業為賺取暴利而做出有損公眾利益之事，我地制訂法律去規限佢，咁叫做check and balance（檢查與平衡）。即企業可盡一切能力去賺取利潤，但必須遵守法律（或遊戲規則）。如發現法律未完善，便由立法會通過新法律去規管企業，而唔係要求企業有良心。全世界資金湧入中國，唔係幫助中國人做大做強，而係中國「尋利」。利大可聚天下之財，無利可圖業務只有交畀政府或慈善機構去做，此乃點解教育、醫療、社會福利事業等唔可以私營化理由（但可用企業方式經營），雖然無利可圖但社會卻需要上述服務，因此由政府或慈善機構提供。由政府及慈善機構去承擔，而企業應透過捐款作出資助，回饋社會

理念投資法須經三個階段

　　成為億萬富豪，必須有正確思想（right frame of mind），知道何時進攻、何時防守，明白投資唔係遊戲，買股票唔係買六合彩。人人講「理財」，其實「理念」更為重要！窮家子弟懂事早，唔使人教已知理財不外開源節流；普通打工仔又點樣節流？懂得節流，窮表不窮裏（外表貧窮，其實唔窮）；唔懂節流，無藥可救。未學理財先學節流，有節流，自然有「財」，然後才學投資。投資唔係炒股票、炒期指、炒外，上述都係短期獲利、長期損失慘重方式。首先要學睇方向，如方向錯誤，其他方面已唔重要，例如1997至2003年樓市下降期，你有冇逃避風險？2000年TMT股泡沫爆破時，你有冇止蝕離場？今年方向係點？貝南奇話係黃金歲月（上落市），格蛇話今年底有三分一機會衰退。你信邊個？你理念（capital idea）又如何？

　　羅杰斯話從來唔重視華爾街證券行分析員報告，因為佢地都係隨大市潮流者（即市好講好，市淡講淡），而世界上冇人可靠隨波逐流發大財，因為群眾常常犯錯！投資者通常都經歷三個階段：一、道聽途說。別人講乜自己信乜，此乃股市初哥。二、看圖認字。以為自己識睇走勢便天下無敵，而唔明白只有賣走勢書人至發達。三、反璞歸真。唔再信人，改信自己，建立有系統邏輯思維，明白止蝕唔止賺道理。利用基礎分析尋找目標同方向，趨勢形成時加入，趨勢結束後退出（有智慧不如趁勢）。至此，才算學成明白何謂理念投資法（利用理念作為自己最重要資本而非資金）。未經歷過第一階段、第二階段者，係好難進入第三階段，因夏蟲不可語冰。

　　本周股市仍然波動。不過，理由再唔係內地A股回落或日圓利差交易平倉，話題轉向美國次級債券問題。證明股市要跌，傳媒總會幫佢搵理由，卻非上述因素令股市回落。已故金王胡漢輝話：「萬種消息皆入市」（即市場早已將一切消息反映出來）。次級債券問題早去年下半年浮現，當時股市一樣上升，到今年卻成為股市下跌理由，證明股市要跌才係主因。上月搵A股跌9％作為理由，然後係日圓利差交易平倉，最近係次級債券問題……廢話連篇（包括我老曹在內）。

理念投資法須經三個階段

　　成為億萬富豪，必須有正確思想（right frame of mind），知道何時進攻、何時防守，明白投資唔係遊戲，買股票唔係買六合彩。人人講「理財」，其實「理念」更為重要！窮家子弟懂事早，唔使人教已知理財不外開源節流；普通打工仔又點樣節流？懂得節流，窮表不窮裏（外表貧窮，其實唔窮）；唔懂節流，無藥可救。未學理財先學節流，有節流，自然有「財」，然後才學投資。投資唔係炒股票、炒期指、炒外，上述都係短期獲利、長期損失慘重方式。首先要學睇方向，如方向錯誤，其他方面已唔重要，例如1997至2003年樓市下降期，你有冇逃避風險？2000年TMT股泡沫爆破時，你有冇止蝕離場？今年方向係點？貝南奇話係黃金歲月（上落市），格蛇話今年底有三分一機會衰退。你信邊個？你理念（capital idea）又如何？

　　羅杰斯話從來唔重視華爾街證券行分析員報告，因為佢地都係隨大市潮流者（即市好講好，市淡講淡），而世界上冇人可靠隨波逐流發大財，因為群眾常常犯錯！投資者通常都經歷三個階段：一、道聽途說。別人講乜自己信乜，此乃股市初哥。二、看圖認字。以為自己識睇走勢便天下無敵，而唔明白只有賣走勢書人至發達。三、反璞歸真。唔再信人，改信自己，建立有系統邏輯思維，明白止蝕唔止賺道理。利用基礎分析尋找目標同方向，趨勢形成時加入，趨勢結束後退出（有智慧不如趁勢）。至此，才算學成明白何謂理念投資法（利用理念作為自己最重要資本而非資金）。未經歷過第一階段、第二階段者，係好難進入第三階段，因夏蟲不可語冰。

　　本周股市仍然波動。不過，理由再唔係內地A股回落或日圓利差交易平倉，話題轉向美國次級債券問題。證明股市要跌，傳媒總會幫佢搵理由，卻非上述因素令股市回落。已故金王胡漢輝話：「萬種消息皆入市」（即市場早已將一切消息反映出來）。次級債券問題早去年下半年浮現，當時股市一樣上升，到今年卻成為股市下跌理由，證明股市要跌才係主因。上月搵A股跌9％作為理由，然後係日圓利差交易平倉，最近係次級債券問題……廢話連篇（包括我老曹在內）。

　經濟繁榮唔係建基於「一人一票選舉」制度，呢點各位唔好搞錯，而係建基於一個公平、公正及公義制度。所謂公平，即「人人機會平等」，如窮人子女冇書讀，政府要為貧窮子女提供教育機會，以便達致相對公平起步點。所謂公正，即任何企業不能有特權，所有參與者必須相同條件下競爭，此乃公平（因此需要廉政公署去執行社會上公正責任，以達到百駿競走，能者奪魁結果），勝出者係因為有本事、有才能，而非受政府優惠。最後就為公義社會，即老有所養、幼有所依，向弱勢社群提供一定援助，以免社會出現過度不平衡。達致公平、公正、公義社會，方法有許多，例如中國漢唐就係其中典範；反之，不成熟民主制度往往害多於利，例子數不勝數，例如東南亞及南美洲國家。監察公平、公正、公義制度方法，係公開（即增加透明度）及保障言論自由。只有言者無罪下，社會才能達到公平、公正及公義。此所以2003年我老曹全力反對廿三條立法。

　　我老曹同意子女十八歲以下，父母應擁有監護權；十八歲以上二十一歲以下，父母應尊重子女意見；二十一歲以上，決定權才回歸子女，父母只能提意見及尊重子女決定（因為佢地已成年）。如太早將決定權交畀子女係錯，但如子女已過二十一歲仍事事以父母意願為依歸，亦會令子女長唔大（變成裙腳仔）。今天香港已長大成人，可承擔建立民主政府責任；但中國仍未長大成人，太早實行民主，只會害死中國。上述係香港與中央政府矛盾所在。點樣等中央政府知道我地已「大個仔」？此乃下屆特首責任，但並非最重要任務。最重要任務仍係維持一個公平、公正及公義社會，並增加政府透明度及保障言論自由。

香港係時候大搞基建

　　聽特首辯論，如佘當奴獲選，相信本港建築業可以起動。建造業受惠者主要係本港下層社會，過去十年政府太多基建項目過唔到立法會，形成本港建造業十年浩劫，建築公司業績唔見得人。依家金鐘項目已上馬，其餘西九、郵輪碼頭、港珠澳大橋、沙田至銅鑼灣鐵路及港島南區地鐵、紅磡土瓜灣地鐵仍未落實，搞到建築工人唔夠工開，亦係造成本港貧富兩極化原因，令香港漸落後廣東省。香港係時候大搞基建項目，只要大量基建項目上馬，令本港下層社會受惠，民怨自然減少。解決1967年信心問題，係紅磡海底隧道動工；令1973－74年石油危機影響淡化，係地下鐵路工程上馬；1982年信心危機能消除，來自政府十年教育計劃、十年醫療計劃及擴大居屋計劃；解決1989年六四困擾，係新機場興建；依家特區政府大把蚊年，點解唔搞大型基建項目？太多大型基建項目至今仍停留紙上談兵階段而未動工，上述乃產生民怨理由，唔係因為冇直選。願今年下半年起港人少Ｄ爭，多Ｄ搞大型基建項目，不然香港便由先進變成落後（睇睇內地近十年各項大型基建項目，再睇睇香港自己，我地係咪浪費太多時間無謂爭上，搞到廣東省政府亦睇唔起我地？真係家和萬事興，家衰口不停）。

　　2003年下半年香港樓房上升動力來自「以小換大」及「改善居所環境」。同1967至97年香港樓市黃金三十年唔同，當時係香港中產階級形成期，香港大部分家庭由家無恒產轉化為小業主；到1997年，香港居住問題基本上解決（除新移民），但白眉董卻懵盛盛，才形成六年樓價下跌潮。香港超過六十萬小業主已供完樓，開始由佔用五十平方米以下轉向七十平方米以上（細屋搬大屋），有Ｄ向環境較佳地區一百平方米以上轉移，來自改善居所環境要求成為過去五年本港樓價上升主流，上述動力極受經濟因素影響。如經濟向上、股市向上，便多人細屋換大屋及改變居所環境（因為香港有六十萬家庭已供完樓）；反之，經濟向下、股市向下，換樓人數便大減，因為已唔係需要，而係來自改善本身居所需求，令2003年呢次本港樓市上升期表現極之飄忽。

Wednesday,Mar 21 2007, 04:06:31 AM後工業時代!

最近兩天返工都遲到,今天給教訓了,該死=O=!

工作不是很忙但每天打開OUTLOOK 也有點像收成績表時戰戰競競的感覺! 老闆真是一種可怕的生物...

回想十二月左右時話要儲錢!好的!現在我要在年底前儲四皮野!!!!

大不了咪唔還錢~咩呀?

西方經濟有所謂「後工業時代」，簡單D講，利潤產生唔再來自製造業，而係來自資產升值及信貸膨脹所產生消費。隨資產升值及消費上升，令我地「感到」富有……。但「後工業時代」有一個缺點，就係樓價不能回落及信貸不能收緊，以免影響消費。

　　香港人剛經歷完一次「後工業時代」盛衰循環周期，就係1984年7月至97年8月因樓價上升而帶來經濟繁榮，1997年7月亞洲金融風暴令資金流失、信貸收緊，而出現1997年8月至2003年4月衰退期。隨2001年1月美元利率回落、2002年美元價下跌，令美元再次到各地搵出路，香港經濟又再繁榮起來。資產價格升降、資金流向取代努力工作（工業時代必須努力工作才賺到錢），經濟盛衰隨資產價格升降而出現；而資產價格升降好大程度上受信貸寬緊所支配（雖然有時間差）。例如2001年1月1日起至2003年6月，利率由六厘二五降至一厘，令大量美元流入香港，最後推動本港樓價上升；2004年6月至06年6月利率由一厘上升至五厘二五後，資金未流走，本港樓市只係進入滯銷期而已。

中國競爭優勢產品開始上移

　　英國全盛期雖然只佔全球人口2％，卻有能力生產全球三分一工業製品。中國1978年決心加入全球經濟體系，開始以出口、投資、製造業帶動經濟增長。以中國廉價勞工優勢最先侵佔全球低技術、低資本投入輕工業，隨勞工技術日漸成熟，加上賺番資金漸多，中國有競爭優勢產品開始上移，由過去成衣、玩具、電器產品，進軍雪櫃、電視機、音響器材等電子消費品，愈來愈多產品市場被中國廉價產品攻陷。最近中國甚至宣布進軍飛機製造業，不讓美國同歐洲專美！即高技術、高資本投入工業產品亦面對中國廉價產品入侵。高勞工成本國家點樣抵擋低勞工成本國家產品入侵？高勞工成本國家有競爭力產品如飛機、醫療儀器、藥物同化工產品等，假以時日，最後亦將一一被低成本國家產品攻佔市場。英國只佔全球人口2％，工業全盛期已可生產全球工業產品三分一；中國擁有全球20％人口，如全部投入生產，理論上可供應全球所有工業產品！所謂「後工業時代」，D透過資產升值及增加信貸仍可維持經濟繁榮國家，面對長期資金流失（貿赤），最後結果係點？

　　事實上，資金泛濫唔係由2001年開始，而係1996年，當時格蛇已大嗌「非理性亢奮」，可惜接二連三發生事，令佢不但唔敢收緊銀根，反而一再放鬆，到1999年略為收緊銀根，已引發2000年科網股泡沫爆破。相信佢較任何人都清楚自己過去十年做過乜！佢亦明白一個國家經濟繁榮唔可能長期依賴資產升值及信貸膨脹去維持，佢離任一年後提出警告，會係無的放矢咩？

　　1997年亞洲金融風暴，何處係避難所？答案係請離開亞洲區，去歐洲、美洲，無論當地樓市及股市都係安全避難所。2000年TMT股泡沫爆破，何處係避難所？答案係債券、黃金及所有資源項目都係避難所。呢次美國房地產如出現調整，何處係避難所……？貝南奇正努力去阻止大跌出現，至今為止十分成功，但未來會否繼續成功便木宰羊。

(曹 Sir)

Monday,Mar 19 2007, 07:48:49 AM偽鈔多呀....因此要多消費!!

因為最近偽鈔充斥市面,為免成了下一名受害者,決定把手上持有的現金改變!改為持有遊戲卡帶!!哈~

因此不斷流連這個萬惡的雅虎拍賣場,不斷地散貨(把手上的現金散出去!!)很爽呢!

不過,之後三個月應該不會再買game 的了~

另外,認識了一個新朋友,他叫杜忌,很帥氣的名字呢! 杜忌,你好~

最後,曹sir說了一個關於大家都想知道的事,有關退休...

從前退休計劃好簡單——擁有一個自住單位（已供斷）及相等於一百萬美元資產。將60％投資藍籌股、40％投資債券，平均可獲得6.8％回報一年（約五十三萬港元），已足夠過舒適退休生活。但1997年至今，自住物業跌價50％（如果唔係豪宅話），股市大上大落，債券價格2003年起亦回落……。即使擁有上述家財退休人士，過去十年一樣擔驚受怕。2007年才退休更煩，債券已無法提供五厘以上回報，股票恒指18000多點平均息率亦不足四厘；樓價由2003年上升後（指一般中價樓），用二百幾萬元能買項目亦唔多。

　　過去六╱四分法已不管用。新方法係除擁有自住物業外，48％投資股票、28％投資債券，其餘分散到外幣及黃金上，以產生對沖作用（此起彼落），但每年回報率由過由6.8％降至4.5％（即每年收入只有三十五萬一千港元）。

　　今時今日甚至擁有一千萬元家財，一旦退休，每月開支不得超過三萬元，以免日後陷入財務困難（而非從前每月開支仍然可保持四萬四千元），所以不要輕言退休。

　　今時今日，退休已成為奢侈享受！