Journals
Friday,Mar 2 2007, 04:13:40 AM我會做好呢份quote!
放完個悠長假期回來,本以為有一大堆工作要跟~原來又唔係喎,一切既平穩又寫意,真係保持著這個步調就最理想了。
假期不是做了很多東西,除了吃睡拉以外,只出了幾次街,看了一套戲,一般般咁啦,但原來返工也有返工的好,就是多了一個利是的收入來源~學steve 話頭,山x斬埋有柴!
下面的曹sir 有悶有唔悶,先放比較有趣的(主觀地認為),希望平時不看的各位也可以看一下。
國際金融中心地位並唔可靠。十三世紀，歐洲金融中心地位係威尼斯，國際貿易加上各國君王的借貸，令威尼斯成為國際金融中心。隨貿易路線改變，十七世紀地位去荷蘭阿姆斯特丹。憑第一次工業革命，英國經濟起飛，倫敦成為國際金融中心。第二次世界大戰後，國際金融中心地位由倫敦移往紐約。隨中國經濟力量興起，香港國際金融地位正在冒起中，當然仍未能挑戰紐約，但最近紐約已感受到壓力。
由十三世紀威尼斯到第二次世界大戰後紐約，可見時移世易威力。威尼斯地處歐、亞、非三大洲貿易交要衝，加上當地人務實作風及與天主教廷特殊關係，成為西方貿易中心及金融中心。隨東方貿易日漸增加，以及1609年阿姆斯特丹銀行發行不能兌換黃金紙幣，由政府作為後者世界上第一間中央銀行成立，並成立全球第一個股票交易所，取代過去威尼斯地位。但荷蘭人太醉心於鬱金香，帶來投資市場上第一個泡沫（鬱金香泡沫），當日泡沫爆破後，阿姆斯特丹地位一落千丈；加上巧遇英國第一次工業革命，英國國力日盛，殖民地遍布世界各地，令英國對外貿易日益頻繁，倫敦一躍而成為國際金融中心。兩次世界大戰，英國都係主要參戰國，雖然戰勝，但經濟所受打擊十分大；反之，美國遠離戰場，並大做生意而發其大財，到第二次世界大戰後期才參戰，戰後更成為世界上工業最發達國家。美元從此取代英鎊成為國際流通貨幣，令國際金融中心地位由倫敦去紐約。越戰之後，美國外貿赤字一再擴大，令美元地位走下坡，日本東京一度曾威脅紐約地位。但隨中國冒起及日本地產泡沫1990年爆破，東京作為國際金融中心美夢亦破碎埋。今天香港雖然距離成為國際金融中心地位仍遠，但紐約證券交易所上市條件過於嚴苛監管制度，令倫敦及香港有機會崛起；其次係創新能力（大量衍生工具香港上市，反令紐約及倫敦失色）；加上中國經濟進入上升周期，都為香港未來作為國際金融中心提供有利條件。香港亦應從阿姆斯特丹及東京泡沫爆破中吸收教訓，如投機過分白熱化令大量泡沫形成，一旦爆破就不可收拾。
以下的比較悶少少
花旗集團推介雨潤食品（1068），目標價十元二角，理由係未來稅率下降；亦推介北泰集團（2339），估計今年業績睇好，並推介聯洲（048），目標價七元二角，即各位可繼續在二線身上搵食。豬肉價睇漲，有利雨潤食品；汽車零件需求上升，有利北泰；集團完成整固，有利聯洲國際……。在投資市場耐心尋找、小心求證，百步之內豈無芳草?!任何了解技術分析人，經歷八個月反覆上升後，當恒生指數2月23日無法打破前高點（1月24日的20971點），應該知道調整市快出現，但唔係一次崩潰（meltdown）。至於內地A股則不清楚，由於A股O偏高50％；加上一億二千六百萬個投資者中新血太多，唔少不知「投資」為何物新手，最後會否引發恐慌性拋售？木宰羊。新興市場特色係「其進也銳，其退也速」。人民幣唔係炒升值嗎？1990年至1994年日圓亦大幅升值，日經平均指數表現又點？中國外儲備唔係大幅上升嗎？1990至2003年日本外儲備何嘗唔係大升？換言之，人民幣升值及中國外儲備上升，同股市升降冇乜關係。日經平均指數1990年1月起回落，理由係O太高，目前A股O亦是偏高，至於往後出現乜？世界上許多係不可預測的，許多事係不可避免的，許多事物係無法預見的；既然A股進入不可預測期，理性投資者點解仍要介入？許多人蝕大本，理由就係忽略可見威脅、盲目追求不可預知的機會，同時忘記止蝕。A股市場目前仍是半封閉式，影響力只及上海、深圳及中國，對H股影響可能只係同A股溢價收窄（或消失）。2月27日內地一次haircut已失去一萬億人民幣市值，相信係內地人最昂貴一次「剪髮」！足夠提醒全球投資者一句經常被忽略的說話：股市可升可跌。新興市場大幅上升，有如紅日從東方升起，是多麼朝氣勃勃，最後新興市場必經一輪大跌，才會日漸成熟，其肯定性有如太陽一定從西方下沉一樣。A股在十八個月內上升200％，如調整到升幅三分一，可回落……。股票市場無合理價，唔係偏高就係偏低，偏高股市遲早出現調整，但唔知幾時開始；偏低股市遲早上升，亦唔知哪一天開始。投資策略就係寧買當頭起，莫買當頭跌！至於利用低價吸納優質股耐心等候升市來臨，上述策略令畢非德成為全球第二富人策略。行使上述策略，你必須擁有大量財富才行，因為可以等幾年才出現。
創新能力才能賺大錢
美國聯邦通信委員會（FCC）公布今年3月1日起美國境內銷售所有電視機都必須係數碼電視及符合ATSC（數碼電視標準）技術規範，令中國所有數碼電視出口美國將面對每台二十至三十美元專利收費，歐洲DVBIT標準亦打算向中國彩電企業要求專利費。
過去中國競爭模式係建立龐大工廠利用規模效益大量生產，再以低價將產品賣遍全球，今年開始面對別國知識產權費問題。過去中國外貿大幅上升，係建基於外資設計加上中國組裝，但產品並冇中國知識產權含量。呢條路已行唔通，今天產品利潤來自知識產權而非薄利多銷，賺大錢者再唔係擁有數千工人製造業，而係知識產權擁有者。例如可口可樂、麥當勞所出售就係知識產權，包括商譽、工藝、配方及專利。呢次美國向中國收取數碼電視專利費，代表製造業重心已由產品轉到知識產權上，規模巨大工廠不但唔再係一項驕傲，可能變成一項負擔；能為公司賺大錢者唔再係數千女工，而係公司內R&D創新能力，包括技術創新及知識創新。中國經濟將面對另一次轉型！
(曹 Sir)
Friday,Feb 9 2007, 08:23:55 AM今日食飯.......
是日如常的外出吃午飯,在很烈日當空的情況下,不經意地晒了晒命!給同事追打T_T,然後如常的吃了兩碗河粉~(沒錯! 我肥了!!哈哈哈!)
比較不尋常的是...吃飯途中,聽到兩位學生不停地話學校的老師廢,然後又不停向對方吹噓自己如何歷盡千辛萬苦取西經...阿...係取到14分升學~真係辛苦晒...
呼...唔怪之得,以前食飯成日俾人望住啦.......!!原來做學生真係十分惹人妒忌架!!特別係那些食飯唔知米貴,食米粉唔知米粉正,食十日米粉唔 ...
Read More...
Wednesday,Feb 7 2007, 07:41:57 AM爽蕉~好快有假放~
正正,最近每天都有野做,但又唔忙~最最喜歡這個pace 的了!~現在等待下期放假~可以放到年初九呀!正!成大個假期有咩做? 梗係在屋企操wii 啦! 爽蕉!
商場如戰場，股票市場更是資本主義社會中最大的競技場。過往十年，香港股票市場中的贏家只佔20%，輸家卻佔80%。因此，投資前必須考慮自己對風險的承擔能力，事先訂定一個周詳的理財計劃。千萬不可過分自信，輕率作出投資決定，更不要誤以為認購新股必定有利可圖，或 ...
Read More...
Tuesday,Feb 6 2007, 03:24:24 AM天字第一號敗家仔
我買左wii 啦~好敗家阿~好好玩,之但係玩了兩日半,除了打拳打到手痛以外,而家開唔到機,因為隻牛死左,而跟機又少左隻原裝牛...真係..頂佢!!!!
今日會拎去換番隻牛同埋救番我隻被綁架了的牛牛...~gdi!
另外~呢輪好大洗~「等無咁大大洗的時候」,要好好儲番點錢才行!! ...
Read More...
Friday,Jan 26 2007, 03:39:33 AM儲起彈藥等它爆....
chard chard 要走了,皆大歡喜,這也代表之前的忙碌也開始來個軟著陸,不過今年可能真的會出現ｒｅｄ ａｌｅｒｔ～沒有太多肉食！ｃ！
家滬深股市總值十一萬多億元，但可流通股份市值只有三萬多億元，每天成交額有一千五百億元。香港股票市值十三萬多億元，除H股有非流通股外，其餘都係全流通股份，但每天成交額亦只有五百億元。香港股市流通市值係滬深股市加起來全流通股份四倍多，但成交額只及滬深股市 ...
Read More...